ជាតិ
បទសម្ភាសន៍
វីដេអូ
សណ្ឋាគារ HIMAWARI មានស៊ីក្លូសិង្ហបុរីមួយគ្រឿង ដែលគេនិយមប្រើនាសតវត្សទី២០
×![]()
ដោយ: នាយយ៉ាន
ភ្នំពេញ៖ HIMAWARI ជាសណ្ឋាគារប្រណីត នៅរាជធានីភ្នំពេញ។ នៅជាន់ផ្ទាល់ដី មានស៊ីក្លូមួយដ៏ប្លែក ដោយកៅអីភ្ញៀវមិនមែនស្ថិតនៅខាងមុខទេ គឺវានៅចំហៀង។ វាគឺជាស៊ីក្លូ បែបសិង្ហបុរី ហើយមានតែមួយគ្រឿងគត់ទូទាំងប្រទេសខ្មែរ។ ព្រោះតែម្ចាស់សណ្ឋាគារ HIMAWARI ជាក្រុមហ៊ុនសិង្ហបុរី ហេតុនេះនៅឆ្នាំ២០១៦ គេយករូបថតស៊ីក្លូសិង្ហបុរី ពីប្រហែល៥០ឆ្នាំមុន ទៅបង្ហាញជាងដែក ឱ្យគាត់ចម្លងស៊ីក្លូនោះតាម។ វាមានពណ៌ខៀវ ពូកកៅអីពណ៌ក្រហម ហើយក្រណាត់កៅស៊ូការពារថ្ងៃពណ៌ត្រយូងចេក។ ដំបូលនេះ អាចបើក ឬបត់ក៏បាន។ កង់វាផ្សេង។ កង់ជាម៉ាក 〒 (នីតូ)។ 〒 គឺជាប្រៃសណីយ៍ជប៉ុន។ វាមានអាយុកាលប្រហែល ៥០ឆ្នាំ។ គឺជាប្រភេទកង់អ្នកដឹកសំបុត្រ និងកញ្ចប់ច្នៃប្រឌិតឆ្នាំ១៩៦៨។ ពណ៌ក្រហមរបស់វា គឺជាពណ៌របស់ប្រៃសណីយ៍ជប៉ុន រហូតមកដល់សព្វថ្ងៃនេះ។ ស៊ីក្លូនេះ អាចជិះបានក៏ប៉ុន្តែគេប្រើក្នុងសណ្ឋាគារប៉ុណ្ណោះ។ គេទុកវាតាងលម្អ តំណាងឱ្យប្រទេសសិង្ហបុរី។
ដើម្បីជ្រាបច្បាស់ សូមអញ្ជើញលោកអ្នកនាងទស្សនាកិច្ចសម្ភាសរវាង នាយ យ៉ាន នៃសារព័ត៌មានថ្មីៗ និងលោកស្រី Lim Alicia នាយកគ្រប់គ្រងសណ្ឋាគារហ៊ីម៉ាវ៉ារី ដូចតទៅ៖
នៅប្រទេសសិង្ហបុរី ចាប់ផ្ដើមមានស៊ីក្លូត្រឹមខែមេសា ឆ្នាំ១៩១៤។ ដោយសារសង្គ្រាមពិភពលោកលើកទី២ ក្នុងទសវត្សរ៍ឆ្នាំ១៩៤០ ពិបាកឃើញប្រេងឥន្ធនៈណាស់ ឬក៏វាថ្លៃពេក! នេះជាមូលហេតុដែលបានធ្វើឱ្យពាក់កណ្ដាលសតវត្សទី២០ ស៊ីក្លូក្លាយទៅជាមធ្យោបាយធ្វើដំណើរពេញនិយម នៅសិង្ហបុរី។ ដោយឡែក ការអភិវឌ្ឍយានយន្ដដឹកអ្នកដំណើរសាធារណៈ បានធ្វើឱ្យមានអ្នកជិះស៊ីក្លូតិចទៅៗ រហូតដល់ត្រូវបញ្ឈប់ការដឹកភ្ញៀវជិះស៊ីក្លូជាផ្លូវការនាឆ្នាំ១៩៨៩។
ពាក្យ ស៊ីក្លូ ជាពាក្យកម្ចីពីភាសាបារាំង cyclo-pousse ដែលមានន័យដូចគ្នា។ ពាក្យ cyclo ជាពាក្យកម្ចីពីភាសាក្រិកបុរាណ κυκλος ដែលមានន័យថារង្វង់៕
Tag:
ស៊ីក្លូ
ទោចក្រយាន
© រក្សាសិទ្ធិដោយ thmeythmey.com
