ជាតិ
នយោបាយជាតិ
លោក ហ៊ុន សែន និងព្រះអង្គម្ចាស់ រណឫទ្ធិ វាយប្រហារ CNRP ក្នុងពេលតែមួយ
× ភ្នំពេញ៖ សង្គ្រាមពាក្យសម្តីរវាងអ្នកនយោបាយខ្មែរបានចាប់ផ្តើមឡើងវិញហើយ។ ជាក់ស្តែង នៅថ្ងៃចន្ទទី១៩មករានេះ លោក ហ៊ុន សែន ធ្វើការវាយបកយ៉ាងទម្ងន់ទៅកាន់គណបក្សសង្គ្រោះជាតិដែលដឹកនាំដោយលោក សម រង្ស៊ី និងលោក កឹម សុខា។ ស្របពេលជាមួយគ្នា លោកនាយករដ្ឋមន្ត្រីបានលើក«សរសើរ»ព្រះអង្គម្ចាស់នរោត្តម រណឫទ្ធិ ព្រះប្រធានគណបក្សហ្វ៊ុនស៊ិនប៉ិចជ្រើសតាំងថ្មី។
នៅថ្ងៃចន្ទទី១៩មករានេះដដែល ព្រះអង្គម្ចាស់នរោត្តម រណឫទ្ធិ ក៏ធ្វើការវាយប្រហារតបទៅកាន់លោក កឹម សុខា វិញដែរ។ ការវាយបកផ្ទួនៗគ្នារបស់លោក ហ៊ុន សែន និងព្រះអង្គម្ចាស់ រណឫទ្ធិ ធ្វើឡើងបន្ទាប់ពីលោក កឹម សុខា បានរិះគន់របបដឹកនាំរបស់លោក ហ៊ុន សែន ក្នុងរយៈពេល៣០កន្លងមក និងចោទគណបក្សហ្វ៊ុនស៊ិនប៉ិចថា ជាគណបក្សគ្មានឥទ្ធិពល។ ខាងក្រោមនេះ គឺជាសំឡេងប្រតិកម្មរបស់លោកនាយករដ្ឋមន្ត្រី ហ៊ុន សែន និងព្រះអង្គម្ចាស់ រណឫទ្ធិ ទៅកាន់លោក កឹម សុខា៕
ស្តាប់ សំឡេង
© រក្សាសិទ្ធិដោយ thmeythmey.com