ព័ត៍មានសុខភាព
សុខភាព៖ តើសិច អាចបំបាត់បញ្ហាមុនបានមែនទេ?
×
សិច គឺជាផ្នែកមួយដ៏សំខាន់នៃជីវិតរស់នៅ ប៉ុន្តែ យើងច្រើនតែភ្លេចថា វាក៏មានអត្ថប្រយោជន៍ពិតប្រាកដមួយចំនួនដល់សុខភាពដែរដូចជា មានឥទ្ធិពលវិជ្ជមានទៅលើសម្រស់ និងសុខភាពរបស់ស្បែក។ រឿងនេះមានទំនាក់ទំនងនឹងការធ្វើសកម្មភាពផ្លូវភេទជាទៀងទាត់ ការគេងលក់កាន់តែស្រួល (ការឈានដល់ចំណុចកំពូលនៃការរួមភេទធ្វើអោយយើងផលិតបាននូវសារធាតុ Endorphins និងអុកស៊ីតូស៊ីន) ព្រមទាំងជួយរំលាយជាតិខ្លាញ់ទៀតផង។ ជាចុងក្រោយ ជីវិតផ្លូវភេទយ៉ាងសកម្មមួយ នឹងជួយបង្កើនចំនួនសារធាតុ DHEA ក្នុងឈាម ដែលវាជាអ័រម៉ូនជួយប្រឆាំងនឹងការចាស់ទៅតាមអាយុ។
បញ្ហានោះគឺថា ទម្លាប់ប្រចាំថ្ងៃរបស់យើង មិនមែនតែងតែអាចធ្វើអោយមានការរួមភេទ ឬស្បែកដ៏ល្អបំផុតបាននោះទេ។ ឧទាហរណ៍ដ៏ល្អមួយគឺ ទស្សនៈទាក់ទងនឹងជាតិខ្លាញ់។ មែនហើយ យើងត្រូវបានបង្រៀនអោយដឹងថា ជាតិខ្លាញ់ គឺជារឿងមិនល្អទេ ហើយយើងគួរតែលុបបំបាត់ជាតិខ្លាញ់ចេញពីរបបអាហារទាំងអស់ទៀតផង។ ការធ្វើបែបនេះ ប្រហែលជាអាចធ្វើអោយចំណង់ផ្លូវភេទថយចុះ និងបង្កភាពស្ងួតស្បែកទៅវិញទេ ចំណែកឯស្បែកអាចទៅជារលាក និងកើតមុនច្រើនទៀតផង។
ដូច្នេះហើយ ជីវិតផ្លូវភេទ និងរបបអាហារដែលមានសុខភាពល្អ គួរតែមានជាមួយនឹងការពង្រឹងដល់សុខភាពរបស់ស្បែក ហើយវាប្រហែលជានឹងជួយទប់ស្កាត់បញ្ហាមុនបានទៀតផង។
មុន គឺជារោគសញ្ញាមួយនៃបញ្ហាអតុល្យភាពនៅក្នុងខ្លួន ដែលវាច្រើនតែទាក់ទងនឹងអ័រម៉ូន ជាពិសេសអ័រម៉ូនសិចតែម្តង (Androgens/Testosterone, Estrogen និង Progesterone)។ ខណៈពេលដែលការព្យាបាលមុនពិតប្រាកដត្រូវបានធ្វើឡើង ដើម្បីបំបាត់វដ្តរបស់ជំងឺមុន ខាងក្រោមនេះ គឺជាហេតុផលមួយចំនួនដែលប្រាប់ថា ហេតុអ្វីទើបការរួមភេទល្អ ចំពោះសុខភាពស្បែក ៖
សិច នឹងជួយរក្សាតុល្យភាពអ័រម៉ូនក្នុងខ្លួន ហើយវាក៏ជួយអោយស្បែកកាន់តែស្អាតទៅៗផងដែរ។
ការធ្វើចលនាបែបសិចស៊ី នឹងជួយពង្រឹងដល់ចរន្តឈាមរត់ ដែលជាហេតុជំនួយដល់ការដឹកជញ្ជូនអុកស៊ីសែនទៅកាន់ស្បែក។ លើសពីនេះទៅទៀត សិចក៏ជួយបញ្ចេញជាតិពុលតាមរយៈការបែកញើសផងដែរ។
ការរួមភេទម្តង ឬពីរដងក្នុងមួយសប្តាហ៍ ជួយបង្កើនចំនួនអង់ទីគ័រមួយប្រភេទឈ្មោះថា Immunoglobin ដែលវាមានឥទ្ធិពលវិជ្ជមានមួយចំពោះប្រព័ន្ធភាពស៊ាំតែម្តង។ មុខងារប្រព័ន្ធភាពស៊ាំដែលរីកចម្រើនបែបនេះ នឹងទៅប្រឆាំងការរលាក និងការបង្ករោគ ដែលបណ្តាលមកពីការលូតលាស់របស់បាក់តេរីបង្កជំងឺមុន ក្នុងរន្ធញើសដែលស្ទះបាន។
សិច ទៅបង្កើនការផលិតសារធាតុកូឡាជែនធម្មជាតិ ដូច្នេះ វាប្រហែលជាមិនត្រឹមតែជួយបំបាត់ភាពជ្រីវជ្រួញទេ ប៉ុន្តែ វាក៏អាចធ្វើអោយស្នាកស្នាមដោយសារមុនទៅជារលោងដែរ (កូឡាជែន គឺជាសារធាតុដ៏សំខាន់របស់ស្បែក)។
សិច គឺជាអ្នកផ្តល់នូវសេចក្តីសប្បាយ ដូច្នេះ វាច្រើនតែជំនួសនូវភាពផ្អែមល្ហែម និងការថែទាំ ព្រមទាំងរក្សាទម្ងន់អោយនៅហ្នឹងល្អទៀតផង។ ស្ករ និងជាតិកាបូអ៊ីដ្រាត មិនមែនជាមិត្តភក្តិរបស់ស្បែកទេ ជាពិសេស បើសិនជាអ្នកកើតជំងឺមុនតែម្តង។
សិច ក៏បង្កើនការផលិតអ័រម៉ូនសប្បាយចិត្តឈ្មោះថា Serotonin ដែរ ដែលវាមានតួនាទីធ្វើអោយអ្នកយល់ថា ខ្លួនឯងក្មេងជាងមុន សប្បាយចិត្តជាងមុន និងចូលចិត្តសង្គមរស់នៅកាន់តែខ្លាំង។ អារម្មណ៍វិជ្ជមានទាំងនេះ អាចលើកទឹកចិត្តអ្នកអោយថែរក្សាខ្លួនឯងដូចជា ការប្តេជ្ញាចិត្ត ដើម្បីមានទម្លាប់ថែរក្សាស្បែកកាន់តែល្អជាងមុន៕
ផ្តល់សិទ្ធិដោយwww.health.com.kh
© រក្សាសិទ្ធិដោយ thmeythmey.com