កីឡាជាតិ
ជាតិ
×![]()
ក្លិបបាល់ទាត់អាស៊ីអឺរ៉ុប បានបង្ហាញកីឡាករថ្មី១២រូប ដែលបានចុះកិច្ចសន្យា ដើម្បីត្រៀមប្រជែងក្នុងពាន់រង្វាន់សម្តេច ហ៊ុន សែន និងក្របខណ្ឌលីគកំពូល។ ក្នុងចំណោមកីឡាករទាំង១២រូបនេះ ភាគច្រើនមកពីក្លិបនៃក្របខណ្ឌលីគកំពូល លើកលែងតែ១ម្នាក់ប៉ុណ្ណោះមកពីក្លិបពាក់កណ្តាលអាជីព។
ដើម្បីត្រៀមប្រជែងក្នុងពានរង្វាន់ក្របខណ្ឌលីគកំពូល ដែលនឹងបើករដូវកាលថ្មីនាអំឡុងខែមីនា ខាងមុខ និងពានរង្វាន់សម្តេច ហ៊ុន សែន ប្រចាំឆ្នាំ២០១៩ ក្លិបបាល់ទាត់អាស៊ីអឺរ៉ុបបាននាំចូលកីឡាករថ្មីចំនួន១២រូប។ ក្នុងចំណោមកីឡាករទាំងនេះ ៤រូបមកពីព្រះខ័នរាជស្វាយរៀង, ២រូបមកពីសូលទីឡូអង្គរ, ២រូបពីយុវជនក្រសួងការពារជាតិ, ១រូបពីវេស្ទើនភ្នំពេញ, ១រូបពីណាហ្គាវើល, ១រូបមកពីវិសាខា និង១រូបមកពីក្រុមពាក់កណ្តាលអាជីពអាណាចក្របៃតង។
កីឡាករទាំង១២រូប ដែលក្លិបនេះបានបង្ហាញកាលពីចុងសប្តាហ៍មុនរួមមានអ្នកចាំទី គុយ សម្បត្តិ, ខ្សែបម្រើ វី ចាន់តារា, ខ្សែបម្រើ អ៊ុំ ឧត្តម, ខ្សែការពារ កែវ រចនា, ខ្សែបម្រើ ម៉ន កក្កដា, ខ្សែការពារ កែវ សារ៉ាត, ខ្សែការពារ ឡាយ រស្មី, ខ្សែការពារ ឡូង បូរ៉ាន, ខ្សែបម្រើ ចាន់ ថុលវាស្នា, ខ្សែការពារ ចាន់ ភារម្យ, ខ្សែបម្រើ សួន ឈុនសេង និងខ្សែប្រយុទ្ធ រុន រានី។
ក្លិបបាល់ទាត់សកលវិទ្យាល័យមួយនេះ បានឡើងមកលេងក្នុងក្របខណ្ឌលីគកំពូលនៅឆ្នាំ២០១៣។ សម្រាប់ការប្រកួតរដូវកាលឆ្នាំ២០១៨ ក្លិបនេះបានបញ្ចប់ក្នុងចំណាត់ថ្នាក់លេខ៧ ដែលជាលទ្ធផលល្អបំផុតសម្រាប់ក្លិបនេះ៕
Tag:
បាល់ទាត់
អាស៊ីអឺរ៉ុប
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
