អត្ថបទពាណិជ្ជកម្ម
Lumia 535 តម្លៃ ១៤៨ ដុល្លារ កំពុងទទួលការពេញនិយមពីយុវវ័យ ![](https://image.thmeythmey.com/pictures/2015/02/16/lumea.jpg)
×![]()
Lumia 535គឺជាទូរស័ព្ទដៃដ៏ទំនើបមួយម៉ូដែលទៀតពីក្រុមហ៊ុនMicrosoftដែលបានឆ្លងកាត់ការច្នៃប្រឌិតយ៉ាងសម្រិតសម្រាំងបំផុត ទាំងការរចនារូបរាងទាំងសមត្ថភាពប្រើប្រាស់ និងតម្លៃដែលមានលក្ខណៈសម្បត្តិប្រកួតប្រជែងខ្ពស់ ធៀបទៅនឹងបណ្តាទូរស័ព្ទម៉ាកដទៃដែលមានតម្លៃខ្ទង់200 ដុល្លារ។
យោងតាមលោកRahul Karveអគ្គនាយកនៃប្រតិបត្តិការនៃក្រុមហ៊ុន Microsoft Devices ប្រចាំនៅកម្ពុជាបានបញ្ជាក់ថា ស្មាតហ្វូន Microsoft Lumia 535 ទទួលបានការគាំទ្រយ៉ាងខ្លាំងពីសំណាក់យុវវ័យ ចាប់តាំងពីពេលដែលបានដាក់លក់នៅលើទីផ្សារកាលពីខែធ្នូ ឆ្នាំ 2014 កន្លងទៅ ។ នេះឆ្លុះបញ្ចាំងឲ្យឃើញតាមរយៈកំណើនបរិមាណបញ្ជាទិញពីមួយសប្តាហ៍ទៅមួយសប្តាហ៍ ពីសំណាក់អ្នកលក់រាយនៅទូទាំងប្រទេសកម្ពុជា ជាពិសេសនៅក្នុងរាជធានីភ្នំពេញ។
លោក ហេង ឃាង ម្ចាស់ហាងលក់ទូរស័ព្ទទំនើប “គីរីរម្យ” ដែលមានទីតាំងនៅតាមបណ្តាយផ្លូវព្រះមុនីវង្សក្បែរវិទ្យាល័យយុគន្ធរ បានបញ្ជាក់ថា ៖ ស្មាតហ្វូនម៉ូដែល Lumia 535 លក់ដាច់គួរឲ្យកត់សម្គាល់ ហើយភ្ញៀវដែលមកទិញ ភាគច្រើនអាយុចន្លោះពី18-30 ឆ្នាំ ហើយក្រៅពីពណ៌សនិងពណ៌ខ្មៅមានគេសួររកពណ៌ទឹកក្រូចថែមទៀត ។ ស្រដៀងគ្នានេះដែរ លោក សៀន បូណេរ ម្ចាស់ហាងទូរស័ព្ទ “អារីណេ” ដែលស្ថិតនៅតាមបណ្តោយផ្លូវនេរុហ៍ក្បែរផ្សារដេប៉ូ បានលើកឡើងថា ៖ លក់ដាច់, កុម្ម៉ង់ទិញយកមកលក់ស្ទើរតែពុំទាន់ ! មានម៉ូយសួររកជារឿយៗហើយបានជាវយកទៅប្រើប្រាស់ហូរហែ។
យ៉ាងណាមិញ លោក ទី រ៉ាវី ដែលទើបបញ្ចប់ថ្នាក់បរិញ្ញាប័ត្រ និងចាប់ផ្តើមបម្រើការនៅក្នុងក្រុមហ៊ុនឯកជនមួយ បាន បញ្ជាក់ថា ហេតុដែលលោកសម្រេចជាវ Lumia 535 ទៅប្រើប្រាស់ ៖ “ វាទំហំធំសមល្មមអាចចាប់កាន់ពេញដៃ និងរំលេចដោយសម្បកផលិតឡើងពីផ្លាស្ទិកពណ៌យ៉ាងស្រស់ឆើតឆាយពិតជាធ្វើឱ្យវាមានភាពលេចធ្លោក្នុងចំណោមទូរស័ព្ទដៃម៉ាកដទៃ។ កាមេរ៉ាទាំងមុខទាំងក្រោយរបស់វាគឺមានទំហំ 5 មេហ្គាភិចសែលដែលអាចផ្តិតយករូបភាពបានយ៉ាងច្បាស់ក្នុងបរិវេណធំទូលាយហើយនេះ ។
វាពិតជាបានបំពេញចិត្តអ្នកដែលចូលចិត្តថតរូបបែប Selfieដោយវាអាចចាប់យករូបមុខមនុស្សបានច្រើនគ្នាបានយ៉ាងងាយស្រួលហើយថែមទាំងភ្លឺច្បាស់ត្រជាក់ភ្នែកទៀតផង។ ពិសេសទៅទៀត វាដំណើរការដោយប្រព័ន្ធ Windows Phone 8.1 ដែលបានភ្ជាប់មករួចជាស្រេចនូវកម្មវិធីពេញនិយមជាច្រើនដូចជាMicrosoft Office, Skype, OneDrive, OneNote និង Cortanaជាដើម ដោយកម្មវិធីទាំងនេះអាចផ្តល់បទពិសោធន៍បរិបូរណ៍ក្នុងការស្រាវជ្រាវ និងការងារប្រចាំថ្ងៃរបស់យុវវ័យ។
គួរបញ្ជាក់ផងដែរថា Microsoft Devices បានប្រកាសចេញសម្ពោធផលិតផល Microsoft Lumia 535 ស៊ីមពីរកាលពីថ្ងៃទី២ ខែធ្នូ ឆ្នាំ២០១៤កន្លងទៅនេះដោយបានសហការជាមួយនឹងក្រុមហ៊ុនទូរស័ព្ទចល័តលំដាប់ថ្នាក់លេខ 1 Cellcard។ ក្រោមកិច្ច សហការនេះ អ្នកប្រើប្រាស់ទទួលបានការថែមជូនកញ្ចប់ទិន្នន័យអ៊ិនធើណែតចំនួន 10,500 MB និងរយៈពេលសន្ទនាតាមទូរស័ព្ទចំនួន 300 នាទីពីក្រុមហ៊ុន Cellcard៕
© រក្សាសិទ្ធិដោយ thmeythmey.com