ជាតិ
បាក់ឌុប
រសៀលនេះ បេក្ខជនប្រមាណ១០នាក់ វិលមុខ ក្អួត ខ្យល់គរ ត្រជាក់ដៃជើង រូបថតពីហ្វេសប៊ុកក្រសួងអប់រំ យុវជន និងកីឡា
× នាការប្រឡងសញ្ញាបត្រមធ្យមសិក្សាទុតិយភូមិនៅរសៀលនេះ បេក្ខជនប្រមាណ១០នាក់មានបញ្ហាសុខភាព ដោយអាការៈវិលមុខ ខ្យល់គរ ក្អួត ជាដើម។ នេះបើតាមការផ្សាយពីទំព័រហ្វេសប៊ុកផ្លូវការរបស់ក្រសួងអប់រំ យុវជន និងកីឡា ។
នៅកំពង់ធំ បេក្ខនារីម្នាក់នៅមណ្ឌលបឋមអនុវត្តអាចារ្យលាល់ មានអាការៈងងឹតមុខ ហើយត្រូវបានក្រុមគ្រូពេទ្យប្រចាំការសង្គ្រោះ។ បេក្ខនារីម្នាក់នៅបាត់ដំបង ក៏មានបញ្ហាស្រដៀងគ្នាផងដែរ។ ដោយឡែក បេក្ខជនម្នាក់នៅក្រចេះ បានត្រជាក់ត្រជាក់ជើង ហើយក្រោយការសង្គ្រោះ គេបន្តសរសេរនៅបន្ទប់ជិតគណៈកម្មការកណ្តាល។
នៅខេត្តកណ្តាល បេក្ខនារីម្នាក់នៅមណ្ឌល បឋមសិក្សាព្រែកសំរោង ត្រូវបានអនុញ្ញាតឲ្យអង្គុយប្រឡងខាងក្តៅបន្ទប់ ដោយសារបញ្ហាសុខភាព ។ ត្បូងឃ្មុំ មាន២ករណី បេក្ខនារីម្នាក់មានជំងឺថប់បារម្ភ និងម្នាក់ទៀតមានអាការៈមិនស្រួលខ្លួន។
នៅកំពង់ឆ្នាំងបេក្ខនារីម្នាក់ នៅមណ្ឌលបឋមគំរូក្រុងខាងជើង មានខ្យល់ និងក្អួតរហូត ហើយសុំប្រលងខាងក្រៅថ្នាក់។ ករណីបែបនេះ និងស្រដៀងគ្នា ក៏មាននៅរាជធានីភ្នំពេញ ឧត្តរមានជ័យ និងតាកែវ ផងដែរ ដោយបេក្ខជនខ្លះធ្វើកិច្ចការដោយដៃម្ខាងជាប់សេរ៉ូម៕
© រក្សាសិទ្ធិដោយ thmeythmey.com