ជាតិ
សង្គមជាតិ
ក្លឹបអ្នកកាសែតព្រួយបារម្ភពីសុវត្ថិភាពអ្នកកាសែតពេលកំពុងបំពេញការងារ លោក ប៉ែន សមិទ្ធិ ប្រធានក្លិបអ្នកកាសែតកម្ពុជា
×
ក្លឹបអ្នកកាសែតកម្ពុជា សម្ដែងការព្រួយបារម្ភអំពីសេរីភាព និងសុវត្ថិភាពអ្នកសារព័ត៌មាន បន្ទាប់ពីអ្នកកាសែតចំនួន៤នាក់ មកពីស្ថាប័នទូរទស្សន៍ហង្សមាស ទូរទស្សន៍ប៉ុស្ដ៍លេខ៣ ទូរទស្សន៍CNC និងគេហទំព័រCEN បានរងការគំរាមកំហែងធ្ងន់ធ្ងរ ដោយពាក្យសំដី វាយដំ និងការប្រើប្រាស់កាំភ្លើងខ្លីពីមនុស្សមួយក្រុម មកលើអ្នកកាសែតទាំង៤នាក់នោះ។
ក្លឹបអ្នកកាសែតកម្ពុជា ចាត់ទុកសកម្មភាពនេះគឺជាការគំរាមកំហែងយ៉ាងធ្ងន់ធ្ងរ សម្រាប់អ្នកសារព័ត៌មាននៅពេលកំពុងបំពេញការងារតាមវិជ្ជាជីវៈ។ ជាមួយគ្នានេះក្លឹបអ្នកកាសែតកម្ពុជា ទាមទារឲ្យស្ថាប័នមានសមត្ថកិច្ច ត្រូវចាត់វិធានការតាមផ្លូវច្បាប់ចំពោះជនសង្ស័យដែលបានគំរាមកំហែង និងប្រមាថអាយុជីវិតអ្នកកាសែតដែលមិនអាចលើកលែងបានឡើយ។ លើសពីនេះក្លឹបអ្នកកាសែតក៏អំពាវនាវដល់អ្នកសារព័ត៌មាន ត្រូវគោរពឲ្យបានខ្ជាប់ខ្ជួននូវក្រមសីលធម៌វិជ្ជាជីវៈនៅពេលកំពុងបំពេញការងារ ដើម្បីចៀសវាងរាល់ទង្វើនាំឲ្យប៉ះពាល់ដល់កិត្តិយសសេចក្ដីថ្លៃថ្នូររបស់អ្នកសារព័ត៌មាន។
អ្នកកាសែតចំនួន៤នាក់ បានរងការគំរាមកំហែង ពីមនុស្សមួយក្រុមកាលពីវេលាម៉ោង១២៖៥០នាទីយប់ ឈានចូលថ្ងៃទី២២ធ្នូ ខណៈពេលពួកគេកំពុងបំពេញវិជ្ជាជីវៈអ្នកសារព័ត៌មាន៕
© រក្សាសិទ្ធិដោយ thmeythmey.com