ម្ចាស់មកុដ Miss Grand Cambodia ឆ្នាំ២០២១ បានរៀបរាប់នៅលើគណនីហ្វេសប៊ុករបស់ខ្លួនថា៖ «ទីបំផុត ថ្ងៃដែលនាងខ្ញុំតស៊ូរយៈពេលជាង៦ឆ្នាំមកនេះ បានជោគជ័យហើយ។ ម្កុដលើក្បាលនាងខ្ញុំ បញ្ជាក់ពីការតស៊ូ ព្យាយាម និងមិនគិតថាបោះបង់ផ្លូវមួយនេះ»។ Miss Grand Cambodia ឆ្នាំ២០២១ ក៏មិនភ្លេចបង្ហាញក្តីរំភើប និងអរគុណប្រិយមិត្តដែលបាន​គាំទ្រនាង​ដែរ។


                               រូបភាពពីហ្វេសប៊ុក Miss Grand Cambodia
 

កញ្ញា សុត ធីតា ក៏បានលើកឡើងពីការតស៊ូរបស់ខ្លួន នៅក្នុង ​វគ្គ​ឆ្លើយសំណួរសម្រាប់បេក្ខនារី៥នាក់ចុងក្រោយ Top 5ផងដែរ។ ម្ចាស់ពានរូបនេះ បានឆ្លើយប្រាប់ទៅគណៈកម្មការដាក់ពិន្ទុនៅក្នុងកម្មវិធី ដែលបានចោទសួរពីចំណុចខ្លាំង និងគុណសម្បត្តិរបស់នាង ក្នុងការគ្រងកមុដ បវរកញ្ញា«នាងខ្ញុំគឺជាមនុស្សស្រីម្នាក់ដែមានការតស៊ូ ការអត់ធ្មត់ ការតាំងចិត្តខ្ពស់ ពិសេសគឺនាងខ្ញុំមានភាពជាអ្នកដឹកនាំ។ នាងខ្ញុំតែងតែសិក្សាពីភាពបរាជ័យដែលខ្លួនធ្លាប់ឆ្លងកាត់ ដើម្បីឆ្ពោះទៅរកភាពជោគជ័យ ឱ្យដល់គោលដៅដែលនាងខ្ញុំបានកំណត់។ ហើយនាងខ្ញុំក៏មានភាពជឿជាក់លើខ្លួនឯងថានាងខ្ញុំមានទាំងសមត្ថភាព មានទាំងសម្រស់ ដែលអាចក្លាយជាអ្នកឈ្នះនៅក្នុងកម្មវិធីនេះ ស័ក្តិសមបំផុត»។ 


                                    រូបភាពពីហ្វេសប៊ុក Miss Grand Cambodia

គេនៅចាំបានថា កញ្ញា​ ប៉ូគឹមថេង សុតធីតា ធ្លាប់បានជាប់ជាបវរកញ្ញារងទី២ ពីការប្រកួត Miss Universe Cambodia កាលពីឆ្នាំ២០១៩ផងដែរ។

សម្រាប់តំណែង Miss Grand International ២០២១នេះវិញ  កញ្ញា ប៉ូគឹមថេង សុតធីតា នឹងតំណាងប្រទេសកម្ពុជា ទៅចូលរួមក្នុងកាប្រកួតMiss Grand International ដែលនឹងប្រព្រឹត្តទៅអំឡុងខែវិច្ឆិកា ឆ្នាំ២០២១ខាងមុខនេះ ដែលរៀបចំនៅកោះភូកេត ប្រទេសថៃ។  
 

                       រូបភាពពីហ្វេសប៊ុក Miss Grand Cambodia

​ដោយឡែកតំណែងបវរកញ្ញារងទី១ បានទៅលើ ​កញ្ញា អ៊ិន លក្ខិណា មកពីខេត្តកំពង់ចាម ហើយនាងក៏បានទទួលការតែងតាំងដ៏ភ្ញាក់ផ្អើល ពីអ្នករៀបចំកម្មវិធីផងដែរ ឱ្យនាងក្លាយជា Miss Supranational Cambodia ឆ្នាំ២០២២។ លក្ខិណា គឺជាស្ត្រីខ្មែរតំបូងដែលនឹងតំណាងឲ្យប្រទេសកម្ពុជា ទៅចូលរួមការប្រកួតលើឆាក Miss SUPRANATIONAL 2022 នៅឯប្រទេសប៉ូឡូញ នៅឆ្នាំក្រោយ​។

 

                                  រូបភាពពីហ្វេសប៊ុក Miss Grand Cambodia

ចំណែកឯ កញ្ញា អែម គុនថង តំណាងខេត្តព្រះសីហនុ ក្លាយជាបវរកញ្ញារងទី២, កញ្ញា កែវ សេងលីហួរ តំណាងខេត្តកំពត ក្លាយជាបវរកញ្ញារងទី៣ និងកញ្ញា សុខ រ៉ាត់ចារៈកន តំណាងខេត្តកំពង់ឆ្នាំង ក្លាយជាបវរកញ្ញារងទី៤៕