ពីនេះ ពីនោះ
ព័ត៍មានសុខភាព
ធ្វើបែបណា អាចការពារកូនមិនឲ្យក្អួតពេលបៅទឹកដោះគោ?
× ប្រសិនជាអ្នកមិនចង់ឲ្យកូនក្អូតពេលកំពុងបៅទឹកដោះគោ អ្នកអាចអនុវត្តតាមវិធីខាងក្រោមបាន។ តើមានអ្វីខ្លះទៅ?
1. អ្នកគួរតែជ្រើសរើសដបទឹកដោះគោដែលមានក្បាលវាមិនធំពេក ហើយក៏មិនតូចពេក ទើបកូនមិនងាយក្អួតពេលដែលគេបៅទឹកដោះគោម្តងៗ។ វានឹងអាចធ្វើឲ្យកូនបៅដោយសុវត្ថិភាពជាមិនខានឡើយ។
2. អ្នកមិនគួរទុកឲ្យកូនឃ្លានខ្លាំងទើបឲ្យគេបៅនោះទេ ព្រោះនៅពេលដែលគេឃ្លានខ្លាំង គេនឹងអាចបៅលឿន។ នៅពេលដែលកូនបៅលឿនជ្រុលពេក នឹងអាចធ្វើឲ្យគេក្អួតបានក្រោយពេលដែលបៅរួច។
3. ក្រោយពេលដែលកូនបៅរួច អ្នកអាចគោះខ្នងគេថ្នម ដើម្បីអាចចៀសពីការក្អួតក្រោយពេលបៅរួច។
4. ក្រោយពេលដែលកូនបៅរួច អ្នកអាចដាក់កូនបញ្ឈរចំនួនពី២០ទៅ៣០នាទី ជាពិសេស មិនគួរលេងជាមួយកូនទេ ទើបមិនធ្វើឲ្យកូនក្អួតក្រោយពេលដែលបៅឆ្អែតរួច។ ដូចនេះ អ្នកអាចសាកល្បងអនុវត្តវិធីទាំងឡាយខាងលើនេះបាន នោះកូនអ្នកមិនអាចមានសុខភាពល្អជាមិនខានឡើយ៕
ផ្ដល់សិទ្ធដោយ៖www.health.com.kh
© រក្សាសិទ្ធិដោយ thmeythmey.com