កាលពីខែកញ្ញាឆ្នាំ ២០២១ កន្លងទៅ វីរបុរសបាល់ទាត់វ័យ ៨១ឆ្នាំ បានទទួលការវះកាត់យកដុំសាច់ចេញពីក្នុងពោះវៀនបានដោយជោគជ័យ  ហើយបានបន្តការតាមដានស្ថានភាពជំងឺរហូតនៅមន្ទីពេទ្យ Albert Einstein​ រហូតដល់ឆ្នាំ ២០២២។ ក្រោយមក ក្រុមគ្រូពេទ្យ ក៏រកឃើញករណីឆ្លងមេរោគក្នុងតម្រងនោមទៀត។
 

«ស្ថានភាពរបស់អ្នកជំងឺក្នុងមន្ទីពេទ្យគឺមានស្ថិរភាព ហើយគាត់បានជាសះស្បើយពីការឆ្លងនេះហើយ។» នេះបើតាមសេចក្តីថ្លែងការណ៍ពីសំណាក់មន្ទីពេទ្យ Albert Einstein។
 

Pele ធ្លាប់ជួយប្រេស៊ីលលើកពានរង្វាន់បាល់ទាត់ពិភពលោក World Cup ៣លើក ហើយរូបលោកក៏ជាអតីតកីឡាករម្នាក់ក្នុងចំណោមកីឡាករ៤នាក់ផ្សេងទៅដែលអាចរកគ្រាប់បាល់បានក្នុងពានរង្វាន់ World Cup ៤ផ្សេងគ្នា។
 

ពេលបច្ចុប្បន្ន Pele ក៏នៅតែជាអតីតកីឡាករដែលរកគ្រាប់បាល់បានច្រើនជាងគេសម្រាប់ជម្រើសជាតិប្រេស៊ីលដោយមាន ៧៧គ្រាប់ពី៩២ប្រកួត ដែលនាំមុខ៧គ្រាប់លើខ្សែប្រយុទ្ធវ័យ៣០ឆ្នាំ Neymar JR ដែលមានត្រឹម៧០គ្រាប់ប៉ុណ្ណោះ៕