COVID-19
ជាតិ
×![]()
ដោយ: សារព័ត៌មានថ្មីៗ
សម្តេច ហ៊ុន សែន បានដាក់ចេញបទបញ្ជាមិនអនុញ្ញាតឱ្យអ្នកជំងឺកូវីដ-១៩ ប្រភេទ«អូមីក្រុង»ព្យាបាលនៅផ្ទះទេ ទោះអ្នកជំងឺនោះជាអ្នកណាក៏ដោយ។ ប្រមុខរដ្ឋាភិបាល គូសបញ្ជាក់ដូច្នេះ នាពិធីប្រគល់ប្រាក់រង្វាន់ជូនកីឡាការិនី អ៊ុក ស្រីមុំ ដណ្តើមបានមេដាយមាសពិភពលោក ពីកីឡាប៉េតង់ នៅព្រឹកថ្ងៃទី ៥ មករានេះ។
សម្តេច ហ៊ុន សែន បន្ថែមថា អ្នកមានផ្ទុកកូវីដ-១៩ ប្រភេទអូមីក្រុង គឺតម្រូវឱ្យព្យាបាលនៅមន្ទីរពេទ្យ។ វិធានការនេះ គឺដើម្បីបង្ការហានិភ័យឆ្លងកូវីដ-១៩ បំប្លែងថ្មីនេះ ឆ្លងរាលដាលចូលក្នុងសហគមន៍។
មកទល់ពេលនេះ កម្ពុជារកឃើញអ្នកឆ្លងកូវីដ-១៩ ប្រភេទអូមីក្រុងនេះ ចំនួន ៩៤ករណីហើយ ក្នុងនោះក៏មានអ្នកជំងឺមួយចំនួនបានជាសះស្បើយហើយដែរ។ បច្ចុប្បន្នកម្ពុជាមានអ្នកឆ្លងកូវីដ-១៩ សរុបជាង ១២ម៉ឺនករណី និងអ្នកស្លាប់ជាង៣ពាន់នាក់៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
