បើតាមក្រសួងទេសចរណ៍ ប្រេងឥន្ទនៈឡើងថ្លៃបន្តបន្ទាប់ បានធ្វើឱ្យពលរដ្ឋមួយចំនួនកាត់បន្ថយការធ្វើដំណើរកម្សាន្តទៅកាន់គោលដៅទេសចរណ៍ឆ្ងាយៗ។ មួយវិញទៀត មន្ត្រីរាជការ ភាគច្រើនជាប់រវល់នឹង ឃោសនាបោះឆ្នោតនៅតាមមូលដ្ឋានឃុំ-សង្កាត់របស់ខ្លួន មិនអាចនាំគ្រួសារដើរកម្សាន្តចុងសប្តាហ៍។
 

ស្ថានភាពភ្ញៀវទេសចរផ្ទៃក្នុងនៅថ្ងៃទី ២៨-២៩ ខែឧសភានេះ មានចំនួន ២៧៤,០២៦នាក់ ក្នុងនោះភ្ញៀវជាតិ ២៥៩,៣៩៣នាក់ និងភ្ញៀវបរទេសផ្ទៃក្នុង ១៤,៦៣៣នាក់។ ខេត្តគោលដៅទេសចរណ៍ដែលមានភ្ញៀវទៅកម្សាន្តច្រើនរួមមាន ខេត្តព្រះសីហនុ ទទួលបានភ្ញៀវទេសចរ ៥៦,២៥១នាក់, បាត់ដំបង ៣៩,៩២៩នាក់, រាជធានីភ្នំពេញ ៣៦,២៨២នាក់, កំពត ៣១,១២១នាក់, សៀមរាប ១៩,៧៨២នាក់, កែប ១២,៨៣៦នាក់, កំពង់ស្ពឺ ១១,៥៤៥នាក់ និងខេត្តពោធិ៍សាត់ ១០,៨៤៥នាក់៕