ក្រសួងសុខាភិបាល បានអនុញ្ញាតឱ្យប្រើប្រាស់វ៉ាក់សាំងរបស់រុស្ស៊ី ប្រភេទ Sputnik V,EpiVacCorona,CoviVac,Sputnik-Light និង EpiVacCorona សម្រាប់មនុស្សអាយុ១៨ឆ្នាំឡើង និងវ៉ាក់សាំងរបស់ឥណ្ឌា ប្រភេទCOVAXIN ក្នុងលក្ខខណ្ឌបន្ទាន់។ 

 

វ៉ាក់សាំងចំនួន៥ប្រភេទ របស់រុស្ស៊ី ត្រូវបានមន្រ្តីសុខាភិបាល អនុញ្ញាតកាលពីថ្ងៃទី២៩ ខែតុលា ឆ្នាំ២០២១ និងវ៉ាក់សាំង១ប្រភេទ របស់ឥណ្ឌា អនុញ្ញាតនៅថ្ងៃទី៥ ខែវិច្ឆិកា ឆ្នាំ២០២១ ម្សិលមិញនេះ។ 

 

វ៉ាក់សាំងទាំង៦ប្រភេទនេះ ប្រើប្រាស់អំឡុងពេលគ្រោះអាសន្នសុខភាពសាធារណៈនៃជំងឺកូវីដ-១៩ កំពុងកើតមាន ហើយស្ថិតក្រោមអាទិភាពរបស់រដ្ឋាភិបាល ដូចមានចែងក្នុងផែនការដាក់ពង្រាយវ៉ាក់សាំង និងក្រុមមនុស្សអាទិភាពប៉ុណ្ណោះ៕