Atalanta រកបានជ័យជម្នះ និងក្លាយជាក្រុមតែមួយក្នុងរដូវកាល ២០២៣-២៤ ដែលបំបាក់ក្រុម Leverkusen ឱ្យស្គាល់បរាជ័យលើកដំបូង តាមរយៈការស៊ុតបាល់បញ្ចូលទី ៣គ្រាប់ របស់ Ademola Lookman។ ក្លិបដែលបង្កើតឡើងរយៈពេល ១១៧ឆ្នាំ ក្នុងប្រទេសអ៊ីតាលី ទើបតែឈ្នះពានរង្វាន់លើកទី២ ប៉ុណ្ណោះ ក្នុងប្រវត្តិសាស្ត្រក្លិប និងរយៈពេល ៦១ឆ្នាំ បន្ទាប់ពីក្លិបមួយនេះបានឈ្នះពាន Italian Cup។
 

នៅក្នុងទីលានប្រវត្តិសាស្ត្រ Piazza Vittorio Veneto ស្ថិតក្នុងទីក្រុង Bergamo អ្នកគាំទ្ររបស់ក្លិប Atalanta រាប់ពាន់នាក់ពាក់អាវក្លិបដោយមានលាយឡំពណ៌ខៀវ និងខ្មៅ បានចេញមកប្រមូលផ្តុំគ្នាស្រែកហ៊ោកញ្ជ្រៀវពេញទីក្រុង ដោយខ្លះបានស្រែកច្រៀង​ដោយក្តីរំភើប ដើម្បីអបអរដល់ការឈ្នះពានរង្វាន់ Europa League។