អន្តរជាតិ
ឈប់សម្រាកមួយឆ្នាំ ដោយមានប្រាក់ខែ ជាកាដូពិសេសសម្រាប់បុគ្គលិកក្រុមហ៊ុន Virgin ![](https://image.thmeythmey.com/pictures/2015/06/13/_______________________________________________________virgin-1.jpg)
×![]()
លោក Richard Branson ម្ចាស់ក្រុមហ៊ុនVirginគឺជាថៅកែដ៏ល្អបំផុតក្នុងពិភពលោកមែនទេ?ប៉ុន្មានខែបន្ទាប់ប្រកាសប្រាប់បុគ្គលិករបស់លោកថា ពួកគេអាចយកពេលឈប់សម្រាកច្រើនតាមចិត្តរបស់ខ្លួនឲ្យតែពួកគេបំពេញការងារបានទាន់ពេលវេលា ពេលនេះ លោកបានប្រកាសដំណឹងល្អមួយទៀតហើយ។
មហាសេដ្ឋីអង់គ្លេស និងជាប្រធានអគ្គនាយកក្រុមហ៊ុន Virginអនុញ្ញាតឲ្យឪពុកវ័យក្មេងឈប់សម្រាកនៅផ្ទះរបស់ខ្លួនពេញមួយឆ្នាំដោយទទួលបានប្រាក់បៀវត្សរ៍ធម្មតា នៅពេលដែលភរិយារបស់ពួកគេសម្រាលកូន ឬយកក្មេងមកចិញ្ចឹម។ លោកបាននិយាយថា៖ «បើយើងយកចិត្តទុកដាក់ចំពោះបុគ្គលិកពួកគេក៏យកចិត្តទុកដាក់ចំពោះមុខជំនាញរបស់យើងដែរ »។ ប៉ុន្តែមិនមែនបុគ្គលិកទាំងអស់សុទ្ធតែទទួលបានកាដូពិសេសនេះទេ។
មានតែបុគ្គលិកផ្នែកគ្រប់គ្រងដែលមានអតីតភាពចាប់ពីបួនឆ្នាំឡើង និងបម្រើការនៅស្នាក់ការក្នុងក្រុង Londres និងGenève ប៉ុណ្ណោះដែលទទួលបានអត្ថប្រយោជន៍នេះ ពោលគឺលើសពី ២០០ នាក់៕
© រក្សាសិទ្ធិដោយ thmeythmey.com