ជាតិ
ក.អ.ក ប្រកាសឲ្យអ្នកកាសែតចុះឈ្មោះជាសមាជិក ដើម្បីមានសិទ្ធិបោះឆ្នោតរើសប្រធានថ្មី
×![]()
ដោយ: ម៉ៅ សុផា
ក្លឹបអ្នកសែតកម្ពុជា (ក.អ.ក) គ្រោងរៀបចំការបោះឆ្នោតជ្រើសរើស ប្រធានក្លឹម និងគណៈកម្មាធិការនាយក សម្រាប់អាណត្តិទី៥ ដែលនឹងប្រព្រឹត្តទៅនៅថ្ងៃទី ២៨ ខែមេសា ឆ្នាំ២០១៥ ខាងមុខនេះ។ ជាមួយគ្នានេះ ក្លឹបអ្នកកាសែត ក៏ប្រកាសឲ្យអ្នកសារព័ត៌មានទាំងអស់ចុះឈ្មោះជាសមាជិក ក.អ.ក ដើម្បីមានសិទ្ធិបោះឆ្នោតជ្រើសរើសប្រធានក្លឹបថ្មី ។
ក្លឹបអ្នកកាសែតកម្ពុជា ប្រកាសឲ្យអ្នកសារព័ត៌មានកម្ពុជាគ្រប់វ័យ គ្រប់ភេទ និងគ្រប់និន្នាការនយោបាយទាំងអស់ដែលមិនទាន់ចុះឈ្មោះជាសមាជិកក្លឹប មកចុះឈ្មោះ ដើម្បីមានសិទ្ឋិចូលរួមក្នុងការបោះឆ្នោតជ្រើសរើសប្រធានក្លឹបថ្មី និងសមាជិកគណៈកម្មាធិការនាយក ។
សេចក្តីជូនដំណឹង ដែលបានចុះផ្សាយដោយ ក្លឹបអ្នកការសែតកម្ពុជា នៅថ្ងៃទី២២ ខែមេសា ឆ្នាំ២០១៥ បានបញ្ជាក់ថា ការចុះឈ្មោះចូលជាសមាជិកជាមុនសិន ចាប់ពីថ្ងៃផ្សាយដំណឹង រហូតដល់ថ្ងៃទី២៧ ខែមេសា ឆ្នាំ២០១៥។
សូមរំឭកថា ការបោះឆ្នោតជ្រើសរើសប្រធានក្លឹប និងសមាជិកគណៈកម្មាធិការនាយក សម្រាប់អាណត្តិទី៥នេះត្រូវបានធ្វើឡើងក្រោយពី លោក ប៉ែន សមិទ្ធិប្រធានក្លឹបអ្នកកាសែតកម្ពុជាអាណត្តិទី៤ បានទទួលមរណភាពកាលពីថ្ងៃទី៣០ខែមីនា ឆ្នាំ២០១។ការបោះឆ្នោតជ្រើសរើសប្រធានក្លឹប និងគណៈកម្មាធិការនាយក នៃក្លឹបអ្នកការសែតកម្ពុជា តែងធ្វើឡើងរៀងរាល់៣ឆ្នាំម្តង៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
