ប្រេស៊ីល ទទួលការគាំទ្រពីសមាគមសមាជិកសហព័ន្ធកីឡាបាល់ជុំវិញពិភពលោកចំនួន ១១៩ស្ថាប័ន តាមរយៈការបោះឆ្នោតអេឡិចត្រូនិក ស្របពេលក្រុមប្រទេសអឺរ៉ុប ហូឡង់ បែលហ្ស៊ិក និងអាល្លឺម៉ង់ ដែលដេញថ្លៃរួមគ្នា ទទួលបាន ៧៨ សំឡេង។
 

នេះជាលើកទី១ សម្រាប់ប្រេស៊ីល និងដំបូងបំផុតសម្រាប់ប្រទេសនៅតំបន់អាម៉េរិកខាងត្បូង ដែលឈ្នះសិទ្ធិធ្វើម្ចាស់ផ្ទះការប្រកួតកីឡាបាល់ទាត់ផ្នែកនារី ចាប់តាំងពីព្រឹត្តិការណ៍នេះបង្កើតឡើងលើកដំបូងនៅឆ្នាំ១៩៩១ ដែលចិនធ្វើម្ចាស់ផ្ទះ។ ចិន និងអាម៉េរិក ធ្វើម្ចាស់ផ្ទះ២លើករៀងខ្លួន ក្នុងចំណោម៩លើក ក្រោពីនោះមានស៊ុយអែត កាណាដា អាល្លឺម៉ង់ បារាំង និងលើកចុងក្រោយ អូស្ត្រារួមគ្នាជាមួយនូវែលសេឡង់ ដែលមាន៣២ក្រុមលើកដំបូង។