ជាតិ
សិល្បះ
ព្រឹទ្ធាចារ្យកោសល្យវោហារ គង់ ណៃ បានធូរស្រាលពីជំងឺបន្តិច តែពេទ្យនៅបន្តតាមដានអាការ រូបផ្ដល់ឱ្យ
× ភ្នំពេញ៖ គិតត្រឹមរសៀលថ្ងៃទី៨ ខែឧសភា ឆ្នាំ២០២២ នេះ អាការជំងឺរបស់ព្រឹទ្ធាចារ្យចាប៉ីដងវែង គង់ ណៃ បានធូរស្រាលពីជំងឺ លើសឈាម លើសជាតិស្ករ ខ្វះគ្រាប់ឈាម និងជំងឺសួត បន្តិចហើយ។ ប៉ុន្តែទោះជាយ៉ាងណា គ្រូពេទ្យនៅតែបន្តតាមដានអាការជំងឺរបស់លោកបន្ថែម។
លោក គង់ សម័យ ត្រូវជាកូនប្រុសពៅរបស់ព្រឹទ្ធាចារ្យ គង់ ណៃ បានប្រាប់សារព័ត៌មានថ្មីៗថា ឪពុករបស់លោកនៅពេលនេះមានស្ថានភាពធូរស្បើយខ្លះ ប៉ុន្តែនៅមិនទាន់រឹងមាំឡើយ។ លោកបានបន្ថែមថា សមាជិកគ្រួសារ បានបញ្ជូនលោកព្រឹទ្ធាចារ្យទៅមន្ទីរពេទ្យក្រោយព្រឹទ្ធាចារ្យមានអាការហត់ខ្លាំង និងអស់កម្លាំង។
«អាការដំបូងគាត់ហត់ខ្លាំងអស់កម្លាំង ទើបយើងបញ្ជូនគាត់មកពេទ្យ។ ពេទ្យមិនទាន់ប្រាប់ថាគាត់ (ព្រឹទ្ធាចារ្យគង់ ណៃ) អាចចេញពីពេទ្យពេលណាឡើយ គេនៅតាមដានសិន។ ឥឡូវ គាត់ហូបបាយបានតិចណាស់ ពេទ្យឱ្យតបផ្លែឈើ តែហូបតិចតួចបាន និងហូបបន្លែឱ្យបានច្រើន។ ការចំណាយយើងក៏មិនទាន់ដឹងដែរ ទាល់តែចេញពីពេទ្យ ទើបយើងដឹង។មកដល់ពេកនេះ មានក្រសួងវប្បធម៌ ជួយជាជំនួយដែរ។»។
ព្រឹទ្ធាចារ្យ គង់ ណៃបានចូលសម្រាកព្យាបាលក្នុងមន្ទីរពេទ្យឯកជន នៅស្រុកកំពង់ត្រាច ខេត្តកំពតកាលពីថ្ងៃទី៧ ខែឧសភា ឆ្នាំ២០២២ នៅវេលាម៉ោង៨យប់។ ព្រឹទ្ធាចារ្យកោសល្យវោហាកោសល្យគង់ ណៃ បច្ចុប្បន្នមានជន្មាយុ៧៧ឆ្នាំ។ លោកមានកូន១០នាក់ ស្រី៤នាក់៕
Tag:
ចាប៉ី
គង់ ណៃ
សិល្បៈបុរាណ
មន្ទីរពទ្យ
© រក្សាសិទ្ធិដោយ thmeythmey.com