ឪពុកម្នាក់ចងធ្មេញរបស់កូនទៅនឹងឡាន Chevrolet ដើម្បីទាញធ្មេញដែលរង្គើចេញ

ប្លែកៗ

អន្តរជាតិ

ឪពុកម្នាក់ចងធ្មេញរបស់កូនទៅនឹងឡាន Chevrolet ដើម្បីទាញធ្មេញដែលរង្គើចេញ

02, Apr 2015 , 2:11 pm

រូបភាព

ដោយ: ថ្មីៗ

ជាធម្មតា ការចំណាយប្រាក់ដើម្បីដកធ្មេញរង្គើរបស់កុមារ មិនមានតម្លៃថ្លៃនោះទេ ហើយម្យ៉ាងទៀតគេអាចដកវាចេញដោយវិធីសាមញ្ញៗ ប៉ុណ្ណោះ។ ប៉ុន្តែបុរសជាឪពុកម្នាក់បានយកអំបោះចងធ្មេញដែលរង្គើរបស់កូនប្រុសគាត់ ភ្ជាប់ទៅនឹងរថយន្តម៉ាក Chevrolet Camaro ដើម្បីដកយកធ្មេញដែលរង្គើនោះចេញ។ នេះបើយោងតាម Daily record ។

ប្រភពដដែលបានឲ្យដឹងថា តាមរយៈខ្សែវីដេអូមួយដែលត្រូវគេបង្ហោះនៅក្នុង គេហទំព័រ YouTube បុរសជនជាតិអាមេរិកម្នាក់ឈ្មោះ Rob Venomous បានបង្ហាញខ្សែវីដេអូស្ដីពីការដកធ្មេញឲ្យកូនប្រុសអាយុ ៨ ឆ្នាំរបស់គាត់ ដោយប្រើរថយន្តChevrolet ជាទីស្រលាញ់ដើម្បីទាញវាចេញ។

លោក Rob ជឿជាក់ថារថយន្ត Chevrolet Camaro: SS V-8 ពណ៌ក្រហម នឹងជួយដកធ្មេញរង្គើចេញពីមាត់កូនរបស់គាត់ហើយអាចធ្វើឲ្យកូនរបស់គាត់មិនពិបាកទ្រាំឈឺធ្មេញដែលជិតបាក់។ទោះជាយ៉ាងណាក៏ដោយ អ្នកជំនាញផ្នែកបញ្ហាធ្មេញបានអះអាងថាការធ្វើបែបនេះនឹងបង្កឲ្យប៉ះ ដល់អញ្ចាញធ្មេញរបស់កុមារ ព្រោះថាវាត្រូវបានគេកន្ត្រាក់ចេញ ដោយម៉ាស៊ីនកម្លាំងលើសពី៤០០សេះ។

បើតាមវីដេអូដដែលនោះ ក្រោយពេលចងធ្មេញជាមួយអំបោះភ្ជាប់ទៅនឹងរថយន្តហើយនោះ ឪពុករបស់ក្មេងប្រុស បានប្រាប់ឲ្យកូនរបស់គាត់ងើយមុខឡើងលើបន្តិចរួចគាត់ចូលទៅក្នុងរថយន្ត ហើយបញ្ឆេះរថយន្តបើកទៅមុចបន្តិច។ បន្ទាប់មក ធ្មេញរង្គើនោះក៏ត្រូវបានទាញចេញដោយរថយន្តម៉ាស៊ីន V-8 ហើយកុមារាម្នាក់នោះបានសម្ដែងនូវភាពភ្ញាក់ផ្អើលជាខ្លាំង ព្រោះថារថយន្តអាចដកធ្មេញរបស់គេបាន៕

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

5 ថ្ងៃ

តើពាក្យ«ពិសោធ» និង«ពិសោធន៍» មានលក្ខខណ្ឌប្រើប្រាស់ខុសគ្នាដូចម្ដេច?

2 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

4 ថ្ងៃ

តើពាក្យ «សូម, សុំ» មានន័យខុសគ្នាយ៉ាងដូចម្តេច?

3 ថ្ងៃ

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

6 ថ្ងៃ

អត្ថបទពេញនិយមបន្ថែម