លោក ហ៊ុន សែន៖ « គ្មាននរណាជេរខ្ញុំលើសលោក សម រង្ស៊ី ទេ !»

ជាតិ

នយោបាយជាតិ

លោក ហ៊ុន សែន៖ « គ្មាននរណាជេរខ្ញុំលើសលោក សម រង្ស៊ី ទេ !»

11, May 2015 , 12:22 pm

រូបភាព

ដោយ:

ក្នុងបទអត្ថាធិប្បាយរបស់ខ្លួនអំពីវប្បធម៌សន្ទនាគ្នានៅថ្ងៃទី ១១ ខែឧសភា នេះ លោក ហ៊ុន សែន បានប្រកាសថា ក្នុងចំណោមអ្នកនយោបាយដែលលោកធ្លាប់ប្រឈមជាមួយលើវិថីនយោបាយនោះ គ្មាននរណាពូកែជេររូបលោកជាង លោក សម រង្ស៊ី ដែលជាដៃគូសន្ទនាដ៏ល្អរបស់ខ្លួននាពេលបច្ចុប្បន្នទេ ។ « ចុះបើមេគេធ្លាប់វ៉ៃគ្នាប៉ុណ្ណឹង គេនៅត្រូវគ្នាកើត អស់លោកនៅក្រោមម្តេចត្រូវគ្នាមិនកើត …….. ។ គ្មាននរណាជេរខ្ញុំលើសពីឯកឧត្តមសម រង្ស៊ី ទេ ឥឡូវគាត់កែបានហើយ ។ កុំសម រង្ស៊ី ជាង សម រង្ស៊ី ទៀត អ្នកនយោបាយវាបែបនេះ » ។ នេះជាការបញ្ជាក់របស់លោក ហ៊ុន សែន នៅក្នុងពិធីចែកសញ្ញាប័ត្រដល់និស្សិតសកលវិទ្យាល័យអាស៊ីអឺរ៉ុប នៅវិទ្យាស្ថានជាតិអប់រំ ។

លើសពីនេះទៀត លោក ហ៊ុន សែន អះអាងថា នយោបាយ «មានស៊ី អត់ សែន» គឺជាពាក្យដែលប្រកាសចេញពីមាត់លោក សម រង្ស៊ី នោះ ត្រូវបានប្តូរមកជា «មាន ស៊ី មានសែន » ទៅវិញ នាពេលបច្ចុប្បន្ននេះ។

ការប្រកាសរបស់លោក ហ៊ុន សែន បែបនេះ ធ្វើឡើង ដើម្បីផ្ញើសារដល់មន្ត្រីគណបក្សសង្គ្រោះជាតិនៅខាងក្រោមមួយចំនួន ដែលលោក អះអាងថា មន្ត្រីទាំងនោះ មិនពេញចិត្តនឹងសេចក្តីថ្លែងការណ៍របស់គណបក្សសង្គ្រោះជាតិ និងគណបក្សប្រជាជនកម្ពុជា កាលពីថ្ងៃទី ៨ ខែឧសភា កន្លងទៅ ដែលហាមឈប់ឲ្យ«ជេរគ្នា» ។ បើតាមលោក ហ៊ុន សែន មន្ត្រីបក្សប្រឆាំងខ្លះថា ការអនុវត្តតាមសេចក្តីថ្លែងការណ៍ នេះ មិនចំណេញសម្រាប់គណបក្សសង្គ្រោះជាតិទេ ។ លោក ហ៊ុន សែន បន្ថែមដូច្នេះថា « បើមិនបានជេរ វារន្ទះបាញ់អី» ?

ស្តាប់សំឡេង លោក ហ៊ុន សែន

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

4 ថ្ងៃ

តើពាក្យ«ពិសោធ» និង«ពិសោធន៍» មានលក្ខខណ្ឌប្រើប្រាស់ខុសគ្នាដូចម្ដេច?

1 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

3 ថ្ងៃ

តើពាក្យ «សូម, សុំ» មានន័យខុសគ្នាយ៉ាងដូចម្តេច?

2 ថ្ងៃ

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

5 ថ្ងៃ

អត្ថបទពេញនិយមបន្ថែម