ជាតិ
សង្គមជាតិ
សម្ពោធសណ្ឋាគារSARAIលំដាប់ផ្កាយប្រាំនៅសៀមរាប
× សៀមរាប៖ សណ្ឋាគារលំដាប់ផ្កាយប្រាំមួយ ត្រូវបានសម្ពោធជាផ្លូវការ។ សណ្ឋាគារ SARAI Resort & Spa (សារ៉ៃ រីស៊ត និងស្ប៉ា) គឺជាការវិនិយោគរបស់ពាណិជ្ជករជនជាតិកូរ៉េ។ អគ្គនាយកសណ្ឋាគាររំពឹងថា សារ៉ៃ នឹងអាចចូលខ្លួនប្រកូតប្រជែង នឹងបណ្តាសណ្ឋាគារផ្សេងៗទៀត ដើម្បីបម្រើសេវាកម្មស្នាក់នៅរបស់ភ្ញៀវទេសចរ ក្នុងខេត្តសៀមរាប។
SARAI Resort & Spa មាន៤៨បន្ទប់។ លក្ខណៈពិសេស គឺនៅក្នុងបន្ទប់មួយៗមានអាងហាលទឹកផ្ទាល់ខ្លួន ដែលសណ្ឋាគារសៀមរាបមួយចំនួនតូចមាន។ សណ្ឋាគារ សារ៉ៃ កសាងរយៈពេល១០ខែ និង១០ថ្ងៃ មានទីតាំងនៅ ភូមិវត្តដំណាក់ សង្កាត់សាលាកំរើក ទីក្រុងសៀមរាប។
ប្រធានទីផ្សារនៃសណ្ឋាគារ សារ៉ៃ លោក វ៉ាត់ ភារ័ត្ន បានឲ្យដឹងថា សារ៉ៃបានបោះប្រាក់វិនិយោគជាទឹកប្រាក់ចំនួនប្រមាណ៤លានដុល្លារសហរដ្ឋអាមេរិក បន្ទាប់ពីក្រុមហ៊ុនមួយនេះ បោះទុនវិនិយោគរកស៊ីមួយចំនួននៅប្រទេសវៀតណាម។ លោក ភារ័ត្ន បញ្ជាក់ថា តម្លៃបន្ទប់ជាមធ្យមពី ១៥០ ទៅ៥០០ដុល្លារ ទៅតាមបន្ទប់ធម្មតា និងពិសេស។ សម្រាប់ខែដំបូងក្រោយពេលសម្ពោធនេះ បើតាមប្រធានទីផ្សារ តម្លៃមានចន្លោះពី៩៧ ទៅ៣០០ ដុល្លារតែប៉ុណ្ណោះ។
ថ្លែងក្នុងពិធីសម្ពោធសណ្ឋាគារនៅល្ងាចថ្ងៃទីចន្ទ ទី៣០ មីនា លោក Kim Kyoo Chul អគ្គនាយកសណ្ឋាគារ SARAI Resort & Spa រីករាយចំពោះការវិនិយោគរបស់លោកនៅទីក្រុងសៀមរាប។ លោក Kim រំពឹងថា សារ៉ៃនឹងអាចប្រកូតប្រជែងនឹងដៃគូរផ្សេងទៀត នៅពេលខាងមុខ៕
© រក្សាសិទ្ធិដោយ thmeythmey.com