អន្តរជាតិ
ក្រោយឯករាជ្យ លោក តូនី តាន់ កេងយាំ ជាប្រមុខរដ្ឋសិង្ហបុរីទី២ មកទស្សនកិច្ចនៅកម្ពុជា
ប្រធានាធិបតីសិង្ហបុរី តូនី តាន់ កេងយាំ (រូបថតហ្វេសប៊ុក Dr Tony Tan)
×![]()
ដោយ: តន ចាន់រិទ្ធារ៉ា
ប្រធានាធិបតីសិង្ហបុរី តូនី តាន់ កេងយាំ (Tony Tan Keng Yam) នឹងមកទស្សនកិច្ចផ្លូវរដ្ឋនៅកម្ពុជារយៈពេល៤ថ្ងៃ នៅចុងសប្ដាហ៍នេះ។ លោក នឹងក្លាយជាប្រមុខរដ្ឋសិង្ហបុរីទីពីរ ដែលធ្វើទស្សនកិច្ចនៅកម្ពុជា ចាប់តាំងពីប្រទេសទាំងពីរភ្ជាប់ទំនាក់ទំនងការទូតនៅឆ្នាំ១៩៦៥។ ប្រធានាធិបតីសិង្ហបុរីដំបូងដែលមកបំពេញទស្សនកិច្ចនៅកម្ពុជា គឺលោក S.R. Nathan នៅដើមឆ្នាំ២០០៣។
តាមការអញ្ជើញពីសំណាក់ព្រះករុណាសម្ដេចព្រះបរមនាថ នរោត្តម សីហមុនី លោក តូនី តាន់ កេងយាំ ប្រធានាធិបតីទី៧ នៃសាធារណរដ្ឋសិង្ហបុរី នឹងធ្វើទស្សនកិច្ចបួនថ្ងៃនៅកម្ពុជា ចាប់ពីថ្ងៃទី៨ ដល់ថ្ងៃទី១១ ខែមករា។ ជាមួយទស្សនកិច្ចលើកនេះ លោក តូនី តាន់ កេងយាំ គឺជាប្រធានាធិបតីសិង្ហបុរីទី២ ធ្វើដំណើរផ្លូវរដ្ឋនៅកម្ពុជាក្នុងរយៈពេលជិត៥៧ឆ្នាំនៃចំណងការទូតប្រទេសទាំងពីរ។
បើតាមសេចក្ដីប្រកាសព័ត៌មានរបស់ក្រសួងការបរទេសកម្ពុជា អំឡុងពេលទស្សនកិច្ចផ្លូវរដ្ឋនេះ លោក តូនី តាន់ កេងយាំ នឹងចូលបង្គំគាល់ព្រះករុណាព្រះមហាក្សត្រ និងសម្ដេចព្រះមហាក្សត្រីយ៍ នៅព្រះបរមរាជវាំង រាជធានីភ្នំពេញ។ លោកប្រធានាធិបតីសិង្ហបុរី ក៏នឹងចូលជួបសម្ដេចនាយករដ្ឋមន្ត្រី ហ៊ុន សែន មុននឹងអញ្ជើញធ្វើជាសាក្សីក្នុងពិធីចុះហត្ថលេខាលើឯកសារចំនួនពីរ។ ក្រៅពីនោះ លោក នឹងទៅទស្សនកិច្ចនៅខេត្តសៀមរាបផងដែរ។
កន្លងមក នាយករដ្ឋមន្ត្រីសិង្ហបុរីចំនួនបីនាក់ ក៏ធ្លាប់ធ្វើដំណើរមកកាន់កម្ពុជាផងដែរ។ លោក លី ក្វាន់យូ បិតាឯករាជ្យ និងជាអតីតនាយករដ្ឋមន្ត្រីយូរជាងគេរបស់សិង្ហបុរី ធ្លាប់មកកាន់កម្ពុជាមកម្ដងក្នុងឆ្នាំ១៩៦៧ និងបានជួបព្រះមហាវីរក្សត្រព្រះបរមរតនកោដ្ឋទៀតផង។ ក្នុងឆ្នាំ២០០២ អតីតនាយករដ្ឋមន្ត្រី Goh Chock Tong ធ្វើដំណើរមកកាន់ក្រុងភ្នំពេញដើម្បីចូលកិច្ចប្រជុំអាស៊ាន ដែលកម្ពុជាធ្វើជាម្ចាស់ផ្ទះលើកដំបូង។
៥ឆ្នាំមុននេះ នាយករដ្ឋមន្ត្រីបច្ចុប្បន្ន លី សៀនឡុង ជាកូនប្រុសលោក លី ក្វាន់យូ ក៏បានធ្វើដំណើរនៅកម្ពុជាដើម្បីចូលរួមកិច្ចប្រជុំអាស៊ាន និងកិច្ចប្រជុំពាក់ព័ន្ធនៅរាជធានីភ្នំពេញ។ លោក លី សៀនឡុង ធ្លាប់ធ្វើដំណើរមកកាន់កម្ពុជាម្ដងជាមួយឪពុករបស់លោកក្នុងឆ្នាំ១៩៦៧ ដែលពេលនោះលោកនៅវ័យក្មេងអាយុទើប១៥ឆ្នាំនៅឡើយ។
សូមរម្លឹកដែរថា មុនទទួលបានឯករាជ្យក្នុងឆ្នាំ១៩៦៥ លោក Yusof bin Ishak ដែលពេលនោះមានងារជាប្រមុខរដ្ឋសិង្ហបុរី (ក្រោមការគ្រប់គ្រងរបស់ម៉ាឡេស៊ី) ក៏ធ្លាប់មកទស្សនកិច្ចនៅកម្ពុជាដែរ។ លោក និងភរិយា បានមកទស្សនកិច្ច៤ថ្ងៃមកកាន់កម្ពុជា ក្នុងខែមេសា ឆ្នាំ១៩៦៣ ៕
តាមការអញ្ជើញពីសំណាក់ព្រះករុណាសម្ដេចព្រះបរមនាថ នរោត្តម សីហមុនី លោក តូនី តាន់ កេងយាំ ប្រធានាធិបតីទី៧ នៃសាធារណរដ្ឋសិង្ហបុរី នឹងធ្វើទស្សនកិច្ចបួនថ្ងៃនៅកម្ពុជា ចាប់ពីថ្ងៃទី៨ ដល់ថ្ងៃទី១១ ខែមករា។ ជាមួយទស្សនកិច្ចលើកនេះ លោក តូនី តាន់ កេងយាំ គឺជាប្រធានាធិបតីសិង្ហបុរីទី២ ធ្វើដំណើរផ្លូវរដ្ឋនៅកម្ពុជាក្នុងរយៈពេលជិត៥៧ឆ្នាំនៃចំណងការទូតប្រទេសទាំងពីរ។
បើតាមសេចក្ដីប្រកាសព័ត៌មានរបស់ក្រសួងការបរទេសកម្ពុជា អំឡុងពេលទស្សនកិច្ចផ្លូវរដ្ឋនេះ លោក តូនី តាន់ កេងយាំ នឹងចូលបង្គំគាល់ព្រះករុណាព្រះមហាក្សត្រ និងសម្ដេចព្រះមហាក្សត្រីយ៍ នៅព្រះបរមរាជវាំង រាជធានីភ្នំពេញ។ លោកប្រធានាធិបតីសិង្ហបុរី ក៏នឹងចូលជួបសម្ដេចនាយករដ្ឋមន្ត្រី ហ៊ុន សែន មុននឹងអញ្ជើញធ្វើជាសាក្សីក្នុងពិធីចុះហត្ថលេខាលើឯកសារចំនួនពីរ។ ក្រៅពីនោះ លោក នឹងទៅទស្សនកិច្ចនៅខេត្តសៀមរាបផងដែរ។
កន្លងមក នាយករដ្ឋមន្ត្រីសិង្ហបុរីចំនួនបីនាក់ ក៏ធ្លាប់ធ្វើដំណើរមកកាន់កម្ពុជាផងដែរ។ លោក លី ក្វាន់យូ បិតាឯករាជ្យ និងជាអតីតនាយករដ្ឋមន្ត្រីយូរជាងគេរបស់សិង្ហបុរី ធ្លាប់មកកាន់កម្ពុជាមកម្ដងក្នុងឆ្នាំ១៩៦៧ និងបានជួបព្រះមហាវីរក្សត្រព្រះបរមរតនកោដ្ឋទៀតផង។ ក្នុងឆ្នាំ២០០២ អតីតនាយករដ្ឋមន្ត្រី Goh Chock Tong ធ្វើដំណើរមកកាន់ក្រុងភ្នំពេញដើម្បីចូលកិច្ចប្រជុំអាស៊ាន ដែលកម្ពុជាធ្វើជាម្ចាស់ផ្ទះលើកដំបូង។
៥ឆ្នាំមុននេះ នាយករដ្ឋមន្ត្រីបច្ចុប្បន្ន លី សៀនឡុង ជាកូនប្រុសលោក លី ក្វាន់យូ ក៏បានធ្វើដំណើរនៅកម្ពុជាដើម្បីចូលរួមកិច្ចប្រជុំអាស៊ាន និងកិច្ចប្រជុំពាក់ព័ន្ធនៅរាជធានីភ្នំពេញ។ លោក លី សៀនឡុង ធ្លាប់ធ្វើដំណើរមកកាន់កម្ពុជាម្ដងជាមួយឪពុករបស់លោកក្នុងឆ្នាំ១៩៦៧ ដែលពេលនោះលោកនៅវ័យក្មេងអាយុទើប១៥ឆ្នាំនៅឡើយ។
សូមរម្លឹកដែរថា មុនទទួលបានឯករាជ្យក្នុងឆ្នាំ១៩៦៥ លោក Yusof bin Ishak ដែលពេលនោះមានងារជាប្រមុខរដ្ឋសិង្ហបុរី (ក្រោមការគ្រប់គ្រងរបស់ម៉ាឡេស៊ី) ក៏ធ្លាប់មកទស្សនកិច្ចនៅកម្ពុជាដែរ។ លោក និងភរិយា បានមកទស្សនកិច្ច៤ថ្ងៃមកកាន់កម្ពុជា ក្នុងខែមេសា ឆ្នាំ១៩៦៣ ៕
Tag:
សិង្ហបុរី
តូនី តាន់ កេងយាំ
© រក្សាសិទ្ធិដោយ thmeythmey.com
