ជម្រើសជាតិកម្ពុជាអាយុក្រោម២៣ឆ្នាំ បានធ្វើដំណើរទៅត្រៀមប្រកួតស៊ីហ្គេមលើកទី៣១ នៅប្រទេសវៀតណាម កាលពីថ្ងៃទី០៤ ខែឧសភា សម្រាប់ត្រៀមប្រកួតនៅថ្ងៃទី៦ ខែឧសភា។ ក្រោយចប់ការប្រកួតស៊ីហ្គេមនេះហើយ កម្ពុជាក៏មានការប្រកួតកំដៅសាច់ដុំមួយ តទល់ជាមួយទីម័រខាងកើត មុនពេលការប្រកួត AFC Asian Cup China 2023 មកដល់។ ឮ

កាលពីថ្ងៃទី២០ ខែកុម្ភៈ ឆ្នាំ២០២២ ជម្រើសជាតិកម្ពុជាអាយុក្រោយ២៣ឆ្នាំ បានចាញ់ទីម័រខាងកើត ម្ដងរួចហើយ ក្នុងលទ្ធផល​ ០-១ ក្នុងការប្រកួត AFF U23 Championship 2022 នៅកីឡដ្ឋានជាតិមរតកតេជោ។
 

ខណៈដែលវិស័យកីឡាបាល់ទាត់កម្ពុជា កំពុងមានការវិវឌ្ឍទៅមុខនោះ ទីម័រខាងកើត ក៏មានកីឡាករយុវជន ដែលមានសមត្ថភាពខ្លាំងដែរ។ តាមរយៈការប្រកួតកន្លងមក ជម្រើសជាតិទីម័រខាងកើត បានបង្ហាញទម្រង់លេងយ៉ាងល្អ ជាពិសេសនោះ ការគ្រប់គ្រង់បាល់យ៉ាងជឿជាក់នៅតំបន់ប្រយុទ្ធ ដែលធ្វើឲ្យជម្រើសជាតិផ្សេងទៀត ពិបាកក្នុងការការពារ៕