ខ្មែរក្រហម
ជាតិ
×![]()
ជាការថ្លែងដើម្បីដោះបន្ទុកពីការចោទប្រកាន់របស់សហព្រះរាជអាជ្ញានៃសាលាក្តីក្រហមនោះ នៅថ្ងៃទី៩ ខែកក្កដា អតីតបងធំទី២នៃរបបកម្ពុជាប្រជាធិបតេយ្យ លោក នួន ជា បានអត្ថាធិប្បាយថា ការជម្លៀសប្រជាជនចេញពីភ្នំពេញនៅថ្ងៃទី១៧ ខែមេសា ឆ្នាំ១៩៧៥នោះ គឺជាការធ្វើឡើងដោយស្ម័គ្រចិត្តពីសំណាក់ប្រជាជនដែលស្រលាញ់បដិវត្តន៍។ លោកក៏បានបញ្ជាក់ផងដែរថា មានមូលហេតុពីរសំខាន់ៗដែលជំរុញឲ្យក្រុមរបស់ខ្លួនត្រូវជម្លៀសប្រជាជនចេញពីភ្នំពេញ។
លោក នួន ជា មិនបានបដិសេធចំពោះការជម្លៀសប្រជាជនចេញពីក្រុងភ្នំពេញដែលបានធ្វើឡើងនៅថ្ងៃទី១៧ ខែមេសា ឆ្នាំ១៩៧៥នោះទេ។ ប៉ុន្តែលោកបញ្ជាក់ថា ការជម្លៀសប្រជាជននាពេលនេះមិនមែនជាការជម្លៀសដោយបង្ខុំ ឬប្រើហិង្សានោះទេ ពោលគឺប្រជាជនត្រូវបានជម្លៀសដោយស្ម័គ្រចិត្ត។
លោកថ្លែងថា៖« ការជម្លៀសប្រជាជននាពេលនោះ គឺជាការជម្លៀសដោយស្ម័គ្រចិត្ត គ្មានហិង្សា ឬកាប់សម្លាប់អ្វីនោះទេ។ បន្ទាប់ពីប្រជាជនស្ដាប់ការពន្យល់របស់បក្សហើយ ពួកគេក៏បានជ្រាបពីគ្រោះថ្នាក់ និងតម្រូវការរបស់ជាតិ។ ដូច្នេះហើយប្រជាជនដែលគាំទ្រ និងស្រលាញ់បដិវត្តន៍ ពួកគាត់បានសម្រេចចិត្តធ្វើតាមការកំណត់របសបក្ស»។
ជាមួយគ្នានេះលោក នួន ជា ក៏បានបង្ហាញនូវហេតុផលសំខាន់ៗពីរដែលជំរុញឲ្យបដិវត្តន៍ត្រូវតែជម្លៀសប្រជាជនចេញពីក្រុងភ្នំពេញនាពេលនេះជាបន្ទាន់។ ហេតុផលដែលលោកតាអះអាងនោះ គឺទីមួយការព្រួយបារម្ភពីការទម្លាក់គ្រាប់បែករបស់សហរដ្ឋអាមេរិក និងទីពីរគឺស្ថានការណ៍នាពេលនោះតម្រូវឲ្យប្រទេសកម្ពុជាត្រូវបង្កើនការបង្ករបង្កើនផលដើម្បីសន្តិសុខស្បៀងអាហារក្នុងប្រទេស។
ហេតុផលទីមួយត្រូវបានលោក នួន ជា ពន្យល់ប្រាប់អង្គសវនាការថា មេដឹកនាំបដិវត្តន៍មានការព្រួយបាម្ភជាខ្លាំងជាមួយការទម្លាក់គ្រាប់បែបរបស់សហរដ្ឋអាមេរិក ហើយចំនុចនេះក៏ជាហេតុផលសមរម្យ ដែលអាចឲ្យពលរដ្ឋជឿថាអាមេរិកនឹងអាចទម្លាក់គ្រាប់បែកមកលើក្រុងភ្នំពេញប្រាកដមែន ព្រោះនាពេលនេះនរណាក៏ដឹងដែរថារបស់រសាធារណៈរដ្ឋរបប លន់ ណុល ដែលមានអាមេរិកជាខ្នងបង្អែកនោះ ត្រូវបានចលនាបដិវត្តន៍វាយផ្ដូលរំលំ។
លោក នួន ជា បានបន្តថា៖« នាពេលនោះកម្ពុជាយើងកំពុងបានចាប់ដៃគ្នាជាមួយវៀតណាមខាងជើងដើម្បីផ្ដួលរំលំវៀតណាមខាងត្បូងដែលគាំទ្រដោយអាមេរិក។ ដូច្នេះអាមេរិកឃើញថា កម្ពុជានិងវៀតណាមខាងជើងជាសត្រូវរួមរបស់អាមេរិក។ មុនពេលដែលបដិវត្តន៍ឈ្នះ លន់ ណុល អាមេរិកវាទម្លាក់គ្រាប់បែក បេហាសិបពីរ (B52)នៅលើដីកម្ពុជាអស់៣រយយប់៣ថ្ងៃពាសពេញប្រទេស។ ដោយពិចារណាឃើញដូច្នេះហើយទើបជំរុញឲ្យ ប៉ុល ពត បង្ខុំចិត្តជម្លៀសប្រជាជនមួយរយៈពេលសិន»។
ចំណែកហេតុផលដោះបន្ទុកទី២វិញ លោក នួន ជា មានប្រសាសន៍ថា៖« ប្រទេសកម្ពុជារបស់យើងបានរងនូវសង្គ្រាមរាំរៃជាច្រើនឆ្នាំ។ ដែលបញ្ហានេះបានធ្វើឲ្យកម្ពុជាជួបប្រទះនឹងបញ្ហាជាច្រើន ក្នុងនោះបញ្ហាចំបងគឺកង្វះខាតស្បៀងអាហារ។ ព្រោះបន្ទាប់ពីឈ្នះ លន់ ណុល យើងគ្មានជំនួយអ្វីបន្តិចណាទេ។ ដូច្នេះកាលៈទេសៈនោះ ទាមទារឲ្យប្រជាជនត្រូវរួមគ្នាផលិតស្រូវដើម្បីបំពេញតម្រូវការចាំបាច់របស់ជាតិ»។
គួរបញ្ជាក់ថា នៅក្នុងសវនាការនាព្រឹកថ្ងៃអង្គារម្សិលមិញនេះ ជនជាប់ចោទក្នុងសំណុំរឿង ០០២ នៃសាលាក្តីខ្មែរក្រហមបានឡើងសវនកាដើម្បីថ្លែងអះអាងការពារខ្លួន។ អតីតបងធំទី២រូបនេះ បានថ្លែងបដិសេធទាំងស្រុងរាល់ការចោទប្រកាន់របស់សហព្រះរាជអាជ្ញាជាពិសេសទាក់ទងនឹងការជម្លៀសប្រជាជនចេញពីទីក្រុង និងទង់បដិវត្តន៍របស់ខ្មែរក្រហម៕
លោក នួន ជា មិនបានបដិសេធចំពោះការជម្លៀសប្រជាជនចេញពីក្រុងភ្នំពេញដែលបានធ្វើឡើងនៅថ្ងៃទី១៧ ខែមេសា ឆ្នាំ១៩៧៥នោះទេ។ ប៉ុន្តែលោកបញ្ជាក់ថា ការជម្លៀសប្រជាជននាពេលនេះមិនមែនជាការជម្លៀសដោយបង្ខុំ ឬប្រើហិង្សានោះទេ ពោលគឺប្រជាជនត្រូវបានជម្លៀសដោយស្ម័គ្រចិត្ត។
លោកថ្លែងថា៖« ការជម្លៀសប្រជាជននាពេលនោះ គឺជាការជម្លៀសដោយស្ម័គ្រចិត្ត គ្មានហិង្សា ឬកាប់សម្លាប់អ្វីនោះទេ។ បន្ទាប់ពីប្រជាជនស្ដាប់ការពន្យល់របស់បក្សហើយ ពួកគេក៏បានជ្រាបពីគ្រោះថ្នាក់ និងតម្រូវការរបស់ជាតិ។ ដូច្នេះហើយប្រជាជនដែលគាំទ្រ និងស្រលាញ់បដិវត្តន៍ ពួកគាត់បានសម្រេចចិត្តធ្វើតាមការកំណត់របសបក្ស»។
ជាមួយគ្នានេះលោក នួន ជា ក៏បានបង្ហាញនូវហេតុផលសំខាន់ៗពីរដែលជំរុញឲ្យបដិវត្តន៍ត្រូវតែជម្លៀសប្រជាជនចេញពីក្រុងភ្នំពេញនាពេលនេះជាបន្ទាន់។ ហេតុផលដែលលោកតាអះអាងនោះ គឺទីមួយការព្រួយបារម្ភពីការទម្លាក់គ្រាប់បែករបស់សហរដ្ឋអាមេរិក និងទីពីរគឺស្ថានការណ៍នាពេលនោះតម្រូវឲ្យប្រទេសកម្ពុជាត្រូវបង្កើនការបង្ករបង្កើនផលដើម្បីសន្តិសុខស្បៀងអាហារក្នុងប្រទេស។
ហេតុផលទីមួយត្រូវបានលោក នួន ជា ពន្យល់ប្រាប់អង្គសវនាការថា មេដឹកនាំបដិវត្តន៍មានការព្រួយបាម្ភជាខ្លាំងជាមួយការទម្លាក់គ្រាប់បែបរបស់សហរដ្ឋអាមេរិក ហើយចំនុចនេះក៏ជាហេតុផលសមរម្យ ដែលអាចឲ្យពលរដ្ឋជឿថាអាមេរិកនឹងអាចទម្លាក់គ្រាប់បែកមកលើក្រុងភ្នំពេញប្រាកដមែន ព្រោះនាពេលនេះនរណាក៏ដឹងដែរថារបស់រសាធារណៈរដ្ឋរបប លន់ ណុល ដែលមានអាមេរិកជាខ្នងបង្អែកនោះ ត្រូវបានចលនាបដិវត្តន៍វាយផ្ដូលរំលំ។
លោក នួន ជា បានបន្តថា៖« នាពេលនោះកម្ពុជាយើងកំពុងបានចាប់ដៃគ្នាជាមួយវៀតណាមខាងជើងដើម្បីផ្ដួលរំលំវៀតណាមខាងត្បូងដែលគាំទ្រដោយអាមេរិក។ ដូច្នេះអាមេរិកឃើញថា កម្ពុជានិងវៀតណាមខាងជើងជាសត្រូវរួមរបស់អាមេរិក។ មុនពេលដែលបដិវត្តន៍ឈ្នះ លន់ ណុល អាមេរិកវាទម្លាក់គ្រាប់បែក បេហាសិបពីរ (B52)នៅលើដីកម្ពុជាអស់៣រយយប់៣ថ្ងៃពាសពេញប្រទេស។ ដោយពិចារណាឃើញដូច្នេះហើយទើបជំរុញឲ្យ ប៉ុល ពត បង្ខុំចិត្តជម្លៀសប្រជាជនមួយរយៈពេលសិន»។
ចំណែកហេតុផលដោះបន្ទុកទី២វិញ លោក នួន ជា មានប្រសាសន៍ថា៖« ប្រទេសកម្ពុជារបស់យើងបានរងនូវសង្គ្រាមរាំរៃជាច្រើនឆ្នាំ។ ដែលបញ្ហានេះបានធ្វើឲ្យកម្ពុជាជួបប្រទះនឹងបញ្ហាជាច្រើន ក្នុងនោះបញ្ហាចំបងគឺកង្វះខាតស្បៀងអាហារ។ ព្រោះបន្ទាប់ពីឈ្នះ លន់ ណុល យើងគ្មានជំនួយអ្វីបន្តិចណាទេ។ ដូច្នេះកាលៈទេសៈនោះ ទាមទារឲ្យប្រជាជនត្រូវរួមគ្នាផលិតស្រូវដើម្បីបំពេញតម្រូវការចាំបាច់របស់ជាតិ»។
គួរបញ្ជាក់ថា នៅក្នុងសវនាការនាព្រឹកថ្ងៃអង្គារម្សិលមិញនេះ ជនជាប់ចោទក្នុងសំណុំរឿង ០០២ នៃសាលាក្តីខ្មែរក្រហមបានឡើងសវនកាដើម្បីថ្លែងអះអាងការពារខ្លួន។ អតីតបងធំទី២រូបនេះ បានថ្លែងបដិសេធទាំងស្រុងរាល់ការចោទប្រកាន់របស់សហព្រះរាជអាជ្ញាជាពិសេសទាក់ទងនឹងការជម្លៀសប្រជាជនចេញពីទីក្រុង និងទង់បដិវត្តន៍របស់ខ្មែរក្រហម៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
