ជាតិ
សង្គមជាតិ
អ្នកស្រី ទេព វន្នី នៅតែបន្តតវ៉ា ប្រសិនបើគ្មានដំណោះស្រាយបញ្ហាតំបន់បឹងកក់
រូបអ្នកស្រី ទេព វន្នី តវ៉ានៅមុខសាលាដំបូងរាជធានីភ្នំពេញ កាលពីឆ្នាំ ២០១៤
×![]()
ដោយ: ម៉ៅ សុផា
អ្នកស្រីទេព វន្នី ម្ចាស់ពានរង្វាន់ស្ត្រីជាមេដឹកនាំពិភពលោក និងស្រី្តសកម្មជនសហគមន៍បឹងកក់មួយចំនួនទៀត ដែលទើបតែចេញពីពន្ធនាគារនោះ គ្រោងនឹងធ្វើបាតុកម្មទាមទាររកយុត្តិធម៌ទៀត ប្រសិនបើសាលារាជធានីភ្នំពេញ មិនមានដំណោះស្រាយបញ្ហាដីធ្លីជូនពួកគេ បាននោះទេ ។
ក្រោយពីចេញពីពន្ឋនាគារ អ្នកស្រី ទេព វន្នី បានអះអាងប្រាប់សារពត៌មានថ្មីៗថា អ្នកស្រី និងស្រី្តសកម្មជនដទៃទៀត នឹងនៅតែបន្តធ្វើបាតុកម្មទាមទាររកយុត្តិធម៌ ដោយគ្មានការភ័យខ្លាចទេ ប្រសិនបើសាលារាជធានីភ្នំពេញ នៅតែពន្យាពេលមិនដោះស្រាយបញ្ហាសហគមន៍បឹងកក់ជូនពួកគាត់ ។ អ្នកស្រី ទេព វន្នី និងស្ត្រីសកម្មជនសហគមន៍បឹងកក់៩រូប ព្រមទាំងអតីតព្រះសង្ឃខ្មែរកម្ពុជាក្រោមមួយរូប ត្រូវបានព្រះមហាក្សត្រឡាយព្រះហត្ថលេខាលើកលែងទោស និងបានដោះលែងឱ្យមានសេរីភាពវិញ កាលពីថ្ងៃទី១១ ខែមេសា ឆ្នាំ២០១៥ កន្លងទៅ។
អ្នកស្រី ទេព វន្នី បញ្ជាក់យ៉ាងនេះថា៖ «ខ្ញុំមិនខ្លាចសមត្ថកិច្ចចាប់ដាក់ពន្ឋនាគារទៀតទេ ក្នុងការធ្វើបាតុកម្មទាមទារយកយុត្តិធម៍ បើទោះបីជា រូបខ្ញុំធ្លាប់ជាប់ពន្ឋនាគារ២ដងរួចមកហើយក្តី។ កុំថាឡើយដល់ទៅជាប់ម្តងទៀត ទោះបីជាប់១០០ដងទៀត ក៏ខ្ញុំមិនខ្លាចដែរ » ។ តំណាងអ្នកភូមិបឹងកក់រូបនេះ និយាយថា ក្រោយពីក្រុមខ្លួនចេញពីពន្ធនាគារ អាជ្ញាធររាជធានីភ្នំពេញ បានជូនដំណឹងថា មន្ត្រីរបស់ខ្លួននឹងដោះស្រាយបញ្ហាវិវាទដីធ្លីរបស់ពួកគេ ។
ទាក់ទងទៅនឹងការលើកលែងទោស អ្នកស្រី ទេព វន្នី ប្រាប់សារពត៌មានថ្មីៗថា អ្នកស្រីមិនសូវពេញចិត្តប៉ុន្មានទេ ដោយអ្នកស្រីយល់ថា ការចាប់រូបខ្លួន និងស្ត្រីសកម្មជនដីធ្លីបឹងកក់ដាក់ពន្ឋនាគារ គឺជារឿងខុសច្បាប់ ហើយការដោះលែងពួកគេ គឺជារឿងនយោបាយ វាមិនមែនជាការដោះលែងដោយយុត្តិធម៌នោះទេ ។ អ្នកស្រី ទេព វន្នី ក៏បានបញ្ជាក់យ៉ាងនេះថា ៖ « ការចាប់ពួកគាត់ ដាក់ពន្ឋនាគារ មិនមែនជារឿងដែលពួកគាត់ប្រព្រឹត្តខុសច្បាប់ទេ តែវាជាឧបករណ៍នយោបាយ សម្រាប់អ្នកនយោបាយដើម្បីដោះដូរអ្វីដែលពួកគេចង់បាន ជាពិសេសរឿងការចរចាបង្កើត គ.ជ.ប ថ្មី » ។
ក្រោយពីចេញពីពន្ឋនាគារ អ្នកស្រី ទេព វន្នី បានអះអាងប្រាប់សារពត៌មានថ្មីៗថា អ្នកស្រី និងស្រី្តសកម្មជនដទៃទៀត នឹងនៅតែបន្តធ្វើបាតុកម្មទាមទាររកយុត្តិធម៌ ដោយគ្មានការភ័យខ្លាចទេ ប្រសិនបើសាលារាជធានីភ្នំពេញ នៅតែពន្យាពេលមិនដោះស្រាយបញ្ហាសហគមន៍បឹងកក់ជូនពួកគាត់ ។ អ្នកស្រី ទេព វន្នី និងស្ត្រីសកម្មជនសហគមន៍បឹងកក់៩រូប ព្រមទាំងអតីតព្រះសង្ឃខ្មែរកម្ពុជាក្រោមមួយរូប ត្រូវបានព្រះមហាក្សត្រឡាយព្រះហត្ថលេខាលើកលែងទោស និងបានដោះលែងឱ្យមានសេរីភាពវិញ កាលពីថ្ងៃទី១១ ខែមេសា ឆ្នាំ២០១៥ កន្លងទៅ។
អ្នកស្រី ទេព វន្នី បញ្ជាក់យ៉ាងនេះថា៖ «ខ្ញុំមិនខ្លាចសមត្ថកិច្ចចាប់ដាក់ពន្ឋនាគារទៀតទេ ក្នុងការធ្វើបាតុកម្មទាមទារយកយុត្តិធម៍ បើទោះបីជា រូបខ្ញុំធ្លាប់ជាប់ពន្ឋនាគារ២ដងរួចមកហើយក្តី។ កុំថាឡើយដល់ទៅជាប់ម្តងទៀត ទោះបីជាប់១០០ដងទៀត ក៏ខ្ញុំមិនខ្លាចដែរ » ។ តំណាងអ្នកភូមិបឹងកក់រូបនេះ និយាយថា ក្រោយពីក្រុមខ្លួនចេញពីពន្ធនាគារ អាជ្ញាធររាជធានីភ្នំពេញ បានជូនដំណឹងថា មន្ត្រីរបស់ខ្លួននឹងដោះស្រាយបញ្ហាវិវាទដីធ្លីរបស់ពួកគេ ។
ទាក់ទងទៅនឹងការលើកលែងទោស អ្នកស្រី ទេព វន្នី ប្រាប់សារពត៌មានថ្មីៗថា អ្នកស្រីមិនសូវពេញចិត្តប៉ុន្មានទេ ដោយអ្នកស្រីយល់ថា ការចាប់រូបខ្លួន និងស្ត្រីសកម្មជនដីធ្លីបឹងកក់ដាក់ពន្ឋនាគារ គឺជារឿងខុសច្បាប់ ហើយការដោះលែងពួកគេ គឺជារឿងនយោបាយ វាមិនមែនជាការដោះលែងដោយយុត្តិធម៌នោះទេ ។ អ្នកស្រី ទេព វន្នី ក៏បានបញ្ជាក់យ៉ាងនេះថា ៖ « ការចាប់ពួកគាត់ ដាក់ពន្ឋនាគារ មិនមែនជារឿងដែលពួកគាត់ប្រព្រឹត្តខុសច្បាប់ទេ តែវាជាឧបករណ៍នយោបាយ សម្រាប់អ្នកនយោបាយដើម្បីដោះដូរអ្វីដែលពួកគេចង់បាន ជាពិសេសរឿងការចរចាបង្កើត គ.ជ.ប ថ្មី » ។
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
