អន្តរជាតិ
អ្នកកាសែតជើងចាស់រុស្ស៊ីវាយគ្នាក្នុងកម្មវិធីផ្សាយផ្ទាល់ ព្រោះខ្វែងគំនិតគ្នារឿងលោក ស្តាលីន
×![]()
ដោយ: ធីតា
ការពិភាក្សាវែកញែកពីតួនាទីរបស់លោក ចូសែហ្វ ស្តាលីន (Joseph Stalin) ក្នុងប្រវត្តិសាស្ត្ររបស់រុស្ស៊ី ឬអតីតសហភាពសូវៀត បានបង្កឲ្យមានការវាយតប់គ្នា ក្នុងកម្មវិធីផ្សាយផ្ទាល់តាមវិទ្យុមួយ។ នេះបើតាមការផ្សាយរបស់ RT។
ក្នុងស្ទូតឌីយោវិទ្យុ Komsomolskaya Pravda ដែលមានមូលដ្ឋាននៅក្រុងមូស្គូ កាលពីយប់ថ្ងៃអង្គារ លោក Maksim Shevchenko អាយុ៥១ឆ្នាំ និងលោក Nikolai Svanidze អាយុ៦២ឆ្នាំ ដែលសុទ្ធតែជាអ្នកកាសែតជើងចាស់ ត្រូវបានអញ្ជើញធ្វើជាវាគ្មិនដើម្បីពិភាក្សាវែកញែកលើបុគ្គលលលក្ខណៈរបស់លោក ចូសែហ្វ ស្តាលីន។
លោក Svanidze ជាមនុស្សដែលមានទស្សនៈសេរី បាននិយាយថា លោក ស្តាលីន បាននាំសហភាពសូវៀនធ្លាក់ក្នុងរណ្តៅនាមុនសង្គ្រាមលោកលើកទីពីរ។ ចំណែកលោក Shevchenko ជាអ្នកដែលលំអៀងទៅខាងកុំម្មុយនីស្ត ដោយបានចាត់ទុកលោក ស្តាលីន ជាបិតាដែលដឹកនាំការរំលាយរបបណាហ្ស៊ី។
លោក Svanidze និយាយដៀមដាមលោក Shevchenko ថាជាមនុស្សចោរម្សៀត។ ឯលោក Shevchenko តបវិញថា លោក Svanidze ជាមនុស្សប្រជាភិថុតដែលពិបាកកែ។ បន្ទាប់មក លោក Svanidze បានដើរសំដៅទីលោក Shevchenko ហើយវាយមួយដៃចំមុខ។ វាគ្មិនទាំងពីរបានប្រវាយប្រតប់គ្នា មុនពេលដែលបុគ្គលិកវិទ្យុបានធ្វើការបំបែក។
យោងតាង RT លោក Shevchenko បានសុំទោសចំពោះទង្វើរបស់ខ្លួន ដោយលោកបានលើកឡើងថា ជម្លោះបែបនេះតែងតែកើតឡើង ហើយជម្លោះបែបបញ្ញវន្ត មិនដែលបញ្ចប់ដោយអំពើហិង្សានោះឡើយ។ សម្រាប់លោក Svanidze នេះជាលើកទីមួយរបស់ខ្លួនដែលមិនអាចទប់អារម្មណ៍ ប៉ុន្តែលោកសុំទោសចំពោះភាពក្រោធរបស់ខ្លួន។
លេខាសារព័ត៌មាននៃបក្សកុំម្មុយនីស្តរុស្ស៊ី និងក្រុមប្រឹក្សាសិទ្ធិមនុស្សរុស្ស៊ី សុទ្ធតែនាំគ្នាសុំការអភ័យទោសពីសាធារណជនចំពោះករណីដែលបានកើតឡើងរវាងអ្នកកាសែតជើងចាស់ទាំងពីររូប។
ការខ្វែងគំនិតគ្នាទាក់ទងនឹងតួអង្គលោក ស្តាលីន ក្នុងប្រវត្តិសាស្ត្រសូវៀត តែងតែកើតឡើងញឹកញាប់ ទាំងក្នុងការសម្តែងទស្សនីយភាព ការថតភាពយន្ត និងក្នុងកម្មវិធីជជែកវែកញែកផ្សេងៗ៕
Tag:
ប្លែកៗ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
