ចំពោះរាជធានី-ខេត្ត ដែលផ្ទុះករណីជំងឺកូវីដ-១៩ បំប្លែងថ្មីនេះ គឺត្រូវបានអាជ្ញាធរមូលដ្ឋាន សម្រេចបិទខ្ទប់តំបន់នោះ ជាបណ្ដោះអាសន្នផងដែរ ដើម្បីទប់ស្កាត់ និងកាត់ផ្ដាច់មេរោគ Delta នេះ។ ដើមចមនៃការឆ្លងមេរោគប្រភេទ B.1.617-2 (Delta) នេះ ដោយសារការវិលត្រឡប់របស់ពលរដ្ឋ និងអ្នកដំណើរមកពីប្រទេសថៃ តាមច្រកព្រំដែនប្រទេសទាំងពីរ។
 

មេរោគបំប្លែងថ្មី Delta នេះ គឺមានលទ្ធភាពចម្លងជំងឺលឿន និងធ្ងន់ធ្ងរជាង ជំងឺកូវីដ-១៩ ដែលកំពុងរាតត្បាតនេះទ្វេដង។ មេរោគនេះ ត្រូវបានរកឃើញដំបូង នៅក្នុងប្រទេសអង់គ្លេស ហើយបច្ចុប្បន្នកំពុងរាតត្បាតនៅជុំវិញពិភពលោក។
 

បច្ចុប្បន្ន កម្ពុជាមានអ្នកឆ្លងកូវីដ-១៩ សរុប ៨៦.០៤១ នាក់ ក្នុងនោះ១៣.១១៨នាក់ ជាករណីនាំចូល។ អ្នកជាសះស្បើយមាន ៨១.២០២នាក់  និងស្លាប់សរុប១.៧០៤នាក់៕