ជាតិ
សុខភាព
លោក ម៉ម ប៊ុនហេង រដ្ឋមន្ត្រីក្រសួងសុខាភិបាល
×![]()
ដោយ: ថ្មីៗ
ភ្នំពេញ៖ ក្រសួងសុខាភិបាល និង អង្គការសុខភាពពិភពលោកប្រកាសព័ត៌មានរួមគ្នាកាលពីរសៀល ថ្ងៃទី០៧ ខែមេសាកន្លងមក នៅវិទ្យាស្ថានជាតិសុខាភិបាលសាធារណៈ ស្តីពីសុវត្ថិភាពចំណីអាហារ។ សេចក្តីប្រកាសព័ត៌មានរួមគ្នានេះបានធ្វើឡើងស្របពេលដែលអាហារគ្មានសុវត្ថិភាពបានសម្លាប់មនុស្សប្រមាណជា២លាននាក់ក្នុងមួយឆ្នាំ។
សេចក្តីប្រកាសព័ត៌មានរួមគ្នារបស់ក្រសួងសុខាភិបាន និងអង្គការសុខភាពពិភពលោក (WHO) កាលពីរសៀលថ្ងៃទី០៧ ខែមេសា កន្លងមក នៅក្នុងទិវាសុខភាពពិភពលោកនៅកម្ពុជាឆ្នាំ២០១៥ បានសរសេរថា ការលើកយកប្រធានបទស្តីពី«ពីកសិដ្ឋានដល់តុបរិភោគ» នឹងធ្វើឱ្យអាហារមានសុវត្ថិភាពសម្រាប់អ្នកបរិភោគ។ ម្យ៉ាងទៀត សេចក្តីប្រកាសព័ត៌មាននេះមានគោលបំណងជម្រាបប្រាប់អ្នកដែលធ្វើការនៅក្នុងវិស័យខុសៗគ្នា ដូចជា មន្ត្រី កសិករ ផលិតករ អ្នកលក់រាយ អ្នកប្រកបជីវវេជ្ជសាស្ត្រ ក៏ដូចជាអតិថិជន អោយយល់ដឹងអំពីសារៈសំខាន់នៃសុវត្ថិភាពចំនីអាហារ ដើម្បីធានាថា ម្ហូបអាហារនៅលើតុរបស់យើងគ្រប់គ្នាមានសុវត្ថិភាពសម្រាប់បរិភោគ។
របាយការណ៍ដដែលក៏បានបញ្ជាក់ទៀតថា ជារៀងរាល់ឆ្នាំ នៅទូទាំងពិភពលោក អាហារគ្មានសុវត្ថិភាពបានបង្កអោយឱ្យមនុស្សស្លាប់បាត់បង់ជីវិតប្រមាណ ២លាននាក់ជារៀងរាល់ឆ្នាំ និងជាមូលហេតុនៃការស្លាប់ទីពីរសម្រាប់កុមារមានអាយុក្រោម៥ឆ្នាំ។ អាហារដែលមានបាក់តេរី វីរុស ប៉ារ៉ាស៊ីត ឬជាតិគីមីបង្ករឱ្យមានជំងឺជាង២០០មុខ រាប់ចាប់តាំងពីជំងឺរាករហូតដល់ជំងឺមហារីក។
រដ្ឋមន្ត្រីក្រសួងសុខាភិបាលលោក ម៉ម ប៊ុនហេង បានថ្លែងនៅក្នុងទិវាអបអរសុខភាពពិភពលោកដែលប្រារព្ធក្រោមប្រធានបទសុវត្ថិភាពចំណីអាហារ កាលពីថ្ងៃទី៧ខែមេសាថា ការប្រារព្ធទិវាអបអរសាទរនេះធ្វើឡើងនៅក្នុងគោលបំណងផ្តោតសំខាន់ទៅលើសុវត្ថិភាពចំណីអាហារនៅក្នុងខ្សែសង្វាក់ផលិតកម្មចំណីអាហារទាំងមូលនៅក្នុងសម័យសកលភាវូបនីកម្មចាប់តាំងពីការផលិត និងការដឹកជញ្ជួនរហូតដល់ពេលចម្អិន និងការបរិភោគ។
ទន្ទឹមគ្នានេះដែរ លោករដ្ឋមន្ត្រីក្រសួងសុខាភិបាល ម៉ម ប៊ុនហេង បានថ្លែងស្របតាមគោលការណ៍ស្តីពីសុវត្ថិភាពចំណីអាហាររបស់អង្គការសុខភាពពិភពលោកថា បុគ្គលគ្រប់រូប នៅក្នុងក្រុមគ្រួសារគប្បីអនុវត្តវិធានមួយចំនួនដើម្បីឱ្យអាហារមានសុវត្ថិភាព មានសុខភាពល្អ ដូចជា រក្សាអាហារឱ្យស្អាតជានិច្ច ទុកដាក់អាហារឆៅនិងឆ្អិនដាច់ដោយឡែកពីគ្នា ចម្អិនអាហារឱ្យបានឆ្អិនល្អ ទុកដាក់អាហារនៅក្នុងកន្លែងមានសុវត្ថិភាពល្អត្រឹមត្រូវ អាហារត្រជាក់ក្រោម ៥អង្សារ និងអាហារក្តៅឱ្យបានលើសពី ៦០អង្សារ និងប្រើប្រាស់ទឹកស្អាតនិងវត្ថុធាតុដើមដែលមានសុវត្ថិភាពល្អ៕
លោក ម៉ៅ សំណាង
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
