បុរសវ័យ ៩៤ ឆ្នាំម្នាក់ទើបតែបញ្ចប់ថ្នាក់បរិញ្ញាបត្រក្រោយពន្យាពេលសិក្សាជាង៧៥ ឆ្នាំ

អន្តរជាតិ

បុរសវ័យ ៩៤ ឆ្នាំម្នាក់ទើបតែបញ្ចប់ថ្នាក់បរិញ្ញាបត្រក្រោយពន្យាពេលសិក្សាជាង៧៥ ឆ្នាំ

15, May 2015 , 3:57 pm

រូបភាព

ដោយ:

បុរសជនជាតិអាមេរិកអាយុ ៩៤ឆ្នាំម្នាក់ នឹងក្លាយជានិស្សិតដែលបញ្ចប់ការសិក្សាមានវ័យចំណាស់បំផុតនៅក្នុងប្រវត្តិសាស្ត្រសាកលវិទ្យាល័យក្នុងរដ្ឋ West Virginia ក្រោយពេលដែលគាត់ ទើបតែបានទទួលសញ្ញាបត្របរិញ្ញាបត្ររបស់លោកកាលពីចុងសប្ដាហ៍មុននេះ។ នេះបើយោងតាមកាសែត New York Post ។

កាសែតក៏បានរាយការណ៍ថា លោកតាAnthony Bruttoអាយុ ៩៤ ឆ្នាំ ដែលបានពន្យាពេលសិក្សាអស់រយៈពេល ៧៥ឆ្នាំមកហើយនោះទទួលបានសញ្ញាបត្របរិញ្ញាបត្រសិល្បៈ នៅក្នុងពិធីប្រគល់សញ្ញាបត្រកាលពីថ្ងៃអាទិត្យសប្ដាហ៍មុន។

លោក Bruttoបានចូលរៀននៅសាកលវិទ្យាល័យលើកដំបូងនៅឆ្នាំ ១៩៣៩ដែលនៅពេលនោះគាត់បានបង់តម្លៃសិក្សា ៥០ ដុល្លារ។ប៉ុន្តែមកដល់ឆ្នាំ ១៩៤២គាត់ក៏បានព្យួរការសិក្សា ដោយលោកត្រូវទៅបម្រើការងារ នៅក្នុងកងទ័ពអាកាសរបស់សហរដ្ឋអាមេរិក រហូតដល់សង្គ្រាមលោកលើកទី២ បានបញ្ចប់។

បន្ទាប់ពីចប់សង្គ្រាម លោក Bruttoបានចុះឈ្មោះចូលរៀនជាថ្មីម្ដងទៀត នៅក្នុងសាកលវិទ្យាល័យដដែលនេះនៅឆ្នាំ ១៩៤៦ប៉ុន្តែលោកមិនអាចបញ្ចប់ការសិក្សារបស់គាត់បានទេ ហើយត្រូវព្យួរការសិក្សាម្ដងទៀត ដោយសារតែគាត់ត្រូវនៅផ្ទះដើម្បីមើលថែភរិយារបស់គាត់ដែលកំពុងឈឺ។

លោកតាBruttoបាននិយាយថាការបញ្ចប់ការសិក្សាពីមហាវិទ្យាល័យគឺមានសារៈសំខាន់សម្រាប់គាត់។លោកបាននិយាយបែបកំប្លែងថា លោកចង់សម្រាកបន្តិចសិន មុនពេលគាត់បន្តការសិក្សាយកសញ្ញាបត្រថ្នាក់អនុបណ្ឌិតមួយទៀតនោះ៕

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

5 ថ្ងៃ

តើពាក្យ«ពិសោធ» និង«ពិសោធន៍» មានលក្ខខណ្ឌប្រើប្រាស់ខុសគ្នាដូចម្ដេច?

2 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

4 ថ្ងៃ

តើពាក្យ «សូម, សុំ» មានន័យខុសគ្នាយ៉ាងដូចម្តេច?

3 ថ្ងៃ

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

6 ថ្ងៃ

អត្ថបទពេញនិយមបន្ថែម