ហុង ចាន់ថន៖ ១០រោងចក្របានបញ្ឈប់ខ្ញុំ ដោយសារតែខ្ញុំធ្លាប់ធ្វើជាមេសហជីព

ជាតិ

យ៉ានតាមដងផ្លូវ

ហុង ចាន់ថន៖ ១០រោងចក្របានបញ្ឈប់ខ្ញុំ ដោយសារតែខ្ញុំធ្លាប់ធ្វើជាមេសហជីព

01, May 2015 , 10:37 am

រូបភាព

ដោយ: ថ្មីៗ

តាំងពីឆ្នាំ១៩៩៩ កញ្ញា ហុង ចាន់ថន បានសម្រេចចិត្តឈប់ពីការងាររោងចក្រនៅក្នុងខេត្តពោធិ៍សាត់ ដើម្បីមករកការងាររោងចក្រនៅក្នុងរាជធានីភ្នំពេញ ដោយសង្ឃឹមថា ខ្លួនអាចរកប្រាក់ចំណូលបានច្រើនជាង ដើម្បីព្យាបាលជំងឺឪពុក។ ១៦ឆ្នាំជាកម្មការិនីរោងចក្រនៅភ្នំពេញ ចាន់ថន អះអាងថា ខ្លួនមិនបានសល់លុយកាក់ឡើយ ហើយដីស្រែក៏ត្រូវបានលក់ ដើម្បីបានថវិកាព្យាបាលឪពុកដែលទីបំផុតបានស្លាប់នៅក្នុងឆ្នាំ២០១២ ។ ក្នុងរយៈពេល១៦ឆ្នាំក្នុងពិភពការងាររោងចក្រ ចាន់ថន ធ្លាប់បានក្លាយជាមេសហជីពនៅក្នុងរោងចក្រមួយ។ ក្រោយពីរោងចក្រនោះដែលក្ស័យធនដោយសារអគ្គិភ័យ ចាន់ថនបានស្វែងការងារធ្វើមិនតិចជាង១០រោងចក្រឡើយ ដែលបញ្ឈប់គាត់ភ្លាមៗ ក្រោយពីបានដឹងថា គាត់ធ្លាប់ធ្វើជាមេសហជីព។ នៅពេលនេះ ចាន់ថន ក៏កំពុងធ្វើការងារនៅក្នុងរោងចក្រមួយក្នុងដំណាក់កាលសាកល្បងនៅឡើយ។ ចាន់ថន នៅតែព្រួយបារម្ភខ្លាចក្រុមហ៊ុនបញ្ឈប់គាត់ទៀត។