អន្តរជាតិ
ឌូទើតេ ប្តឹងដកតំណែងប្រធានស្ថាប័នប្រឆាំងពុករលួយដែលស៊ើបរឿងទ្រព្យសម្បត្តិរបស់លោក
×![]()
ដោយ: ថ្មីៗ
ប្រធានាធិបតីហ្វីលីពីន ប្រកាសដាក់ពាក្យប្តឹងដកហូតប្រធានស្ថាប័នពុករលួយ បន្ទាប់ពីប្រធានស្ថាប័ននេះហ៊ានស៊ើបអង្កេតករណីសង្ស័យដែលថាលោកមានលុយលាក់រាប់ពាន់លានប៉ឺសូនោះ។ លោកអះអាងថា លោកបានប្រកាសទ្រព្យសម្បត្តិត្រឹមត្រូវតាមច្បាប់មុនក្លាយជាប្រធានាធិបតី ហើយវាគ្មានរឿងដូចដែលគេចោទឡើយ។
លោក រ៉ូឌ្រីហ្គោ ឌូទើតេ ប្រកាសចេញវិធានការប្តឹងដកតំណែងប្រធានស្ថាប័នប្រឆាំងអំពើពុករលួយហ្វីលីពីនលោកស្រី Conchita Carpio-Morales នៅថ្ងៃពុធទី ៤ ខែតុលា។ ការអះអាងបែបនេះធ្វើឡើង បន្ទាប់ពីលោកស្រីប្រធានស្ថាប័នខាងលើបើកការស៊ើបអង្កេតរឿងទ្រព្យសម្បត្តិដែលប្រធានាធិបតីលាក់ទុកមិនព្រមប្រកាស។
បើតាមទីភ្នាក់ងារព័ត៌មាន Reuters លោក ឌូទើតេ បានបញ្ជាក់ថា លោកនឹងដាក់ពាក្យប្តឹងដកហូតតំណែងលោកស្រី Morales នៅពេលខាងមុខ។ លោកហាក់ដូចជាខឹងសម្បារនៅពេលដែលស្ថាប័នប្រឆាំងពុករលួយ បញ្ជាក់កាលពីខែមុនថា គេកំពុងត្រួតពិនិត្យការចោទប្រកាន់នានាពាក់ព័ន្ធទ្រព្យសម្បត្តិរបស់លោក។ គេចោទថា លោក ឌូទើតេ មិនបានប្រកាសទ្រព្យសម្បត្តិឲ្យបានពេញលេញតាមច្បាប់ទាមទារមុនពេលលោកក្លាយជាប្រធានាធិបតីឡើយ។
លោក ឌូទើតេបន្តដូច្នេះ៖ «ចុងក្រោយ គេត្រឹមរកឃើញថា វាគ្មានការលក់ទុកទ្រព្យសម្បត្តិដូចកាលចោទប្រកាន់ឡើយ»។ លោក ឌូទើតេ បន្ថែមថា លោកក៏ចង់ឃើញប្រធានស្ថាប័នប្រឆាំងអំពើពុករលួយនេះប្រកាសទ្រព្យសម្បត្តិខ្លួនជាសាធារណៈ ហើយលាលែងពីតំណែងដែរ។
នៅហ្វីលីពីន ប្រធានាធិបតី អនុប្រធានាធិបតី ចៅក្រមតុលាការកំពូល ប្រធានស្ថាប័នធម្មនុញ្ញ និងប្រធានស្ថាប័នប្រឆាំងពុករលួយ ត្រូវឆ្លងកាត់នីតិវិធីដកហូតតំណែងនៅពេលមានករណីចោទប្រកាន់ពាក់ព័ន្ធបទល្មើសក្បត់ជាតិ ពុករលួយ ស៊ីសំណូក និងសកម្មភាពទាំងឡាយណាដែលបង្កផលប៉ះពាល់រដ្ឋធម្មនុញ្ញរបស់រដ្ឋផង។
ទោះមានគំរាមរបស់ប្រធានាធិបតីដូច្នេះក្តី កាលពីថ្មីៗនេះ ស្ថាប័នប្រឆាំងអំពើពុករលួយ បានចេញសេចក្តីថ្លែងការណ៍មួយបញ្ជាក់ថា ស្ថាប័នប្រឆាំងពុករលួយមិនត្រូវរងការគំរាមកំហែងឡើយ ក្នុងលក្ខខណ្ឌណាក៏ដោយ ហើយស្ថាប័ននេះនៅបន្តការស៊ើបអង្កេតករណីពុករលួយតាមសិទ្ធិអំណាចដែលផ្តល់ឲ្យដោយរដ្ឋធម្មនុញ្ញផង។
ក្រៅពីយកប្រធានស្ថាប័នប្រឆាំងពុករលួយជាសត្រូវ ប្រធានាធិបតី ឌូទើតេ ក៏បានចង់ដកហូតតំណែងប្រធានតុលាការកំពូលលោកស្រី Maria Lourdes Sereno ព្រោះលោកអះអាងថាប្រធានស្ថាប័នយុត្តាធិការកំពូលរបស់រដ្ឋនេះលម្អៀងទៅរកក្រុមអ្នកនយោបាយប្រឆាំងដែលប៉ងទម្លាក់លោកពីតំណែង៕
លោក រ៉ូឌ្រីហ្គោ ឌូទើតេ ប្រកាសចេញវិធានការប្តឹងដកតំណែងប្រធានស្ថាប័នប្រឆាំងអំពើពុករលួយហ្វីលីពីនលោកស្រី Conchita Carpio-Morales នៅថ្ងៃពុធទី ៤ ខែតុលា។ ការអះអាងបែបនេះធ្វើឡើង បន្ទាប់ពីលោកស្រីប្រធានស្ថាប័នខាងលើបើកការស៊ើបអង្កេតរឿងទ្រព្យសម្បត្តិដែលប្រធានាធិបតីលាក់ទុកមិនព្រមប្រកាស។
បើតាមទីភ្នាក់ងារព័ត៌មាន Reuters លោក ឌូទើតេ បានបញ្ជាក់ថា លោកនឹងដាក់ពាក្យប្តឹងដកហូតតំណែងលោកស្រី Morales នៅពេលខាងមុខ។ លោកហាក់ដូចជាខឹងសម្បារនៅពេលដែលស្ថាប័នប្រឆាំងពុករលួយ បញ្ជាក់កាលពីខែមុនថា គេកំពុងត្រួតពិនិត្យការចោទប្រកាន់នានាពាក់ព័ន្ធទ្រព្យសម្បត្តិរបស់លោក។ គេចោទថា លោក ឌូទើតេ មិនបានប្រកាសទ្រព្យសម្បត្តិឲ្យបានពេញលេញតាមច្បាប់ទាមទារមុនពេលលោកក្លាយជាប្រធានាធិបតីឡើយ។
លោក ឌូទើតេបន្តដូច្នេះ៖ «ចុងក្រោយ គេត្រឹមរកឃើញថា វាគ្មានការលក់ទុកទ្រព្យសម្បត្តិដូចកាលចោទប្រកាន់ឡើយ»។ លោក ឌូទើតេ បន្ថែមថា លោកក៏ចង់ឃើញប្រធានស្ថាប័នប្រឆាំងអំពើពុករលួយនេះប្រកាសទ្រព្យសម្បត្តិខ្លួនជាសាធារណៈ ហើយលាលែងពីតំណែងដែរ។
នៅហ្វីលីពីន ប្រធានាធិបតី អនុប្រធានាធិបតី ចៅក្រមតុលាការកំពូល ប្រធានស្ថាប័នធម្មនុញ្ញ និងប្រធានស្ថាប័នប្រឆាំងពុករលួយ ត្រូវឆ្លងកាត់នីតិវិធីដកហូតតំណែងនៅពេលមានករណីចោទប្រកាន់ពាក់ព័ន្ធបទល្មើសក្បត់ជាតិ ពុករលួយ ស៊ីសំណូក និងសកម្មភាពទាំងឡាយណាដែលបង្កផលប៉ះពាល់រដ្ឋធម្មនុញ្ញរបស់រដ្ឋផង។
ទោះមានគំរាមរបស់ប្រធានាធិបតីដូច្នេះក្តី កាលពីថ្មីៗនេះ ស្ថាប័នប្រឆាំងអំពើពុករលួយ បានចេញសេចក្តីថ្លែងការណ៍មួយបញ្ជាក់ថា ស្ថាប័នប្រឆាំងពុករលួយមិនត្រូវរងការគំរាមកំហែងឡើយ ក្នុងលក្ខខណ្ឌណាក៏ដោយ ហើយស្ថាប័ននេះនៅបន្តការស៊ើបអង្កេតករណីពុករលួយតាមសិទ្ធិអំណាចដែលផ្តល់ឲ្យដោយរដ្ឋធម្មនុញ្ញផង។
ក្រៅពីយកប្រធានស្ថាប័នប្រឆាំងពុករលួយជាសត្រូវ ប្រធានាធិបតី ឌូទើតេ ក៏បានចង់ដកហូតតំណែងប្រធានតុលាការកំពូលលោកស្រី Maria Lourdes Sereno ព្រោះលោកអះអាងថាប្រធានស្ថាប័នយុត្តាធិការកំពូលរបស់រដ្ឋនេះលម្អៀងទៅរកក្រុមអ្នកនយោបាយប្រឆាំងដែលប៉ងទម្លាក់លោកពីតំណែង៕
Tag:
រ៉ូឌ្រីហ្គោ ឌូតើទេ
Conchita Carpio-Morales
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
