ខ្មែរក្រហម
ជាតិ
នយោបាយជាតិ
សាលាក្តីខ្មែរក្រហមកាត់បន្ថយបុគ្គលិក១០ភាគរយព្រោះបញ្ហាថវិកា
× ចាប់ពីដើមខែកក្កដានេះតទៅ សាលាក្តីខ្មែរក្រហមបានសម្រេចកាត់បន្ថយបុគ្គលិកភាគីកម្ពុជាចំនួន ១០ ភាគរយ ក្នុងចំណោមបុគ្គលិកសរុបចំនួន ២៦៧ នាក់ដែលសាលាក្តីមានបច្ចុប្បន្ន។ សាលាក្តីក៏គ្រោងកាត់បន្ថយបុគ្គលិក ១០ ភាគរយទៀតនៅដំណាច់ឆ្នាំ ២០១៣ ។ មូលហេតុគឺដោយសារបញ្ហាថវិកា និងតម្រូវការក្នុជាក់ស្តែងរបស់សាលាក្តី។
--
ចាប់ពីដើមខែកក្កដានេះតទៅ បុគ្គលិកដែលធ្លាប់បម្រើការឲ្យសាលាក្តីខ្មែរក្រហមចំនួនប្រមាណជា ៣០ នាក់ ត្រូវជា ១០ ភាគរយនៃបុគ្គលិកសរុបចំនួន ២៦៧ នាក់ត្រូវបានរដ្ឋបាលសាលាក្តីនេះកាត់បន្ថយ។
លោក នេត្រ ភក្ត្រា អ្នកនាំពាក្យសាលាក្តីខ្មែរក្រហមបានឲ្យដឹងថា មូលហេតុនៃការកាត់បន្ថយបុគ្គលិកនេះគឺដោយសារតែសាលាក្តីជួបបញ្ហាថវិកានិងដោយសារតម្រូវការជាក់ស្តែងរបស់សាលាក្តីផងដែរពោលគឺជនជាប់ចោទនៅសល់តែពីរនាក់ប៉ុណ្ណោះ។សាលាក្តីខ្មែរក្រហមក៏គ្រោងកាត់បន្ថយបុគ្គលិកបន្ថែម ១០ភាគរយទៀតនៅដំណាច់ឆ្នាំ ២០១៣ នេះ។
ចំណែកឯបុគ្គលិកដែលនៅបន្តបម្រើការងារតទៅទៀតនោះក៏មិនទាន់ទទួលបានប្រាក់ខែដែរពីព្រោះតែសាលាក្តីនេះអស់ថវិកាសម្រាប់ដំណើរការទៅហើយ។
សូមបញ្ជាក់ថា នៅដំណាច់ខែមិថុនានេះ បុគ្គលិកជាតិទាំងអស់នៅសាលាក្តីខ្មែរក្រហមមិនបានទទួលប្រាក់ខែរបស់ពួកគេឡើយ ខណៈដែលប្រាក់ខែខែឧសភានៅមិនទាន់បើកបានគ្រប់ចំនួនផង។ បើតាមការអះអាងរបស់អ្នកនាំពាក្យនៃតុលាការខ្មែរក្រហម សាលាក្តីក៏នៅមិនទាន់បានទទួលការសន្យាផ្តល់ជំនួយពីប្រទេសផ្តល់ជំនួយណាមួយនៅឡើយដែរ៕
© រក្សាសិទ្ធិដោយ thmeythmey.com