ជាតិ
នយោបាយជាតិ
សភា៖ CPP ៧៩ ហ៊្វុនស៊ិនប៉ិច៤១ សញ្ជាតិកម្ពុជា២ និងខ្មែរអភិវឌ្ឍន៍សេដ្ឋកិច្ច១
រូបខាងមុខពីស្តាំទៅឆ្វេង៖ សម្តេចក្រុមព្រះនរោត្តម រណឫទ្ធិ លោក សេង សុខេង និងលោក ហួន រាជចំរើន។ រូបថតហ្វេសប៊ុកសម្តេច ហេង សំរិន
×![]()
ដោយ: រួបរួម
នាការបោះឆ្នោតជ្រើសរើសតំណាងរាស្ត្រនីតិកាលទី៥ ឆ្នាំ២០១៣ គណបក្សប្រជាជនកម្ពុជាទទួលបាន៦៨អាសនៈ គណបក្សសង្គ្រោះជាតិ បាន៥៥អាសនៈ ប៉ុន្តែក្រោយសាលដីការបស់តុលាការកំពូលកាលពីថ្ងៃទី១៦ ខែវិច្ឆិកា គ្មានទៀតឡើយតំណាងរាស្ត្រ CNRP ព្រោះអាសនៈទាំងនោះ ត្រូវបានបែងចែកទៅឲ្យបក្ស៦ផ្សេងទៀតរួចទៅហើយ។--
គណបក្សសង្គ្រោះជាតិដែលទទួលបានសំឡេងគាំទ្រជិត៣លានសំឡេង ស្មើនឹង៤៤.៤៦ភាគរយពីការបោះឆ្នោតថ្នាក់ជាតិឆ្នាំ២០១៣ បានបាត់បង់កៅអីទាំង៥៥របស់ខ្លួនទាំងស្រុង ដោយសារតែតុលាការកំពូលប្រកាសសាលដីការំលាយ ក្រោមបទចោទប្រកាន់ថា ជាប់ពាក់ព័ន្ធនឹងអំពើក្បត់ជាតិ។
ក្រោយការប្រកាសសាលដីកា គណៈកម្មាធិការជាតិរៀបចំការបោះឆ្នោត (គ.ជ.ប) បានធ្វើការបែងចែកកៅអីទាំង៥៥ទៅឲ្យគណបក្សដែលបានចូលរួម ដោយសំឡេងគាំទ្រដែលគណបក្សទាំងនោះទទួលបានពីការបោះឆ្នោត សរុប គឺក្រោម៥ភាគរយ។
គណបក្សដែល គ.ជ.ប ប្រកាសថា ទទួលបានកៅអីរបស់ CNRP មាន ៤១សម្រាប់គណបក្សហ្វ៊ុនស៊ិនប៉ិច ៦សម្រាប់គណបក្សសម្ព័ន្ធដើម្បីប្រជាធិបតេយ្យ ៥សម្រាប់គណបក្សខ្មែរឈប់ក្រ ២សម្រាប់គណបក្សសញ្ជាតិកម្ពុជា និង១សម្រាប់គណបក្សខ្មែរអភិវឌ្ឍន៍សេដ្ឋកិច្ច។
ហ្វ៊ុនស៊ិនប៉ិចក្រោមការដឹកនាំរបស់សម្តេចក្រុមព្រះនរោត្តម រណឫទ្ធ សញ្ជាតិកម្ពុជារបស់លោក សេង សុខេង និងខ្មែរអភិវឌ្ឍន៍សេដ្ឋកិច្ចដែលមានលោក ហួន រាជចំរើន ជាប្រធាន បានប្រកាសទទួលយកតាមលក្ខខណ្ឌរបស់គ.ជ.ប ខណៈសម្ព័ន្ធដើម្បីប្រជាធិបតេយ្យ និងខ្មែរឈប់ក្របដិសេធ។
បន្ទាប់ពីសភា បានប្រកាសសុពលភាពសមាជិកជំនួស៤៤រូបកាលពីព្រឹកថ្ងៃចន្ទ ទី២៧ ខែវិច្ឆិកា គ.ជ.ប បានចេញសេចក្តីជូនដំណឹងទាក់ទងនឹងការបែងចែកអាសនៈ១១បន្ថែមទៀត ដែលបក្សពីរបដិសេធ ដោយកៅអីទាំងនោះ បានទៅលើគណបក្សប្រជាជនកម្ពុជា។
ដូច្នេះសមាជិកសភាដែលត្រូវបន្តរហូតដល់បញ្ចប់នីតិកាលទី៥នេះ មាន ៧៩រូបពីគណបក្សប្រជាជនកម្ពុជា ៤១អង្គ/រូបពីហ្វ៊ុនស៊ិនប៉ិច ២រូបពីសញ្ជាតិកម្ពុជានិង១រូបពីខ្មែរអភិវឌ្ឍន៍សេដ្ឋកិច្ច។ ខេត្តដែលត្រូវមានតំណាងរាស្ត្រថ្មីរួមមាន បន្ទាយមានជ័យ (ហ្វ៊ុនស៊ិនប៉ិច២) បាត់ដំបង (ហ្វ៊ុនស៊ិនប៉ិច២ ប្រជាជនកម្ពុជា១) កំពង់ចាម (ហ្វ៊ុនស៊ិនប៉ិច៦ ប្រជាជនកម្ពុជា៣ សញ្ជាតិកម្ពុជា១) កំពង់ឆ្នាំង (ហ្វ៊ុនស៊ិនប៉ិច២) កំពង់ស្ពឺ (ហ្វ៊ុនស៊ិនប៉ិច៣) កំពង់ធំ (ហ្វ៊ុនស៊ិនប៉ិច៣) កំពត (ហ្វ៊ុនស៊ិនប៉ិច៣) កណ្តាល (ហ្វ៊ុនស៊ិនប៉ិច៣ ប្រជាជនកម្ពុជា២ ខ្មែរអភិវឌ្ឍន៍សេដ្ឋកិច្ច១) ក្រចេះ (ហ្វ៊ុនស៊ិនប៉ិច១) ភ្នំពេញ (ហ្វ៊ុនស៊ិនប៉ិច៤ ប្រជាជនកម្ពុជា៣) ព្រៃវែង (ហ្វ៊ុនស៊ិនប៉ិច៣ ប្រជាជនកម្ពុជា២ សញ្ជាតិកម្ពុជា១) ពោធិ៍សាត់ (ហ្វ៊ុនស៊ិនប៉ិច១) សៀមរាប (ហ្វ៊ុនស៊ិនប៉ិច២) ស្វាយរៀង (ហ្វ៊ុនស៊ិនប៉ិច២) តាកែវ (ហ្វ៊ុនស៊ិនប៉ិច៤)។
នេះជាបញ្ជីរាយនាមតំណាងរាស្ត្រថ្មីចំនួន៤៤នាក់ ខណៈ១១នាក់ទៀតពីគណបក្សប្រជាជនកម្ពុជាមិនទាន់ផ្សាយជាផ្លូវការឡើយគិតត្រឹមល្ងាចថ្ងៃចន្ទ ទី២៧ ខែវិច្ឆិកា)
គណបក្សហ្វ៊ុនស៊ិនប៉ិច ៤១រូប៖
១. លោក ហេង ចាន់ថា តំណាងរាស្ត្រមណ្ឌលខេត្តបន្ទាយមានជ័យ
២. លោក ផន ចន្ថា តំណាងរាស្ត្រមណ្ឌលខេត្តបន្ទាយមានជ័យ
៣. លោក ញ៉េប ប៊ុនជិន តំណាងរាស្ត្រមណ្ឌលខេត្តបាត់ដំបង
៤. លោក អ៊ូ ឡុងឌី តំណាងរាស្ត្រមណ្ឌលខេត្តបាត់ដំបង
៥. សម្តេចក្រុមព្រះ នរោត្តម រណឫទ្ធិ តំណាងរាស្ត្រមណ្ឌលខេត្តកំពង់ចាម
៦. លោក យូ ហុកគ្រី តំណាងរាស្ត្រមណ្ឌលខេត្តកំពង់ចាម
៧. លោក យ៉ង់ សារីម តំណាងរាស្ត្រមណ្ឌលខេត្តកំពង់ចាម
៨. លោក ខាត់ ទីន តំណាងរាស្ត្រមណ្ឌលខេត្តកំពង់ចាម
៩. លោក យិម វៀនថន តំណាងរាស្ត្រមណ្ឌលខេត្តកំពង់ចាម
១០. លោក ហុង ប៊ុនហ៊ាង តំណាងរាស្ត្រមណ្ឌលខេត្តកំពង់ចាម
១១. លោក នុត សុខុម តំណាងរាស្ត្រមណ្ឌលខេត្តកំពង់ឆ្នាំង
១២. លោក អ៊ុក ខុត តំណាងរាស្ត្រមណ្ឌលខេត្តកំពង់ឆ្នាំង
១៣. លោក ពៅ អៀងគ្រី តំណាងរាស្ត្រមណ្ឌលខេត្តកំពង់ស្ពឺ
១៤. លោក សោម ណារិន្ទ តំណាងរាស្ត្រមណ្ឌលខេត្តកំពង់ស្ពឺ
១៥. លោក ឡុង ឬទ្ធីយ៉ា តំណាងរាស្ត្រមណ្ឌលខេត្តកំពង់ស្ពឺ
១៦. លោក នាង ចាន់ណាក់ តំណាងរាស្ត្រមណ្ឌលខេត្តកំពង់ធំ
១៧. លោក ស៊ន់ សេក តំណាងរាស្ត្រមណ្ឌលខេត្តកំពង់ធំ
១៨. លោក ប៉ុន ណារ៉ែន តំណាងរាស្ត្រមណ្ឌលខេត្តកំពង់ធំ
១៩. លោក សៅ រ៉ានី តំណាងរាស្ត្រមណ្ឌលខេត្តកំពត
២០. លោក កៅ ល្អប្រពៃ តំណាងរាស្ត្រមណ្ឌលខេត្តកំពត
២១. លោក ទេព វាសនា តំណាងរាស្ត្រមណ្ឌលខេត្តកំពត
២២. លោក ច័ន្ទ នរ៉ា តំណាងរាស្ត្រមណ្ឌលខេត្តកណ្តាល
២៣. លោក យ៉ាន់ សោគុណ តំណាងរាស្ត្រមណ្ឌលខេត្តកណ្តាល
២៤. លោក អាំង សំបូរ តំណាងរាស្ត្រមណ្ឌលខេត្តកណ្តាល
២៥. លោក វ៉ោន សាហាក់ តំណាងរាស្ត្រមណ្ឌលខេត្តក្រចេះ
២៦. លោក ឆឹង ចំរើន តំណាងរាស្ត្រមណ្ឌលរាជធានីភ្នំពេញ
២៧. លោក ផាន់ សិទ្ធី តំណាងរាស្ត្រមណ្ឌលរាជធានីភ្នំពេញ
២៨. លោកស្រី កង បូរាណ តំណាងរាស្ត្រមណ្ឌលរាជធានីភ្នំពេញ
២៩. លោក សុខ ច័ន្ទក្រិស្នា តំណាងរាស្ត្រមណ្ឌលរាជធានីភ្នំពេញ
៣០. លោក សាយ ហាក់ តំណាងរាស្ត្រមណ្ឌលខេត្តព្រៃវែង
៣១. លោក រស់ សាផន តំណាងរាស្ត្រមណ្ឌលខេត្តព្រៃវែង
៣២. លោក ថាវ គឹមឡុង តំណាងរាស្ត្រមណ្ឌលខេត្តព្រៃវែង
៣៣. លោក អ៊ា ឃីម៉េង តំណាងរាស្ត្រមណ្ឌលខេត្តពោធិ៍សាត់
៣៤. លោក យឹម សាវី តំណាងរាស្ត្រមណ្ឌលខេត្តសៀមរាប
៣៥. លោក វ៉ាន់ សុផាន់ណា តំណាងរាស្ត្រមណ្ឌលខេត្តសៀមរាប
៣៦. លោក យោគ ស៊ីថុន តំណាងរាស្ត្រមណ្ឌលខេត្តស្វាយរៀង
៣៧. លោក ឈឿន តែមួយ តំណាងរាស្ត្រមណ្ឌលខេត្តស្វាយរៀង
៣៨. លោក ចាប ញ៉ាលីវុធ តំណាងរាស្ត្រមណ្ឌលខេត្តតាកែវ
៣៩. លោក គឹង សំណាង តំណាងរាស្ត្រមណ្ឌលខេត្តតាកែវ
៤០. លោក អ៉ី ជឿន តំណាងរាស្ត្រមណ្ឌលខេត្តតាកែវ
៤១. លោក សំ វុឌ្ឍី តំណាងរាស្ត្រមណ្ឌលខេត្តតាកែវ
គណបក្សសញ្ជាតិកម្ពុជា ២រូប៖
១. លោក សេង សុខេង តំណាងរាស្ត្រមណ្ឌលខេត្តកំពង់ចាម
២. លោក គង្គ សាវ៉ន តំណាងរាស្ត្រមណ្ឌលខេត្តព្រៃវែង
គណបក្សខ្មែរអភិវឌ្ឍន៍សេដ្ឋកិច្ចមាន១រូប៖
១. លោក ហួន រាជចំរើន តំណាងរាស្ត្រមណ្ឌលខេត្តកណ្តាល៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
