កីឡាអន្តរជាតិ
អន្តរជាតិ
Amir Khan ឡើងវាយជាមួយ Phil Lo Greco នៅថ្ងៃទី២១ ខែមេសា
× កីឡាករប្រដាល់អង់គ្លេស Amir Khan នឹងឡើងវាយជាមួយកីឡាករកាណាដា Phil Lo Greco នៅសង្វៀន Liverpool Echo Arena នាថ្ងៃទី២១ ខែមេសា ខាងមុខនេះ។ វាជាការបង្ហាញខ្លួនលើកដំបូងផងដែរសម្រាប់ Khan នារយៈពេល២ឆ្នាំចុងក្រោយ។
Khan អាយុ៣១ឆ្នាំ បានចាញ់ Saul Alvarez ក្នុងការប្រជែងខ្សែក្រវាត់ WBC ទម្ងន់មធ្មមកាលពីខែឧសភា ឆ្នាំ២០១៦ ។ Khan ឈ្នះ៣១លើក និងចាញ់៤លើកក្នុងការប្រកួត៣៥លើកក្នុងអាជីពរបស់ខ្លួន ខណៈ Lo Greco អាយុ៣៣ឆ្នាំ ធ្លាប់ប្រកួត៣១លើក ដោយឈ្នះ២៨លើក និងចាញ់៣លើក។
យោងតាម BBC កីឡាករ Amir បានលើកឡើងថា គូប្រជែងរបស់ខ្លួន នឹងប្រឹងប្រែងគ្រប់បែបយ៉ាងដើម្បីជ័យជម្នះ ប៉ុន្តែគេក៏មិនអាចបន្ធូរដៃនោះឡើយ។
Khan មានប្រៀបសម្រាប់ការប្រកួតនៅទឹកដីកំណើតរបស់ខ្លួន ខណៈ Lo Greco រំពឹងថា ខ្លួននឹងបង្ហាញភាពអស្ចារ្យនៅលើសង្វៀនក្នុងចក្រភពអង់គ្លេសជាលើកដំបូងបំផុត៕
Tag:
ប្រដាល់
Amir Khan
Phil Lo Greco
© រក្សាសិទ្ធិដោយ thmeythmey.com