AgriON កម្ពុជា គឺជាការចូលរួមសហគ្នា រវាងក្រុមហ៊ុនក្នុងស្រុក និងក្រុមហ៊ុន IAPPS ដែលមានមូលដ្ឋាននៅប្រទេសសិង្ហបូរី។ ក្រុមហ៊ុន បានបង្កើតឡើងក្នុងខែសីហាឆ្នាំ ២០២០ ដោយផ្តោតទៅលើអាជីវកម្ម បន្លែ និងផ្លែឈើនៅក្នុងប្រទេសកម្ពុជា។
វិស័យកសិកម្ម ជាវិស័យមួយដែលផ្តល់នូវអាហារសុវត្ថិភាព និងអាហាររូបត្ថម្ភ ដល់ប្រជាពលរដ្ឋ និងលើកទឹកចិត្តផលិតករ ឱ្យទទួលបានការធានា នូវប្រាក់ចំណូលរបស់ពួកគាត់។ AgriON កម្ពុជា គឺជាគំរូអាជីវកម្មប្រកបដោយបរិយាប័ន្ននាំមុខគេ ក្នុងអនុវិស័យសាកវប្បកម្មប្រទេសកម្ពុជា តាមរយៈយុទ្ធសាស្ត្រ ឈ្នះ-ឈ្នះ នៃកសិកម្មតាមកិច្ចសន្យា ដែលកសិករ នឹងទទួលបានបទពិសោធន៍ ក្នុងភាពជាដៃគូ ជាមួយសហគ្រាស និងផលិតករ ក្នុងន័យមួយ« អ្នកនាំគ្នាដាំដុះ យើងខ្ញុំជាអ្នកលក់»។
មានឧបសគ្គជាច្រើន ដែលកសិករកំពុងតែជួបប្រទះជារៀងរាល់ថ្ងៃ ដូចជាការផ្សារភ្ជាប់ទីផ្សារ តម្លៃកសិផលមិនទៀងទាត់ ថ្លៃដើមផលិតកម្មខ្ពស់ ការអនុវត្តបច្ចេកទេសកសិកម្មពុំទាន់ត្រឹមត្រូវ ការផ្គត់ផ្គង់មិនទៀងទាត់ ការទទួលបានសេវាហិរញ្ញវត្ថុមានកម្រឹត និងមានកត្តាជាច្រើនទៀត។ ថ្ងៃនេះ AgriON កម្ពុជា បាននាំមកនូវគំរូអាជីវកម្ម ឈ្នះ-ឈ្នះ តាមរយៈកិច្ចសន្យាជាមួយកសិករ អ្នកនាំគ្នាដាំដុះ យើងខ្ញុំជាអ្នកលក់។
AgriON កម្ពុជា និងជួយគាំទ្របច្ចេកទេស និងបច្ចេកវិទ្យា ដល់កសិករខ្នាតតូច ពីកសិកម្មវ័យឆ្លាត តាមការប្រែប្រួលអាកាសធាតុ ដោយរួមបញ្ជូលការកាត់បន្ថយហានិភ័យ នៃគ្រោះមហន្តរាយក្នុងផលិតកម្ម និងការវិនិយោគកសិកម្ម ដើម្បីធានានូវការដាំដុះតាមផែនការ និងទទួលបានបន្លែ និងផ្លែឈើមានគុណភាព សម្រាប់ផ្គត់ផ្គង់លើទីផ្សារ។
អ្នកប្រើប្រាស់ នឹងដឹងកាន់តែច្បាស់ តាមរយៈប្រព័ន្ធតាមដានប្រភពផលិតផលរបស់យើងខ្ញុំ ដែលពួកគាត់មានសិទ្ធិទទួលបានទិន្នន័យ ពីប្រភពផលិតផលរបស់យើងមកពីណា ប្រវត្តិរបស់កសិដ្ឋាន និងប្រវត្តិរបស់ផលិតករផងដែរ។
គំរូ អាជីវកម្ម អ្នកនាំគ្នាដាំដុះ យើងខ្ញុំជាអ្នកលក់៖
1. AgriON កម្ពុជា តម្រូវឱ្យកសិករមានផែនការដាំដុះ ទៅតាមបរិមាណកំណត់ និងពេលវេលាជាក់លាស់ក្នុងការប្រមួលផល។ ដូច្នេះពួកគាត់ នឹងដឹងជាមុនថា មានអ្នកទិញផលិតផលរបស់ ពួកគាត់ និងធានាដល់ប្រាក់ចំណូលទៀងទាត់។
2. AgriON កម្ពុជា នឹងជួយគាំទ្របច្ចេកទេស និងបច្ចេកវិទ្យាក្នុងការដាំដុះ នៅក្នុងកសិដ្នានដល់កសិករគោលដៅ ដែលនាំឱ្យពួកគាត់បង្កើនផលិតភាព។
3. ផលិតករ ដែលសហការជាមួយ AgriON តម្រូវឱ្យកត់ត្រានូវរាល់ទិន្នន័យទាំងអស់ ដូចជាការប្រើប្រាស់ធាតុចូលកសិកម្ម និងការចំណាយក្នុងផលិតកម្ម ព្រមទាំងថ្លៃពលកម្ម។
4. ផលិតករទាំងអស់ ដូចជាក្រុមកសិករផលិត សហគមកសិកម្ម និងម្ចាស់កសិដ្ឋាន នឹងទទួល បានកិច្ចសន្យាទិញ និងលក់ ដោយមានការដឹងឮ ពីអាជ្ញាធរដែនដី និងមន្ទីរកសិកម្ម រុក្ខាប្រមាញ់ និងនេសាទ តាមខេត្តគោលដៅនីមួយៗ។
5. ផលិតករទាំងអស់ ដូចជាក្រុមកសិករផលិត សហគមកសិកម្ម និងម្ចាស់កសិដ្ឋាន នឹងតម្រូវ ឱ្យមានសញ្ញាប័ត្រ CAMGAP, Global GAP និងសរីរាង្គ តាមដែលអាចធ្វើបាន។
6. ផលិតករ នឹងទទួលបានការប្រឹក្សាបច្ចេកទេស និងត្រួតពិនិត្យយ៉ាងម៉ត់ចត់ ពីការប្រើប្រាស់ធាតុចូលកសិកម្ម និងការគ្រប់គ្រងក្រោយពេលប្រមូលផល ដែលជាកត្តាគន្លឹះ ក្នុងការគ្រប់គ្រងគុណភាព សុវត្ថិភាព និងប្រព័ន្ធតាមដានប្រភពផលិតផល សម្រាប់ផ្តល់ភាពជឿជាក់ ដល់អ្នកប្រើប្រាស់។
7. AgriON នឹងផ្តល់កម្ចីរយៈពេលខ្លី ចំពោះគ្រាប់ពូជ ជី និងថ្នាំគ្រប់គ្រងកត្តាចង្រៃផ្សេង។
8. AgriON នឹងទិញកសិផលពីផលិតករ ដោយកំណត់យកតម្លៃ ឈរលើគោលការណ៍ ថ្លៃដើមផលិតផល + ប្រាក់ចំណេញ (អ្នកផលិតនឹងមិនខាតបង់) ទោះបីជាតម្លៃកសិផលលើទីផ្សារ មាន អតិថរណាក៏ដោយ។
9. AgriON កម្ពុជា នឹងចងក្រងទិន្នន័យ ពីប្រវត្តិកសិករ នៅក្នុងកម្មវិធីរបស់យើង (App) ដែលមានកត់ត្រាពីជីវប្រវត្តិ និងទិន្នន័យផលិតផលរបស់ផលិតករ។ នៅក្នុងកម្មវិធីនោះ នឹងមានកត់ត្រា ទុកនូវរបៀបដែលផលិតករគ្រប់គ្រងកសិដ្ឋាន និងធនធាន (ទ្រព្យ) របស់ពួកគាត់ផងដែរ។
គោលដៅចម្បងរបស់យើង គឺជួយកសិករឱ្យមានជីវភាពល្អប្រសើរ និងលើកទឹកចិត្តពួកគាត់ឱ្យដាំដុះដោយសុវត្ថិភាព និងមានអនាគតល្អប្រសើរ។ តោះ! យើងនាំគ្នាដាំដុះសម្រាប់អនាគតទាំងអស់គ្នា៕
(អត្ថបទពាណិជ្ជកម្ម)