អន្តរជាតិ
UN នឹងបន្តដំណើរការនៅក្នុងអាហ្វហ្កានីស្ថាន ប៉ុន្តែថវិកាជំនួយកំពុងរីងស្ងួត ![](https://image.thmeythmey.com/pictures/2023/05/03/3520231642c.jpg)
×![]()
អង្គការសហប្រជាតិ (UN) នាថ្ងៃទី២ ឧសភា បានប្រកាសថា ខ្លួននឹងបន្តដំណើរការនៅអាហ្វហ្កា នីស្ថានដើម្បីផ្ដល់ជំនួយដល់ប្រជាជនអាហ្វហ្កានីស្ថានរាប់លាននាក់ទោះបីជាក្រុមតាលីបង់បានដាក់ការរឹតត្បិតលើបុគ្គលិកស្រីដែលបម្រើការឱ្យ UN ក៏ដោយ។ យ៉ាងណាមិញ ថវិកាជំនួយកំពុងរីងស្ងួតជាងមុនថែមទៀត។
បន្ទាប់ពីកិច្ចប្រជុំស្ដីពីអាហ្វហ្កានីស្ថានជាមួយប្រេសិតមកពីជាង២០ប្រទេសនៅទីក្រុងដូហា ប្រមុខ UN លោក អាន់តូនីញ៉ូ ហ្គូតេរ៉េស បានថ្លែងក្នុងសន្និសីទសារព័ត៌មានមួយថា UN នឹងបន្តការងារនៅអាហ្វហ្កានីស្ថាន ប៉ុន្តែក៏បារម្ភពីស្ថិរភាពប្រទេសមួយនេះ។
«ពួកយើងបន្តនៅ ហើយពួកយើងផ្គត់ផ្គត់ ហើយពួកយើងក៏ប្តេជ្ញាស្វែងរកលក្ខខណ្ឌចាំបាច់ដើម្បីបន្ត ការដឹកជញ្ជូន។ ប្រទេសដែលមានវត្តមានបានយល់ព្រមលើតម្រូវការជាំយុទ្ធសាស្រ្តនៃការចូលរួម»។ លោក ហ្គូតេរ៉េស បានលើកឡើងបែបនេះរួចបន្តថា បំរាមរបស់អាជ្ញាធរតាលីបង់លើស្ត្រីអាហ្វហ្កានីស្ថានដែលបម្រើការងារឱ្យ UN ជាការបំពានសិទ្ធិមនុស្ស ហើយ UN នឹងមិននៅស្ងៀមឡើយចំពោះការវាយប្រហារជាប្រព័ន្ធលើស្ត្រី ឬកុមារី។
ពាក់ព័ន្ធនឹងជំនួយសម្រាប់ប្រទេសនេះ ប្រមុខ UN បានព្រមានអំពីកង្វះខាតយ៉ាងធ្ងន់ធ្ងរលើជំនួយហិរញ្ញវត្ថុសម្រាប់ការគាំទ្រផ្នែកមនុស្សធម៌របស់ UN នៅឆ្នាំនេះ ដែលមានជាង៦ភាគរយប៉ុណ្ណោះ។
ក្នុងកិច្ចប្រជុំបេសកជននោះផងដែរ រដ្ឋមន្ត្រីការបរទេសប៉ាគីស្ថាន Hina Rabbani Khar បានសង្កត់ធ្ងន់ថា ជីវិតិប្រជាជនអាហ្វហ្កានីស្ថាន៤០លាននាក់គឺស្ថិតនៅលើការសម្រេចចិត្តរបស់តាលីបង់ ហើយក្នុងរយៈពេល២០ខែចុងក្រោយនេះ គ្មាននរណាម្នាក់បានជួយប្រជាជនទាំងនោះឱ្យបានយ៉ាងល្អនោះទេ៕
© រក្សាសិទ្ធិដោយ thmeythmey.com