ជាតិ
×![]()
ហៃណាន, ប្រទេសចិន៖ ម្ចាស់សេវាកម្មទេសចរណ៍កម្ពុជាថ្មីសន្លាងមួយ បានផ្តើមបើកដំណើរកម្សាន្តលើកោះហៃណាន ប្រទេសចិន ជាលើកដំបូង ចាប់ពីខែ ធ្នូ ឆ្នាំ២០១៦នេះតទៅ។
ដំណើរកម្សាន្តលើដីកោះទំហំជាង ៣ម៉ឺនគីឡួម៉ែត្រក្រឡាដ៏ស្រស់បំព្រងភាគខាងត្បូងប្រទេសចិនត្រូវបានរៀបចំឡើង បន្ទាប់ពីកម្ពុជា និងចិន បានភ្ជាប់ការហោះហើរត្រង់ពីភ្នំពេញ និងសៀមរាប ទៅកោះហៃណាន ចាប់ពីខែកក្កដា កន្លងមកនេះ។
លោក ឈិន ហ៊ុយ អ្នកសម្របសម្រូលសេវាកម្មទេសចរណ៍អាយខ្មែរទ្រីប (iKhmertrip) បានពន្យល់ពីមូលហេតុដែលនាំឲ្យ iKhmertrip បើកកញ្ចប់ទេសចរណ៍លើកោះហៃណាននេះ ពីព្រោះវាមានតំបន់ប្រពៃណីវប្បធម៌បុរាណចិន រមណីយដ្ឋានទេសចរណ៍ធម្មជាតិ តំបន់ឆ្នេរសមុទ្រ និងម្ហូបអាហារចិនប្រចាំតំបន់សំបូរបែប រួមទាំងសណ្ឋាគារលំដាប់ផ្កាយអន្តរជាតិផងដែរ។
ក្រៅពីនេះ ហៃណានក៏មានធាតុអាកាសអំណោយផលដែរ សម្រាប់ភ្ញៀវទេសចរលំហែអារម្មណ៍។ ហៃណានមានអាកាសធាតុតំបន់ត្រូពិចត្រជាក់ល្មមដែលជួយឲ្យភ្ញៀវទេសចរ អាចលំហែកាយបានស្រួល។ នេះជាការបញ្ជាក់របស់តំណាងសេវាកម្មទេសចរណ៍ទើបបង្កើតឡើងជាង ១ឆ្នាំដែលជួយឲ្យភ្នាក់ងារទេសចរខ្នាតតូច និងមធ្យម អាចផ្តល់សេវាទេសចរបន្តងាយស្រួល នៅកោះហៃណាន។
លោកបានប្រាប់តំណាងភ្នាក់ងារទេសចរ និងក្រុមអ្នកសារព័ត៌មានកម្ពុជាជាង ២០នាក់ ក្នុងដំណើរកម្សាន្តស្វែងយល់ពីប្រពៃណីទំនៀមទម្លាប់ រមណីយដ្ឋាន និងម្ហូបអាហាររយៈពេល៦ថ្ងៃ នៅកោះហៃណានដូច្នេះថា៖«គេចាត់ទុកហៃណានជាឋានសួគ៌របស់មនុស្ស»។
បើតាមអ្នកសម្របសម្រូល iKhmertrip ដែលអ្នករៀបចំដំណើរកម្សាន្តទាំងក្នុងតំបន់អាស៊ី និងអឺរ៉ុបរូបនេះ ភ្នាក់ងារទេសចរដែលជាសមាជិកខ្លួនជាង ២០០ក្រុមហ៊ុនទាំងភ្នំពេញ និងសៀមរាប នឹងជួយរៀបចំឯកសារធ្វើដំណើរកម្សាន្តជូនភ្ញៀវទេសចរ រួមទាំង ការធានារ៉ាប់រងពេលដំណើរកម្សាន្តផង តាំងពីមុនថ្ងៃចេញ រហូតដល់ថ្ងៃត្រឡប់មកកម្ពុជាវិញ។
មិនខុសគ្នាដែរ លោក Zhang mian តំណាងសេវាកម្មធ្វើដំណើរតាមផ្លូវអាកាសហៃណានអន្តរជាតិ និងជាដៃគូ iKhmertrip នៅចិន ជឿជាក់ថា ភ្ញៀវទេសចរកម្ពុជាទាំងអស់នឹងធ្វើដំណើរកម្សាន្តនៅហៃណាន ព្រោះវាជាតំបន់ទេសចរធម្មជាតិដ៏ពេញនិយមក្នុងប្រទេសចិន។
«ខ្ញុំមានសុទិដ្ឋិនិយមថា ប្រជាជនកម្ពុជានឹងមកកម្សាន្តនៅទីនេះ (ហៃណាន) ព្រោះហៃណានជាតំបន់ទេសចរគ្មានផ្សែងពុល រួមមាន តំបន់ឆ្នេរសមុទ្រ ប្រពៃណីវប្បធម៌បុរាណរួមទាំងកន្លែងការបដិសណ្ឋារកិច្ចលំដាប់អន្តរជាតិ»។ លោក Zhang mian ប្រាប់អ្នកសារព័ត៌មានតាម ការបកប្រែ ស្របពេលកម្ពុជា និងចិន កំពុងជំរុញកំណើនទេសចរទេ្វភាគី។
ក្នុងឱកាសដំណើរទស្សនកិច្ច iKhmertrip ដែរ លោក Fenghua Fu នាយករងនៃគណៈកម្មការអភិវឌ្ឍន៍តំបន់ទេសចរប្រចាំខេត្តហៃណាន បានប្រាប់ក្រុមអ្នកសារព័ត៌មានថា ហៃណានមានកន្លែងទេសចរ និងកម្សាន្តគួរឲ្យលំហែរជាច្រើនកន្លែង។
លោកនិយាយថា តំបន់ទាំងនោះ រួមមាន តំបន់ទេសចររូបសំណាកព្រះម៉ែគង់ស៊ីអ៊ីម តំបន់ភូមិវប្បធម៌ចិនស៊ីងឡុង ភូមិបុរាណប៉រអាវ សួនថ្នាំរុក្ខជាតិត្រូពិច ការទស្សនាដងទន្លេវ័នឈាន អគារប៉អាវ ឆ្នេរសមុទ្រអ៊ីតាយ ទស្សនាទេសភាពពេលរាត្រីនៅហាង Sea Story ការទស្សនាដងវិថីថតខ្សែភាពយន្តបុរាណកាលពីឆ្នាំ១៩៤២ ទស្សនាទីក្រុងទំនើប Mission Hill Centerville និងដើរកម្សាន្តតាមដងវិថី Kwai Fong ជាដើម៕
ដំណើរកម្សាន្តលើដីកោះទំហំជាង ៣ម៉ឺនគីឡួម៉ែត្រក្រឡាដ៏ស្រស់បំព្រងភាគខាងត្បូងប្រទេសចិនត្រូវបានរៀបចំឡើង បន្ទាប់ពីកម្ពុជា និងចិន បានភ្ជាប់ការហោះហើរត្រង់ពីភ្នំពេញ និងសៀមរាប ទៅកោះហៃណាន ចាប់ពីខែកក្កដា កន្លងមកនេះ។
លោក ឈិន ហ៊ុយ អ្នកសម្របសម្រូលសេវាកម្មទេសចរណ៍អាយខ្មែរទ្រីប (iKhmertrip) បានពន្យល់ពីមូលហេតុដែលនាំឲ្យ iKhmertrip បើកកញ្ចប់ទេសចរណ៍លើកោះហៃណាននេះ ពីព្រោះវាមានតំបន់ប្រពៃណីវប្បធម៌បុរាណចិន រមណីយដ្ឋានទេសចរណ៍ធម្មជាតិ តំបន់ឆ្នេរសមុទ្រ និងម្ហូបអាហារចិនប្រចាំតំបន់សំបូរបែប រួមទាំងសណ្ឋាគារលំដាប់ផ្កាយអន្តរជាតិផងដែរ។
ក្រៅពីនេះ ហៃណានក៏មានធាតុអាកាសអំណោយផលដែរ សម្រាប់ភ្ញៀវទេសចរលំហែអារម្មណ៍។ ហៃណានមានអាកាសធាតុតំបន់ត្រូពិចត្រជាក់ល្មមដែលជួយឲ្យភ្ញៀវទេសចរ អាចលំហែកាយបានស្រួល។ នេះជាការបញ្ជាក់របស់តំណាងសេវាកម្មទេសចរណ៍ទើបបង្កើតឡើងជាង ១ឆ្នាំដែលជួយឲ្យភ្នាក់ងារទេសចរខ្នាតតូច និងមធ្យម អាចផ្តល់សេវាទេសចរបន្តងាយស្រួល នៅកោះហៃណាន។
លោកបានប្រាប់តំណាងភ្នាក់ងារទេសចរ និងក្រុមអ្នកសារព័ត៌មានកម្ពុជាជាង ២០នាក់ ក្នុងដំណើរកម្សាន្តស្វែងយល់ពីប្រពៃណីទំនៀមទម្លាប់ រមណីយដ្ឋាន និងម្ហូបអាហាររយៈពេល៦ថ្ងៃ នៅកោះហៃណានដូច្នេះថា៖«គេចាត់ទុកហៃណានជាឋានសួគ៌របស់មនុស្ស»។
បើតាមអ្នកសម្របសម្រូល iKhmertrip ដែលអ្នករៀបចំដំណើរកម្សាន្តទាំងក្នុងតំបន់អាស៊ី និងអឺរ៉ុបរូបនេះ ភ្នាក់ងារទេសចរដែលជាសមាជិកខ្លួនជាង ២០០ក្រុមហ៊ុនទាំងភ្នំពេញ និងសៀមរាប នឹងជួយរៀបចំឯកសារធ្វើដំណើរកម្សាន្តជូនភ្ញៀវទេសចរ រួមទាំង ការធានារ៉ាប់រងពេលដំណើរកម្សាន្តផង តាំងពីមុនថ្ងៃចេញ រហូតដល់ថ្ងៃត្រឡប់មកកម្ពុជាវិញ។
មិនខុសគ្នាដែរ លោក Zhang mian តំណាងសេវាកម្មធ្វើដំណើរតាមផ្លូវអាកាសហៃណានអន្តរជាតិ និងជាដៃគូ iKhmertrip នៅចិន ជឿជាក់ថា ភ្ញៀវទេសចរកម្ពុជាទាំងអស់នឹងធ្វើដំណើរកម្សាន្តនៅហៃណាន ព្រោះវាជាតំបន់ទេសចរធម្មជាតិដ៏ពេញនិយមក្នុងប្រទេសចិន។
«ខ្ញុំមានសុទិដ្ឋិនិយមថា ប្រជាជនកម្ពុជានឹងមកកម្សាន្តនៅទីនេះ (ហៃណាន) ព្រោះហៃណានជាតំបន់ទេសចរគ្មានផ្សែងពុល រួមមាន តំបន់ឆ្នេរសមុទ្រ ប្រពៃណីវប្បធម៌បុរាណរួមទាំងកន្លែងការបដិសណ្ឋារកិច្ចលំដាប់អន្តរជាតិ»។ លោក Zhang mian ប្រាប់អ្នកសារព័ត៌មានតាម ការបកប្រែ ស្របពេលកម្ពុជា និងចិន កំពុងជំរុញកំណើនទេសចរទេ្វភាគី។
ក្នុងឱកាសដំណើរទស្សនកិច្ច iKhmertrip ដែរ លោក Fenghua Fu នាយករងនៃគណៈកម្មការអភិវឌ្ឍន៍តំបន់ទេសចរប្រចាំខេត្តហៃណាន បានប្រាប់ក្រុមអ្នកសារព័ត៌មានថា ហៃណានមានកន្លែងទេសចរ និងកម្សាន្តគួរឲ្យលំហែរជាច្រើនកន្លែង។
លោកនិយាយថា តំបន់ទាំងនោះ រួមមាន តំបន់ទេសចររូបសំណាកព្រះម៉ែគង់ស៊ីអ៊ីម តំបន់ភូមិវប្បធម៌ចិនស៊ីងឡុង ភូមិបុរាណប៉រអាវ សួនថ្នាំរុក្ខជាតិត្រូពិច ការទស្សនាដងទន្លេវ័នឈាន អគារប៉អាវ ឆ្នេរសមុទ្រអ៊ីតាយ ទស្សនាទេសភាពពេលរាត្រីនៅហាង Sea Story ការទស្សនាដងវិថីថតខ្សែភាពយន្តបុរាណកាលពីឆ្នាំ១៩៤២ ទស្សនាទីក្រុងទំនើប Mission Hill Centerville និងដើរកម្សាន្តតាមដងវិថី Kwai Fong ជាដើម៕
Tag:
កោះហៃណាន
iKhmertrip
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
