អន្តរជាតិ
×![]()
ដោយ: ថ្មីៗ
ក្រុមភេរវជនជ្រុលនិយមឥស្លាម Al-Shabab បានបើកការវាយប្រហារយ៉ាងសាហាវឃោរឃៅនៅក្នុងសាលារៀនមួយកន្លែង ក្នុងប្រទេសកេនយ៉ា កាលពីម្សិលមិញ បណ្តាលអោយមនុស្សយ៉ាងហោចណាស់១៤៧នាក់ស្លាប់បាត់បង់ជីវិត។ ការវាយប្រហារនេះ កើតឡើងប៉ុន្មានថ្ងៃប៉ុណ្ណោះ ក្រោយប្រធានាធិបតីបារ៉ាក់អូបាម៉ា ប្រកាសទៅទស្សនកិច្ចនៅប្រទេសទឹកដីកំណើតឳពុកលោក(កេនយ៉ា) ជាផ្លូវការ ក្នុងនាមជាប្រធានាធិបតីអាមេរិក។
មនុស្សយ៉ាងហោចណាស់ ១៤០នាក់បានស្លាប់បាត់បង់ជីវិត ក្នុងករណីវាយប្រហារយ៉ាងព្រៃផ្សៃមួយ បង្កឡើងដោយក្រុមភេរវជនសូម៉ាលី Al Shabab នៅសាកលវិទ្យាល័យមួយ នៅប្រទេសកេនយ៉ា កាលពីថ្ងៃព្រហស្បតិ៍ម្សិលមិញ។
បើតាមការបញ្ជាក់របស់រដ្ឋមន្ត្រីមហាផ្ទៃកេនយ៉ា ករណីវាយប្រហារសម្លាប់រង្គាលនេះ កើតឡើងនៅក្នុងសាកលវិទ្យាល័យ Garissa ហើយភាគច្រើននៃជនរងគ្រោះជាសិស្ស ដែលជាអ្នកសិក្សានៅសាកលវិទ្យាល័យនោះតែម្តង។
វាយប្រហារនេះកើតមានឡើងប៉ុន្មានថ្ងៃប៉ុណ្ណោះ ក្រោយពេលដែលប្រធានាធិបតីអាមេរិកបារ៉ាក់ អូបាម៉ា ប្រកាសថា លោកនឹងទៅទស្សនកិច្ចនៅកេនយ៉ា ក្នុងខែកក្កដាខាងមុខនេះ។ លោក អូបាម៉ា ធ្លាប់អញ្ជើញទៅទស្សនកិច្ចនៅក្នុងប្រទេសកេនយ៉ានេះ ប្រហែល៣ ដងមកហើយ ប៉ុន្តែទស្សនកិច្ចនេះ ជាលើកដំបូងបំផុត ដែលលោកអញ្ជើញទៅក្នុងនាមជាប្រធានាធិបតីអាមេរិក។ កេនយ៉ា ជាទឹកដីឳពុករបស់លោកអូបាម៉ាផ្ទាល់ ហើយបងប្អូនសែស្រឡាយលោកជាច្រើននាក់កំពុងរស់នៅទីនោះ ប៉ុន្តែលោក អូបាម៉ាកន្លងមកចៀសវាង ទៅទស្សនកិច្ចនៅកេនយ៉ា ក្នុងនាមប្រធានាធិបតីដោយសារតែបញ្ហាសិទ្ធិមនុស្សនៅកេនយ៉ាអាក្រក់ ហើយម្យ៉ាងបញ្ហាអស្ថិរភាពនៅជារឿងកង្វល់បំផុតមួយ។
ប្រធានាធិបតីកេនយ៉ា បច្ចុប្បន្ន Uhuru Kenyatta ធ្លាប់ស្ថិតក្រោមការស៊ើបអង្កេតរបស់តុលាការព្រហ្មទណ្ឌអន្តរជាតិក្រុងឡាអេ ដោយសារលោករងការចោទប្រកាន់ពីបទឧក្រិដ្ឋប្រឆាំងមនុស្សជាតិផង។ ប៉ុន្តែយ៉ាងណាក៏ដោយកាលពីឆ្នាំមុន តុលាការព្រហ្មទណ្ឌអន្តរជាតិបានសម្រេចទម្លាក់ការចោទប្រកាន់ ក្នុងសំណុំរឿងរំលោភសិទ្ធិមនុស្សរបស់លោក Kenyatta ចោល។ ការទម្លាក់ចោលការចោទប្រកាន់នេះ ជាហេតុផលមួយដែលជំរុញអោយលោកអូបាម៉ា សម្រេចទៅទស្សនកិច្ចនៅកេនយ៉ាផងដែរ។
ប៉ុន្តែករណីវាយប្រហារសម្លាប់រង្គាលនៅកេនយ៉ាជាថ្មីនេះ ប្រហែលជាតម្រូវអោយលោក អូបាម៉ា ពិចារណាជាថ្មីចំពោះដំណើរទស្សនកិច្ចខាងមុខ ព្រោះវាអាចប៉ះពាល់ខ្លាំងដល់បញ្ហាសុវត្ថិភាព និងសន្តិសុខរបស់លោកក្នុងនាមជាប្រធានាធិបតីផង។ ក្រោយករណីវាយប្រហារលោក អូបាម៉ា បានប្រកាសថ្កោលទោសក្រុមភេរវជន Al Shababរបស់សូម៉ាលីផងដែរ ប៉ុន្តែលោកមិនបានលើកឡើងពីដំណើរទស្សនកិច្ចរបស់លោកឡើយ។ ដូច្នេះមានន័យថា មិនមានការផ្លាស់ប្តូរអ្វីទេ ចំពោះដំណើរទស្សនកិច្ចខាងមុខនេះ។ អាមេរិកប្រហែលជាត្រូវគាំទ្រ និងសហការជាមួយរដ្ឋាភិបាលកេនយ៉ា ក្នុងការកម្ចាត់ក្រុមភេរវជននេះផង ដើម្បីធានាថាក្រុមភេរវជនមិនអាចពង្រឹង និងពង្រីកឥទ្ធិពលខ្លួនពេញអាហ្វ្រិកខាងលិច។
គួរបញ្ជាក់ថា ករណីវាយប្រហារថ្មីនេះ ត្រូវបានគេចាត់ទុកជាការវាយប្រហារដ៏ព្រៃផ្សៃបំផុតមិនធ្លាប់មាន ចាប់តាំងពីក្រុមភេរវជនដដែលនេះ វាយប្រហារនៅផ្សារទំនើបក្នុងទីក្រុងណៃរូប៊ី ដែលកាលនោះសម្លាប់មនុស្សតែ ៦៧នាក់។ ចំណែកចំនួនអ្នកស្លាប់ក្នុងការវាយប្រហារដោយក្រុមភេរវជននេះ មានចំនួនខ្ពស់បំផុតមួយ រាប់ចាប់តាំងពីមានករណីវាយប្រហារស្ថានទូតអាមេរិក នៅក្នុងរដ្ឋធានីណៃរូប៊ី ដែលកាលនោះមានមនុស្ស ២០០នាក់ ស្លាប់បាត់បង់ជីវិត៕
មនុស្សយ៉ាងហោចណាស់ ១៤០នាក់បានស្លាប់បាត់បង់ជីវិត ក្នុងករណីវាយប្រហារយ៉ាងព្រៃផ្សៃមួយ បង្កឡើងដោយក្រុមភេរវជនសូម៉ាលី Al Shabab នៅសាកលវិទ្យាល័យមួយ នៅប្រទេសកេនយ៉ា កាលពីថ្ងៃព្រហស្បតិ៍ម្សិលមិញ។
បើតាមការបញ្ជាក់របស់រដ្ឋមន្ត្រីមហាផ្ទៃកេនយ៉ា ករណីវាយប្រហារសម្លាប់រង្គាលនេះ កើតឡើងនៅក្នុងសាកលវិទ្យាល័យ Garissa ហើយភាគច្រើននៃជនរងគ្រោះជាសិស្ស ដែលជាអ្នកសិក្សានៅសាកលវិទ្យាល័យនោះតែម្តង។
វាយប្រហារនេះកើតមានឡើងប៉ុន្មានថ្ងៃប៉ុណ្ណោះ ក្រោយពេលដែលប្រធានាធិបតីអាមេរិកបារ៉ាក់ អូបាម៉ា ប្រកាសថា លោកនឹងទៅទស្សនកិច្ចនៅកេនយ៉ា ក្នុងខែកក្កដាខាងមុខនេះ។ លោក អូបាម៉ា ធ្លាប់អញ្ជើញទៅទស្សនកិច្ចនៅក្នុងប្រទេសកេនយ៉ានេះ ប្រហែល៣ ដងមកហើយ ប៉ុន្តែទស្សនកិច្ចនេះ ជាលើកដំបូងបំផុត ដែលលោកអញ្ជើញទៅក្នុងនាមជាប្រធានាធិបតីអាមេរិក។ កេនយ៉ា ជាទឹកដីឳពុករបស់លោកអូបាម៉ាផ្ទាល់ ហើយបងប្អូនសែស្រឡាយលោកជាច្រើននាក់កំពុងរស់នៅទីនោះ ប៉ុន្តែលោក អូបាម៉ាកន្លងមកចៀសវាង ទៅទស្សនកិច្ចនៅកេនយ៉ា ក្នុងនាមប្រធានាធិបតីដោយសារតែបញ្ហាសិទ្ធិមនុស្សនៅកេនយ៉ាអាក្រក់ ហើយម្យ៉ាងបញ្ហាអស្ថិរភាពនៅជារឿងកង្វល់បំផុតមួយ។
ប្រធានាធិបតីកេនយ៉ា បច្ចុប្បន្ន Uhuru Kenyatta ធ្លាប់ស្ថិតក្រោមការស៊ើបអង្កេតរបស់តុលាការព្រហ្មទណ្ឌអន្តរជាតិក្រុងឡាអេ ដោយសារលោករងការចោទប្រកាន់ពីបទឧក្រិដ្ឋប្រឆាំងមនុស្សជាតិផង។ ប៉ុន្តែយ៉ាងណាក៏ដោយកាលពីឆ្នាំមុន តុលាការព្រហ្មទណ្ឌអន្តរជាតិបានសម្រេចទម្លាក់ការចោទប្រកាន់ ក្នុងសំណុំរឿងរំលោភសិទ្ធិមនុស្សរបស់លោក Kenyatta ចោល។ ការទម្លាក់ចោលការចោទប្រកាន់នេះ ជាហេតុផលមួយដែលជំរុញអោយលោកអូបាម៉ា សម្រេចទៅទស្សនកិច្ចនៅកេនយ៉ាផងដែរ។
ប៉ុន្តែករណីវាយប្រហារសម្លាប់រង្គាលនៅកេនយ៉ាជាថ្មីនេះ ប្រហែលជាតម្រូវអោយលោក អូបាម៉ា ពិចារណាជាថ្មីចំពោះដំណើរទស្សនកិច្ចខាងមុខ ព្រោះវាអាចប៉ះពាល់ខ្លាំងដល់បញ្ហាសុវត្ថិភាព និងសន្តិសុខរបស់លោកក្នុងនាមជាប្រធានាធិបតីផង។ ក្រោយករណីវាយប្រហារលោក អូបាម៉ា បានប្រកាសថ្កោលទោសក្រុមភេរវជន Al Shababរបស់សូម៉ាលីផងដែរ ប៉ុន្តែលោកមិនបានលើកឡើងពីដំណើរទស្សនកិច្ចរបស់លោកឡើយ។ ដូច្នេះមានន័យថា មិនមានការផ្លាស់ប្តូរអ្វីទេ ចំពោះដំណើរទស្សនកិច្ចខាងមុខនេះ។ អាមេរិកប្រហែលជាត្រូវគាំទ្រ និងសហការជាមួយរដ្ឋាភិបាលកេនយ៉ា ក្នុងការកម្ចាត់ក្រុមភេរវជននេះផង ដើម្បីធានាថាក្រុមភេរវជនមិនអាចពង្រឹង និងពង្រីកឥទ្ធិពលខ្លួនពេញអាហ្វ្រិកខាងលិច។
គួរបញ្ជាក់ថា ករណីវាយប្រហារថ្មីនេះ ត្រូវបានគេចាត់ទុកជាការវាយប្រហារដ៏ព្រៃផ្សៃបំផុតមិនធ្លាប់មាន ចាប់តាំងពីក្រុមភេរវជនដដែលនេះ វាយប្រហារនៅផ្សារទំនើបក្នុងទីក្រុងណៃរូប៊ី ដែលកាលនោះសម្លាប់មនុស្សតែ ៦៧នាក់។ ចំណែកចំនួនអ្នកស្លាប់ក្នុងការវាយប្រហារដោយក្រុមភេរវជននេះ មានចំនួនខ្ពស់បំផុតមួយ រាប់ចាប់តាំងពីមានករណីវាយប្រហារស្ថានទូតអាមេរិក នៅក្នុងរដ្ឋធានីណៃរូប៊ី ដែលកាលនោះមានមនុស្ស ២០០នាក់ ស្លាប់បាត់បង់ជីវិត៕
© រក្សាសិទ្ធិដោយ thmeythmey.com
