ជាតិ
សង្គមជាតិ
កសិករកំពុងហាលថ្នាំជក់ នៅមុខផ្ទះពួកគេ ក្នុងភូមិទី៥ ឃុំស្វាយឃ្លាំង ស្រុកក្រូចឆ្មារ ខេត្តត្បូងឃ្មុំ។
×![]()
ត្បួងឃ្មុំ៖ កសិករនៅស្រុកក្រូចឆ្មារ ខេត្តត្បូងឃ្មុំ កំពុងមមាញឹកនឹងការផលិតថ្នាំជក់។ ឆ្នាំនេះ ថ្នាំជក់មានគុណភាពល្អ និងបរិមាណបានកើនលើសឆ្នាំទៅ ព្រោះថា កសិករបានសម្រុកធ្វើគ្រប់ៗគ្នា។ យ៉ាងណា កសិករអ្នកផលិតថ្នាំជក់ កំពុងព្រួយបារម្ភពីហាងឆេងរបស់ថ្នាំជក់ ដែលរហូតមកដល់ពេលនេះ មួយគីឡូក្រាម មិនទាន់ដល់មួយម៉ឺនរៀលនៅឡើយ។ 
ស្រុកក្រូចឆ្មារ ដែលល្បីខាងផលិតថ្នាំជក់ កំពុងប្រមូលផលថ្នាំជក់ ឲ្យមុនរដូវភ្លៀងធ្លាក់ នៅពេលខាងមុខនេះ។ ក្នុងភូមិទី៥ ឃុំស្វាយឃ្លាំង ស្រុកក្រូចឆ្មារ ខេត្តត្បូងឃ្មុំ អតីតខេត្តកំពង់ចាមនោះ មានសភាពស្ងប់ស្ងាត់នៅពេលព្រឹក និងពេលថ្ងៃ ព្រោះអ្នកភូមិមួយចំនួនធំ ចេញទៅចំការ ខ្លះទៀតត្រូវក្រោកទៀបភ្លឺ ម៉ោង១ឫ២ជាដើម ដើម្បីហាលថ្នាំ។ កំរមានដីទំនេរនៅក្នុងភូមិ ទើបកសិករភាគច្រើន ត្រូវសង់ជារោង នៅតាមវាលស្រែ ដែលឆ្ងាយពីផ្ទះ ហើយពេលល្ងាច ទើបត្រឡប់មកផ្ទះវិញ តែខ្លះទៀតក៏សម្រាកនៅក្នុងរោងនោះដែរ។
ស្ទើរគ្រប់ផ្ទះនៅឆ្នាំនេះ ផលថ្នាំជក់មានការកើនឡើង ដោយសារការអំណោយផល។ កសិករខ្លះ អះអាងថា ផលថ្នាំជក់របស់ខ្លួន កើនជិត២ដង បើប្រៀបធៀបនឹងឆ្នាំទៅ ដែលធ្វើនៅលើដីដដែល។ យ៉ាងណាមិញ ទន្ទឹមនឹងភាពសប្បាយនឹងផលថ្នាំជក់ហើយនោះ កសិករភាគច្រើនកំពុងបារម្ភពីតម្លៃ ដែលឈ្មួញចុះទិញ។ បច្ចុប្បន្ន តម្លៃថ្នាំជក់ ដែលឈ្មួយដើរទិញនៅស្រុកក្រូចឆ្មារ មានចន្លោះពី៩០០០រៀល ទៅ៩៥០០រៀល ដែលឆ្នាំទៅ ក្នុងមួយគីឡូក្រាមតម្លៃ ពី១២០០០ ទៅ១៦០០០រៀល។
លោក ហាក់ ភ្លី កសិករដាំថ្នាំជក់មួយរូប បាននិយាយថា លោកបានប្រមូលផលថ្នាំជក់បានប្រមាណជាង២តោនរួចហើយ។ កសិករវ័យជាង៣០ឆ្នាំរូបនេះ បានបន្តថា លោកនៅសល់ថ្នាំជក់លើកផ្ទៃដីប្រមាណជាង១ហិកតាទៀត ដែលរំពឹងថា បានផលប្រមាណ១តោនបន្ថែម។ យ៉ាងណា លោក ហាក់ ភ្លី ថា លោកចង់លក់ថ្នាំជក់ខ្លះ ដើម្បីយកសោហ៊ុយ សម្រាប់ជួលកម្មករ ប៉ុន្តែលោកថា តម្លៃហាក់នៅទាបនៅឡើយ។ លោក ភ្លី មានគម្រោងលក់ថ្នាំជក់ចេញខ្លះ ប្រសិនណាតម្លៃអាចខ្ពស់លើសមួយម៉ឺនរៀល។
កសិករស្ទើតែទាំងអស់ កំពុងបារម្ភចំពោះតម្លៃថ្នាំជក់អាចធ្លាក់ថ្លៃ ខណៈដែលពួកគេប្រមូលផលបានច្រើនជាងរាល់ឆ្នាំ។ ទោះជាយ៉ាងណាក៏ដោយ មានកសិករខ្លះ ក៏សម្រេចចិត្តលក់ចេញក្នុងតម្លៃក្រោមមួយម៉ឺនរៀលខ្លះ ដើម្បីយកថវិកាប្រើប្រាស់ អំឡុងពេលប្រមូលផលថ្នាំ។ ក្រុមកសិករ ស្នើឲ្យរដ្ឋាភិបាល រកទីផ្សារថ្នាំជក់ឲ្យបានច្រើន ជៀសវាងទីផ្សារស្ថិតតែលើបបូរមាត់របស់ឈ្មួញកណ្តាល៕
ស្រុកក្រូចឆ្មារ ដែលល្បីខាងផលិតថ្នាំជក់ កំពុងប្រមូលផលថ្នាំជក់ ឲ្យមុនរដូវភ្លៀងធ្លាក់ នៅពេលខាងមុខនេះ។ ក្នុងភូមិទី៥ ឃុំស្វាយឃ្លាំង ស្រុកក្រូចឆ្មារ ខេត្តត្បូងឃ្មុំ អតីតខេត្តកំពង់ចាមនោះ មានសភាពស្ងប់ស្ងាត់នៅពេលព្រឹក និងពេលថ្ងៃ ព្រោះអ្នកភូមិមួយចំនួនធំ ចេញទៅចំការ ខ្លះទៀតត្រូវក្រោកទៀបភ្លឺ ម៉ោង១ឫ២ជាដើម ដើម្បីហាលថ្នាំ។ កំរមានដីទំនេរនៅក្នុងភូមិ ទើបកសិករភាគច្រើន ត្រូវសង់ជារោង នៅតាមវាលស្រែ ដែលឆ្ងាយពីផ្ទះ ហើយពេលល្ងាច ទើបត្រឡប់មកផ្ទះវិញ តែខ្លះទៀតក៏សម្រាកនៅក្នុងរោងនោះដែរ។
ស្ទើរគ្រប់ផ្ទះនៅឆ្នាំនេះ ផលថ្នាំជក់មានការកើនឡើង ដោយសារការអំណោយផល។ កសិករខ្លះ អះអាងថា ផលថ្នាំជក់របស់ខ្លួន កើនជិត២ដង បើប្រៀបធៀបនឹងឆ្នាំទៅ ដែលធ្វើនៅលើដីដដែល។ យ៉ាងណាមិញ ទន្ទឹមនឹងភាពសប្បាយនឹងផលថ្នាំជក់ហើយនោះ កសិករភាគច្រើនកំពុងបារម្ភពីតម្លៃ ដែលឈ្មួញចុះទិញ។ បច្ចុប្បន្ន តម្លៃថ្នាំជក់ ដែលឈ្មួយដើរទិញនៅស្រុកក្រូចឆ្មារ មានចន្លោះពី៩០០០រៀល ទៅ៩៥០០រៀល ដែលឆ្នាំទៅ ក្នុងមួយគីឡូក្រាមតម្លៃ ពី១២០០០ ទៅ១៦០០០រៀល។
លោក ហាក់ ភ្លី កសិករដាំថ្នាំជក់មួយរូប បាននិយាយថា លោកបានប្រមូលផលថ្នាំជក់បានប្រមាណជាង២តោនរួចហើយ។ កសិករវ័យជាង៣០ឆ្នាំរូបនេះ បានបន្តថា លោកនៅសល់ថ្នាំជក់លើកផ្ទៃដីប្រមាណជាង១ហិកតាទៀត ដែលរំពឹងថា បានផលប្រមាណ១តោនបន្ថែម។ យ៉ាងណា លោក ហាក់ ភ្លី ថា លោកចង់លក់ថ្នាំជក់ខ្លះ ដើម្បីយកសោហ៊ុយ សម្រាប់ជួលកម្មករ ប៉ុន្តែលោកថា តម្លៃហាក់នៅទាបនៅឡើយ។ លោក ភ្លី មានគម្រោងលក់ថ្នាំជក់ចេញខ្លះ ប្រសិនណាតម្លៃអាចខ្ពស់លើសមួយម៉ឺនរៀល។
កសិករស្ទើតែទាំងអស់ កំពុងបារម្ភចំពោះតម្លៃថ្នាំជក់អាចធ្លាក់ថ្លៃ ខណៈដែលពួកគេប្រមូលផលបានច្រើនជាងរាល់ឆ្នាំ។ ទោះជាយ៉ាងណាក៏ដោយ មានកសិករខ្លះ ក៏សម្រេចចិត្តលក់ចេញក្នុងតម្លៃក្រោមមួយម៉ឺនរៀលខ្លះ ដើម្បីយកថវិកាប្រើប្រាស់ អំឡុងពេលប្រមូលផលថ្នាំ។ ក្រុមកសិករ ស្នើឲ្យរដ្ឋាភិបាល រកទីផ្សារថ្នាំជក់ឲ្យបានច្រើន ជៀសវាងទីផ្សារស្ថិតតែលើបបូរមាត់របស់ឈ្មួញកណ្តាល៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
