ពីនេះ ពីនោះ
វិធីគ្រប់គ្រងពេលវេលាឲ្យមានប្រសិទ្ធភាពខ្ពស់? ![](https://image.thmeythmey.com/pictures/2015/06/05/56201570539time-management.jpg)
×![]()
មនុស្សម្នាក់ៗមានពេលវេលា ២៤ម៉ោងក្នុងមួយថ្ងៃដូចគ្នា ប៉ុន្តែមនុស្សភាគតែងតែនិយាយថា ម៉ោងដើរលឿនណាស់ អ្នកខ្លះបានចំណាយពេលពេញមួយព្រឹក និងអ្នកខ្លះទៀត បានចំណាយពេញមួយថ្ងៃដើម្បីធ្វើការងារអ្វីមួយ។ តែពួកគេម្នាក់ៗបែរជានិយាយថា មិនទាន់ធ្វើការសម្រាចបានអ្វីមួយសោះដល់ម៉ោងទៅហើយ។ តើនេះមកពីពួកគេមិនដឹងគួរធ្វើការងារណាមុន ឬការងារណាក្រោយមែនដែរឬយ៉ាងណា? តើគួរធ្វើបែបណា ទើបអាចគ្រប់គ្រងពេលវេលាឲ្យមានប្រសិទ្ធភាព?
ដើម្បីអាចគ្រប់គ្រង់ពេលវេលាឲ្យមានប្រសិទ្ធភាព គឺមានគន្លឹះចំនួនបួនដែលអ្នកត្រូវដឹងពីខ្លួនឯង និងសួរខ្លួនឯងថា៖ ទី១. តើការងារណាសំខាន់ ហើយវាបន្ទាន់ ទី២. តើការងារណាសំខាន់ ប៉ុន្តែវាមិនបន្ទាន់ ទី៣. តើការងារណាមិនសំខាន់ ប៉ុន្តែវាបន្ទាន់ និងទី៤. តើការងារណាមិនសំខាន់ ហើយក៏វាមិនបន្ទាន់ដែរ។ បន្ទាប់ដឹងពីគន្លឹះទាំងនេះ អ្នកត្រូវចាប់ផ្តើមចាត់អាទិភាពការងារនោះឲ្យបានច្បាស់ ថាតើការងារណាត្រូវធ្វើមុនគេ ការងារណាត្រូវធ្វើបន្ទាប់ និងការងារណាត្រូវទុកធ្វើក្រោយគេ។
ដើម្បីអនុវត្តន៍របៀបគ្រប់គ្រងពេលវេលាឲ្យជោគជ័យ អ្នកត្រូវមានទម្លាប់ធ្វើផែនការប្រចាំថ្ងៃឲ្យបានទៀងទាត់ ដោយត្រូវសរសេរផែនការនៅថ្ងៃនេះសម្រាប់អនុវត្តន៍នៅថ្ងៃស្អែក និងត្រូវចំណាយពេលរម្លឹកការអនុវត្តរបស់អ្នក ថាតើត្រូវតាមពេលវេលាដែលអ្នកបានកំណត់ដែរឬទេ? បន្ទាប់មកអ្នកត្រូវសរសេរផែនការសម្រាប់ថ្ងៃបន្ទាប់ទៀត។ ដូច្នេះអ្នកត្រូវអនុវត្តន៍របៀបនេះឲ្យក្លាយជាទម្លាប់ ទើបការគ្រប់គ្រងពេលវេលារបស់អ្នកទទួលបានជោគជ័យ និងមានប្រសិទ្ធភាពខ្ពស់៕
© រក្សាសិទ្ធិដោយ thmeythmey.com