អត្ថបទពាណិជ្ជកម្ម
អង្គការGPF និងវីតាល់ រៀបចំបណ្ណាល័យនិងកន្លែងលាងដៃក្នុងសាលាបឋមពីរកន្លែង
×![]()
ដោយ: ថ្មីៗ
ភ្នំពេញ៖អង្គការមូលនិធិសន្តិភាពសកល (Global Peace Foundation) ប្រចាំនៅកម្ពុជាបានជួយជួសជុលបណ្ណាល័យមួយកន្លែង នៅក្នុងសាលាបឋមសិក្សាជំពុះព្រឹក ខេត្តកំពង់ស្ពឺឡើងវិញនិងបានបំពាក់អំពូលដោយប្រើដោយពន្លឺព្រះអាទិត្យ នៅសាលានោះផងដែរ ។ បន្ថែមពីលើនេះទៀតដោយមានចូលរួមសហការឧបត្ថម្ភពីក្រុមហ៊ុនទឹកពិសាវីតាល់ អង្គការGPFនេះក៏បានកសាងកន្លែងលាងដៃមួយកន្លែង ស្ថិតនៅសាលាបឋមសិក្សា និងអនុវិទ្យាល័យ ហ៊ុន សែនព្រែកប្រា ក្នុងខណ្ឌច្បារអំពៅ រាជធានីភ្នំពេញ ។
លោក ហូ វៃ នាយកនៃបឋម និងអនុវិទ្យាល័យ ហ៊ុនសែនព្រែកប្រាបានឲ្យដឹងថា លោកមានអារម្មណ៍រំភើប និងសាទរជាមួយនឹងសកម្មភាពមនុស្សធម៌ទាំងនេះខ្លាំងណាស់។ លោកនាយកបានបន្ថែមទៀតថា ក្រុមនិស្សិតស្ម័គ្រចិត្តនៃអង្គការមូលនិធិសន្តិភាពសកលបានចុះមកធ្វើការបង្រៀនភាសាអង់គ្លេស នៅសាលាយើងខ្ញុំ ហើយពិសេសជាងនេះទៅទៀត គឺបានកសាងកន្លែងលាងដៃ សម្រាប់ប្អូនៗសិស្សានុសិស្ស ដែលនេះជាកាយវិការមនុស្សធម៌មួយ ក្នុងការលើកកម្ពស់ដល់សុខភាពសាធារណៈសម្រាប់ប្រជាជនកម្ពុជា ដោយចាប់ផ្តើមពីប្អូនកុមារតូច។
លោក ជា ម៉េងគួង សមាជិកក្រុមប្រឹក្សាភិបាល នៃអង្គការមូលនិធិសន្តិភាពសកល ប្រចាំនៅកម្ពុជាបានបញ្ជាក់ថា មកដល់បច្ចុប្បន្ននេះអង្គការមូលនិធិសន្តិភាពសកល ប្រចាំនៅកម្ពុជា មានការចូលរួមពីយុវជនស្ម័គ្រចិត្តជាង៣០០នាក់ហើយ។ មិនតែប៉ុណ្ណោះ នៅចុងឆ្នាំ២០១៥នេះ យុវជនស្ម័គ្រយ៉ាងតិច៥នាក់ នឹងត្រូវបញ្ជូនទៅប្រទេសកូរ៉េដើម្បីធ្វើទស្សនកិច្ចសិក្សារយៈពេលខ្លីក្នុងគោលបំណង សិក្សាពីគ្នាទៅវិញទៅមក ចែករំលែកវប្បធម៌ ក៏ដូចជាទទួលយកបទពិសោធន៍ថ្មី ក្នុងការលើកកម្ពស់យុវជន ដើម្បីចូលរួមសកម្មភាពមនុស្សធម៌នៅក្នុងប្រទេសកម្ពុជា។
គួរបញ្ជាក់ផងដែរថា អង្គការមូលនិធិសន្តិភាពសកល ដែលមានស្នាក់ការកណ្តាលនៅសហរដ្ឋអាមេរិក បានដំណើរការនៅក្នុងប្រទេសកម្ពុជាជាង៣ឆ្នាំមកហើយ។ អង្គការនេះមានទស្សនវិស័យក្នុងការលើកម្ពស់វិស័យអប់រំ សកម្មភាពមនុស្សធម៌ និងការងារស្ម័គ្រចិត្តនៅកម្ពុជា ដូចជា ការចុះបង្រៀនស្ម័គ្រចិត្តនៅក្នុងសហគមន៍ ការផ្លាស់ប្តូរទស្សនកិច្ចសិក្សារបស់និស្សិតកូរ៉េ និងយុវនិស្សិតកម្ពុជា។
ចំណែកឯគម្រោងជួសជុលបណ្ណាល័យ ការបំពាក់ភ្លើងបំភ្លឺផ្លូវដោយពន្លឺព្រះអាទិត្យ ដែលជាអំណោយរបស់GPFប្រចាំនៅសាធារណៈរដ្ឋកូរ៉េ និងកន្លែងលាងនេះ គឺជាគម្រោងថ្មីរបស់អង្គការGPF។ អង្គការនេះ គ្រោងនឹងបន្ថែមសកម្មភាពមនុស្សធម៌របស់ខ្លួនជាបន្តបន្ទាប់ ដូចជាបង្កើនការចុះបង្រៀនស្ម័គ្រចិត្តភាសាអង់គ្លេសនៅខណ្ឌមានជ័យ ក្នុងរាជធានីភ្នំពេញបន្ថែមទៀត៕
លោក ហូ វៃ នាយកនៃបឋម និងអនុវិទ្យាល័យ ហ៊ុនសែនព្រែកប្រាបានឲ្យដឹងថា លោកមានអារម្មណ៍រំភើប និងសាទរជាមួយនឹងសកម្មភាពមនុស្សធម៌ទាំងនេះខ្លាំងណាស់។ លោកនាយកបានបន្ថែមទៀតថា ក្រុមនិស្សិតស្ម័គ្រចិត្តនៃអង្គការមូលនិធិសន្តិភាពសកលបានចុះមកធ្វើការបង្រៀនភាសាអង់គ្លេស នៅសាលាយើងខ្ញុំ ហើយពិសេសជាងនេះទៅទៀត គឺបានកសាងកន្លែងលាងដៃ សម្រាប់ប្អូនៗសិស្សានុសិស្ស ដែលនេះជាកាយវិការមនុស្សធម៌មួយ ក្នុងការលើកកម្ពស់ដល់សុខភាពសាធារណៈសម្រាប់ប្រជាជនកម្ពុជា ដោយចាប់ផ្តើមពីប្អូនកុមារតូច។
លោក ជា ម៉េងគួង សមាជិកក្រុមប្រឹក្សាភិបាល នៃអង្គការមូលនិធិសន្តិភាពសកល ប្រចាំនៅកម្ពុជាបានបញ្ជាក់ថា មកដល់បច្ចុប្បន្ននេះអង្គការមូលនិធិសន្តិភាពសកល ប្រចាំនៅកម្ពុជា មានការចូលរួមពីយុវជនស្ម័គ្រចិត្តជាង៣០០នាក់ហើយ។ មិនតែប៉ុណ្ណោះ នៅចុងឆ្នាំ២០១៥នេះ យុវជនស្ម័គ្រយ៉ាងតិច៥នាក់ នឹងត្រូវបញ្ជូនទៅប្រទេសកូរ៉េដើម្បីធ្វើទស្សនកិច្ចសិក្សារយៈពេលខ្លីក្នុងគោលបំណង សិក្សាពីគ្នាទៅវិញទៅមក ចែករំលែកវប្បធម៌ ក៏ដូចជាទទួលយកបទពិសោធន៍ថ្មី ក្នុងការលើកកម្ពស់យុវជន ដើម្បីចូលរួមសកម្មភាពមនុស្សធម៌នៅក្នុងប្រទេសកម្ពុជា។
គួរបញ្ជាក់ផងដែរថា អង្គការមូលនិធិសន្តិភាពសកល ដែលមានស្នាក់ការកណ្តាលនៅសហរដ្ឋអាមេរិក បានដំណើរការនៅក្នុងប្រទេសកម្ពុជាជាង៣ឆ្នាំមកហើយ។ អង្គការនេះមានទស្សនវិស័យក្នុងការលើកម្ពស់វិស័យអប់រំ សកម្មភាពមនុស្សធម៌ និងការងារស្ម័គ្រចិត្តនៅកម្ពុជា ដូចជា ការចុះបង្រៀនស្ម័គ្រចិត្តនៅក្នុងសហគមន៍ ការផ្លាស់ប្តូរទស្សនកិច្ចសិក្សារបស់និស្សិតកូរ៉េ និងយុវនិស្សិតកម្ពុជា។
ចំណែកឯគម្រោងជួសជុលបណ្ណាល័យ ការបំពាក់ភ្លើងបំភ្លឺផ្លូវដោយពន្លឺព្រះអាទិត្យ ដែលជាអំណោយរបស់GPFប្រចាំនៅសាធារណៈរដ្ឋកូរ៉េ និងកន្លែងលាងនេះ គឺជាគម្រោងថ្មីរបស់អង្គការGPF។ អង្គការនេះ គ្រោងនឹងបន្ថែមសកម្មភាពមនុស្សធម៌របស់ខ្លួនជាបន្តបន្ទាប់ ដូចជាបង្កើនការចុះបង្រៀនស្ម័គ្រចិត្តភាសាអង់គ្លេសនៅខណ្ឌមានជ័យ ក្នុងរាជធានីភ្នំពេញបន្ថែមទៀត៕
© រក្សាសិទ្ធិដោយ thmeythmey.com
