ព័ត៍មានសុខភាព
ហេតុអ្វីបានជាបុគ្គលិកពិបាកធ្វើការជាមួយក្រុមហ៊ុនដឹកនាំបែបគ្រួសារនិយម?
×![]()
ដោយ: ថ្មីៗ
នៅក្នុងប្រទេសជឿនលឿន វត្តមានក្រុមហ៊ុនដឹកនាំរតាមបៀបគ្រួសារនិយមមានចំនួនតិចជាងក្រុមហ៊ុនដឹកនាំតាមរបៀបក្រុមហ៊ុនពិតប្រាកដ។ តែនៅក្នុងប្រទេសកម្ពុជាវិញ ក្រុមហ៊ុនដឹកនាំតាមរបៀបគ្រួសារនិយមមានចំនួនច្រើនជាងក្រុមហ៊ុនដឹកនាំតាមរបៀបក្រុមហ៊ុន។
តើក្រុមហ៊ុនដឹកនាំតាមរបៀបគ្រួសារនិយម និងក្រុមហ៊ុនដឹកនាំតាមរបៀបក្រុមហ៊ុនខុសគ្នាយ៉ាងដូចម្តេច?
ចំណុចទី១ បុគ្គលិកពិបាកធ្វើការបំផុត ពីព្រោះ ប្រធាន ឬមេ មានចំនួនច្រើនពេក។ បុគ្គលិកមិនដឹងថា ជាត្រូវស្តាប់នរណា បើគ្រប់គ្នានៅក្នុងគ្រួសារក៏សុទ្ធតែមេ ជាប្រធាន និងជាម្ចាស់កម្មសិទ្ធិទាំងអស់។ នៅក្នុងចំណុចទី១ដដែលនេះ ការបញ្ជាធ្វើឡើងភាគច្រើនតាមអារម្មណ៍ និងគ្រប់គ្នាអាចបញ្ជាបានទាំងអស់។ នៅក្នុងចំណុចទី១នេះ កូនចៅវិលមុខ ពីព្រោះ មេបញ្ជាគ្រប់គ្នា និងពេលខ្លះ បញ្ជា ខុសគោលការណ៍គ្នាទាំងអស់។ ការដឹកនាំតាមរបៀបចំណុចទី១នេះ ភាគច្រើន ឈានទៅរកបរាជ័យ។
ចំណុចទី២ គឺជាការដឹកនាំដែលមានមេតែមួយ រាល់ការបញ្ជាទាំងឡាយធ្លាក់ពីក្បាលម៉ាស៊ីនតែមួយ បើទោះបីជាថ្នាក់លើពិគ្រោះយល់គ្នាច្រើនយ៉ាងណាក៏ដោយ។ ជាការពិត មុននឹងដាក់អោយអនុវត្តគោលការណ៍អ្វីមួយៗ វាចាំបាច់ត្រូវតែមានការពិគ្រោះយោបល់គ្នា។ ប៉ុន្តែអ្វីដែលល្អនៅក្នុងចំណុចទី២ គឺថា រាល់ការបញ្ជាត្រូវធ្វើឡើងដោយមនុស្សតែម្នាក់គត់។ ការដឹកនាំតាមរបៀបចុងក្រោយនេះ ភាគច្រើន ទទួលជោគជ័យ៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
