ជាតិ
×![]()
ដោយ: ខន ចំប៉ា
នៅក្នុងឆ្នាំ២០១៤សមត្ថកិច្ចបង្ក្រាបបទល្មើសគ្រឿងញៀន បានចំនួន១,៣៣៧ករណី ឃាត់ខ្លួនជនសង្ស័យបានជាង៣ពាន់នាក់ តួលេខនេះកើនឡើងជិត៦០ភាគរយ បើប្រៀបធៀបទៅនឹងឆ្នាំ២០១៣។ លោកមាស វិរិទ្ធ អគ្គលេខាធិការ នៃអាជ្ញាធរជាតិប្រយុទ្ធប្រឆាំងគ្រឿងញៀន នៅក្នុងកិច្ចប្រជុំស្តីពីលទ្ធផលការងារត្រួតពិនិត្យគ្រឿងញៀនឆ្នាំ ២០១៤ និងទិសដៅការងារឆ្នាំ២០១៥ កាលពីកន្លងទៅថ្មីៗនេះ នៅក្រសួងមហាផ្ទៃ។ 
បើតាមទីភ្នាក់ងារសារព័ត៌មានជាតិAKP ដែលបានដកស្រង់សម្តីរបស់ លោក មាស វិរិទ្ធ បានឲ្យដឹងថា គិតរហូតមកដល់ពេលនេះ សមត្ថកិច្ចបានបង្ក្រាប និងរឹបអូសនូវសារធាតុគីមីចម្រុះ ដែលនាំចូលដោយខុសច្បាប់ តាមច្រកនៅក្នុងខេត្ដជាប់ព្រំដែន បានជិត៣០តោន និងបានដកហូត គ្រឿងញៀនប្រភេទកូកាអ៊ីន ហេរ៉ូអ៊ីន ព្រមទាំងមានសារធាតុគីមីផ្សំ ជាច្រើនទៀត ដើម្បីនាំយកមកផលិត និងកែច្នៃឱ្យទៅជាផលិតផល គ្រឿងញៀនសំយោគ។ រីឯសំណុំរឿងបទល្មើសគ្រឿងញៀន ដែលស្ថិតក្នុងដែនសមត្ថកិច្ច របស់សាលាដំបូងរាជធានី-ខេត្ដ មានចំនួន៥៦៤សំណុំរឿង ក្នុងនោះ មាន៣៣០សំណុំរឿងបានជម្រះក្ដីរួច ២០៤សំណុំរឿង កំពុងសាកសួរ និងសំណុំរឿងមិនទាន់ចាត់ការមាន១៦សំណុំរឿង។
ដោយឡែកសម្រាប់ឆ្នាំ២០១៥នេះ អាជ្ញាធរជាតិប្រយុទ្ធប្រឆាំងគ្រឿងញៀនបានដាក់ទិសដៅ និងរៀបំផែនការ ក្នុងការជំរុញផ្សព្វផ្សាយអប់រំតាមគ្រប់រូបភាព ដោយសហការជាមួយ ក្រសួង-ស្ថាប័ន និងវិស័យឯកជនសំដៅកាត់បន្ថយតម្រូវការ និងចេះបដិសេធគ្រឿងញៀនគ្រប់ពេលវេលា និងគ្រប់ទីកន្លែង។ អាជ្ញាធរគ្រឿងញៀនក៏ចាត់វិធានការគ្រប់បែបយ៉ាងតាមផ្លូវច្បាប់ និងរដ្ឋបាល ដើម្បីប្រឆាំងការផលិត ការដាំដុះ ការចម្រាញ់ ការចរាចរ ជួញដូរ ការស្ដុកទុក និងការ ប្រើប្រាស់គ្រឿងញៀន ចាប់ពីរូបភាពតូចតាចរហូតដល់រូបភាពធំៗ ដើម្បីពង្រឹងគុណភាពនៃការអនុវត្ដច្បាប់ ឱ្យតឹងរ៉ឹងបំផុត៕
បើតាមទីភ្នាក់ងារសារព័ត៌មានជាតិAKP ដែលបានដកស្រង់សម្តីរបស់ លោក មាស វិរិទ្ធ បានឲ្យដឹងថា គិតរហូតមកដល់ពេលនេះ សមត្ថកិច្ចបានបង្ក្រាប និងរឹបអូសនូវសារធាតុគីមីចម្រុះ ដែលនាំចូលដោយខុសច្បាប់ តាមច្រកនៅក្នុងខេត្ដជាប់ព្រំដែន បានជិត៣០តោន និងបានដកហូត គ្រឿងញៀនប្រភេទកូកាអ៊ីន ហេរ៉ូអ៊ីន ព្រមទាំងមានសារធាតុគីមីផ្សំ ជាច្រើនទៀត ដើម្បីនាំយកមកផលិត និងកែច្នៃឱ្យទៅជាផលិតផល គ្រឿងញៀនសំយោគ។ រីឯសំណុំរឿងបទល្មើសគ្រឿងញៀន ដែលស្ថិតក្នុងដែនសមត្ថកិច្ច របស់សាលាដំបូងរាជធានី-ខេត្ដ មានចំនួន៥៦៤សំណុំរឿង ក្នុងនោះ មាន៣៣០សំណុំរឿងបានជម្រះក្ដីរួច ២០៤សំណុំរឿង កំពុងសាកសួរ និងសំណុំរឿងមិនទាន់ចាត់ការមាន១៦សំណុំរឿង។
ដោយឡែកសម្រាប់ឆ្នាំ២០១៥នេះ អាជ្ញាធរជាតិប្រយុទ្ធប្រឆាំងគ្រឿងញៀនបានដាក់ទិសដៅ និងរៀបំផែនការ ក្នុងការជំរុញផ្សព្វផ្សាយអប់រំតាមគ្រប់រូបភាព ដោយសហការជាមួយ ក្រសួង-ស្ថាប័ន និងវិស័យឯកជនសំដៅកាត់បន្ថយតម្រូវការ និងចេះបដិសេធគ្រឿងញៀនគ្រប់ពេលវេលា និងគ្រប់ទីកន្លែង។ អាជ្ញាធរគ្រឿងញៀនក៏ចាត់វិធានការគ្រប់បែបយ៉ាងតាមផ្លូវច្បាប់ និងរដ្ឋបាល ដើម្បីប្រឆាំងការផលិត ការដាំដុះ ការចម្រាញ់ ការចរាចរ ជួញដូរ ការស្ដុកទុក និងការ ប្រើប្រាស់គ្រឿងញៀន ចាប់ពីរូបភាពតូចតាចរហូតដល់រូបភាពធំៗ ដើម្បីពង្រឹងគុណភាពនៃការអនុវត្ដច្បាប់ ឱ្យតឹងរ៉ឹងបំផុត៕
© រក្សាសិទ្ធិដោយ thmeythmey.com
