ជាតិ
សង្គមជាតិ
អាជ្ញាធរអប្សរាចែករំលែកបទពិសោធការងារគ្រប់គ្រងរមណីយដ្ឋានអង្គរដល់មីយ៉ាន់ម៉ា
×![]()
សៀមរាប៖ ប្រទេសមីយ៉ាន់ម៉ា ដែលគ្រោងស្នើដាក់បញ្ចូលរមណីយដ្ឋាន២ ជាសម្បត្តិបេតិកភណ្ឌពិភពលោកនាពេលខាងមុខ បានសុំអាជ្ញាធរជាតិអប្សរា ជួយចែករំលែកបទពិសោធការងារអភិរក្ស និងអភិវឌ្ឍរមណីយដ្ឋានអង្គរ។ ប្រទេសមីយ៉ាន់ម៉ា រីករាយនិងទទួលយកនូវបទពិសោធល្អរបស់កម្ពុជា។
អនុប្រធានាធិបតីនៃសាធារណរដ្ឋសហភាពមីយ៉ាន់ម៉ា បានមកបំពេញទស្សនកិច្ចប្រទេសកម្ពុជារយៈពេល៣ថ្ងៃ។ នៅល្ងាចថ្ងៃទី២ មីនាម្សិលមិញ លោក U Nyan Tun បានចូលជួបលោកឧបនាយករដ្ឋមន្ត្រី សុខ អាន នៅស្នាក់ការអាជ្ញាធរជាតិអប្សរា ខេត្តសៀមរាប។ ក្នុងជំនួបទ្វេភាគីនេះ អាជ្ញាធរអប្សរា បានចែករំលែកបទពិសោធរបស់ខ្លួន ជុំវិញការងារអភិរក្ស និងអភិវឌ្ឍរមណីយដ្ឋានអង្គរ ក៏ដូចជាតួនាទីរបស់អាជ្ញាធរអប្សរាជាដើម។
ទាក់ទងនឹងបទពិសោធលើការងាររមណីយដ្ឋានអង្គរ លោក សុខ អាន បានប្រាប់មីយ៉ាន់ម៉ាថា ដើម្បីអាចសម្រេចជោគជ័យទៅបាន គឺត្រូវមានការប្រមូលផ្តុំធនធានមនុស្ស និងហរិញ្ញវត្ថុពីសហគមន៍អន្តរជាតិ តាមរយៈគណៈកម្មការ អាយស៊ីស៊ី អង្គរ (ICC Angkor )។ បង្កើតឡើងនៅឆ្នាំ១៩៩៣ គណៈកម្មការនេះ បានបើកកិច្ចប្រជុំរយៈពេល២ដងក្នុងមួយឆ្នាំ ដែលមានប្រទេស និងអង្គការអន្តរជាតិជាច្រើនចូលរួម។ បើតាមការបញ្ជាក់របស់លោក ឡង់ កុសល អនុប្រធាននាយកដ្ឋានផ្សព្វផ្សាយរបស់អាជ្ញាធរអប្សរា ហើយជាអ្នកនាំសំដីរបស់លោក សុខ អាន ក្នុងកិច្ចប្រជុំនោះ រហូតមកដល់ពេលនេះ កម្ពុជាបានទទួលជំនួយជាទឹកប្រាក់ប្រមាណ៥០០លានដុល្លាររួចមកហើយ សម្រាប់ការងារអភិរក្ស ជួសជុលតំបន់អង្គរ។
ក្នុងជំនួបនោះដែរ លោក សុខ អាន បានពន្យល់ប្រាប់ភាគីមីយ៉ាន់ម៉ា ពីតួនាទីរបស់អាជ្ញាធរជាតិអប្សរា។ អាជ្ញាធរអប្សរា បានបង្កើតឡើងនៅឆ្នាំ១៩៩៥ ដោយរាជរដ្ឋាភិបាលកម្ពុជា តាមសំណើររបស់គណៈកម្មការបេតិកភណ្ឌពិភពលោក ដែលចង់ឲ្យបង្កើតអាជ្ញាធរដាច់ដោយឡែក សម្រាប់គ្រប់គ្រងរមណីយដ្ឋានអង្គរ ក្រោយចុះបញ្ជីរជាសម្បត្តិបេតិកភណ្ឌពិភពលោក។ លោក សុខ អាន បញ្ជាក់ថា តួនាទីរបស់អាជ្ញាធរអប្សរា គឺមានសារសំខាន់ណាស់ ក្នុងការបំពេញការងារអភិរក្ស និងអភិវឌ្ឍរមណីយដ្ឋានអង្គរ។
ក្រៅពីនោះ លោក សុខ អាន ក៏បានលើកឡើងនូវផែនការគ្រប់គ្រងទេសចរ ដែលផែនការនេះស្ថិតក្រោមក្របខណ្ឌគ្រប់គ្រងបេតិកភណ្ឌ។ ខណៈដែលកំណើនទេសចរមានច្រើន ក៏វាបង្កគ្រោះថ្នាក់ដល់ប្រាសាទក្នុងតំបន់អង្គរច្រើនដែរ ដែលផែនការគ្រប់គ្រងទេសចរនេះ ជួយកាត់បន្ថយហានិភ័យខ្ពស់ ចំពោះផលប៉ះពាល់មកលើប្រាសាទដោយសារកត្តានានា។
លោក U Nyan Tun បានស្វាគមន៍ និងរីករាយចំពោះបទពិសោធដែលអាជ្ញាធរអប្សរាបានចែករំលែក ស្រពពេលដែលមីយ៉ាន់ម៉ា គ្រោងនឹងស្នើដាក់តំបន់រមណីយដ្ឋានចំនួន២ ចូលជាសម្បត្តិបេតិកភណ្ឌពិភពលោក ទៅអង្គការ យូណេស្កូ៕
អនុប្រធានាធិបតីនៃសាធារណរដ្ឋសហភាពមីយ៉ាន់ម៉ា បានមកបំពេញទស្សនកិច្ចប្រទេសកម្ពុជារយៈពេល៣ថ្ងៃ។ នៅល្ងាចថ្ងៃទី២ មីនាម្សិលមិញ លោក U Nyan Tun បានចូលជួបលោកឧបនាយករដ្ឋមន្ត្រី សុខ អាន នៅស្នាក់ការអាជ្ញាធរជាតិអប្សរា ខេត្តសៀមរាប។ ក្នុងជំនួបទ្វេភាគីនេះ អាជ្ញាធរអប្សរា បានចែករំលែកបទពិសោធរបស់ខ្លួន ជុំវិញការងារអភិរក្ស និងអភិវឌ្ឍរមណីយដ្ឋានអង្គរ ក៏ដូចជាតួនាទីរបស់អាជ្ញាធរអប្សរាជាដើម។
ទាក់ទងនឹងបទពិសោធលើការងាររមណីយដ្ឋានអង្គរ លោក សុខ អាន បានប្រាប់មីយ៉ាន់ម៉ាថា ដើម្បីអាចសម្រេចជោគជ័យទៅបាន គឺត្រូវមានការប្រមូលផ្តុំធនធានមនុស្ស និងហរិញ្ញវត្ថុពីសហគមន៍អន្តរជាតិ តាមរយៈគណៈកម្មការ អាយស៊ីស៊ី អង្គរ (ICC Angkor )។ បង្កើតឡើងនៅឆ្នាំ១៩៩៣ គណៈកម្មការនេះ បានបើកកិច្ចប្រជុំរយៈពេល២ដងក្នុងមួយឆ្នាំ ដែលមានប្រទេស និងអង្គការអន្តរជាតិជាច្រើនចូលរួម។ បើតាមការបញ្ជាក់របស់លោក ឡង់ កុសល អនុប្រធាននាយកដ្ឋានផ្សព្វផ្សាយរបស់អាជ្ញាធរអប្សរា ហើយជាអ្នកនាំសំដីរបស់លោក សុខ អាន ក្នុងកិច្ចប្រជុំនោះ រហូតមកដល់ពេលនេះ កម្ពុជាបានទទួលជំនួយជាទឹកប្រាក់ប្រមាណ៥០០លានដុល្លាររួចមកហើយ សម្រាប់ការងារអភិរក្ស ជួសជុលតំបន់អង្គរ។
ក្នុងជំនួបនោះដែរ លោក សុខ អាន បានពន្យល់ប្រាប់ភាគីមីយ៉ាន់ម៉ា ពីតួនាទីរបស់អាជ្ញាធរជាតិអប្សរា។ អាជ្ញាធរអប្សរា បានបង្កើតឡើងនៅឆ្នាំ១៩៩៥ ដោយរាជរដ្ឋាភិបាលកម្ពុជា តាមសំណើររបស់គណៈកម្មការបេតិកភណ្ឌពិភពលោក ដែលចង់ឲ្យបង្កើតអាជ្ញាធរដាច់ដោយឡែក សម្រាប់គ្រប់គ្រងរមណីយដ្ឋានអង្គរ ក្រោយចុះបញ្ជីរជាសម្បត្តិបេតិកភណ្ឌពិភពលោក។ លោក សុខ អាន បញ្ជាក់ថា តួនាទីរបស់អាជ្ញាធរអប្សរា គឺមានសារសំខាន់ណាស់ ក្នុងការបំពេញការងារអភិរក្ស និងអភិវឌ្ឍរមណីយដ្ឋានអង្គរ។
ក្រៅពីនោះ លោក សុខ អាន ក៏បានលើកឡើងនូវផែនការគ្រប់គ្រងទេសចរ ដែលផែនការនេះស្ថិតក្រោមក្របខណ្ឌគ្រប់គ្រងបេតិកភណ្ឌ។ ខណៈដែលកំណើនទេសចរមានច្រើន ក៏វាបង្កគ្រោះថ្នាក់ដល់ប្រាសាទក្នុងតំបន់អង្គរច្រើនដែរ ដែលផែនការគ្រប់គ្រងទេសចរនេះ ជួយកាត់បន្ថយហានិភ័យខ្ពស់ ចំពោះផលប៉ះពាល់មកលើប្រាសាទដោយសារកត្តានានា។
លោក U Nyan Tun បានស្វាគមន៍ និងរីករាយចំពោះបទពិសោធដែលអាជ្ញាធរអប្សរាបានចែករំលែក ស្រពពេលដែលមីយ៉ាន់ម៉ា គ្រោងនឹងស្នើដាក់តំបន់រមណីយដ្ឋានចំនួន២ ចូលជាសម្បត្តិបេតិកភណ្ឌពិភពលោក ទៅអង្គការ យូណេស្កូ៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
