អន្តរជាតិ
នយោបាយអន្តរជាតិ
×![]()
នៅ ថ្ងៃសុក្រម្សិលមិញ តុលាការបារាំងបានសម្រេចលើកលែងការចោទប្រកាន់ចំពោះលោក Dominique Strauss-Kahn ជាអតីតប្រធានមូលនិធិរូបិយវត្ថុអន្តរជាតិ ក្នុងសំណុំរឿងពេស្យាចារនៅសណ្ឋាគារCarlton ក្នុងខែត្រLille។ ៤ឆ្នាំមកនេះ លោកStrauss-Kahn ដែលគេតែងហៅឈ្មោះកាត់ថា DSK សំបូររឿងអាស្រូវផ្លូវភេទ ដែលធ្វើអោយលោកស្អុយឈ្មោះបាត់មុខពីឆាកនយោបាយ។ ឥឡូវ លោកអាចនឹងត្រលប់មកប្រឡូកនយោបាយវិញបាន។
ដោយសារ តែរឿងអាស្រូវផ្លូវភេទជាច្រើន ពិសេសរឿងពេស្យាចារនៅសណ្ឋាគារCarlton លោកDominique Strauss-Kahn ជាអតីតប្រធានIMF និងជាសកម្មជនយោបាយសំខាន់ក្នុងបក្សកាន់អំណាចបារាំងបច្ចុប្បន្ន បានបាត់មុខមាត់និងកេរ្តិ៍ឈ្មោះក្នុងឆាកនយោបាយបារាំង៤ឆ្នាំមកហើយ។ រឿងរ៉ាវពេស្យាចារនៅសណ្ឋាគារCarlton បានបែកធ្លាយឡើង កាលពីឆ្នាំ២០១១ ក្នុងពេលលោកStrauss-Kahn នៅជាប្រធានIMF នៅឡើយ។
កាលនោះ មិត្តភក្តិរបស់លោកStrauss-Kahn ពីរនាក់ បានរៀបចំកម្មវិធីពេលរាត្រី នៅសណ្ឋាគារនេះ ដើម្បីយកចិត្តយកថ្លើមរូបលោក។ ក្នុងកម្មវិធីនេះ មិត្តរបស់លោកStrauss-Kahn បានជ្រើសរើសស្រីពេស្យាច្រើននាក់ នៅប៊ែលហ្ស៊ិក អោយពួកគេធ្វើដំណើរមកបំរើផ្លូវភេទអតីតប្រធានIMFដល់សណ្ឋាគារCarlton។ ការជ្រើសរើសដូច្នេះ ក៏ដោយសារតែមានការស្នើពីបុគ្គលិកបំរើការម្នាក់នៅសណ្ឋាគារនេះ។ បុរសនោះមានមិត្តភក្តិជាម្ចាស់Barមួយកន្លែងនៅបែលហ្ស៊ិក។ ដើម្បីអោយមានភ្ញៀវច្រើនស្នាក់នៅសណ្ឋាគារ គាត់បានសុំស្រីៗពីBarរបស់មិត្តភក្តិនៅបែលហ្ស៊ិកនោះ អោយមកបំរើភ្ញៀវសណ្ឋាគារ។
លោក Dominique Strauss-Kahn ទទួលស្គាល់ថា លោកពិតជាបានរួមភេទជាមួយស្រីៗទាំងនោះ ប៉ុន្តែ លោកពុំបានដឹងថា ស្រីៗទាំងនោះមានអាជីពជាស្រីពេស្យាឡើយ។ ក្រោយការស៊ើបអង្កេត៤ឆ្នាំមក តុលាការវាយតម្លៃថា ការដែលអតីតប្រធានIMF បានរួមភេទជាមួយស្រីៗនៅសណ្ឋាគារនេះ គឺជារឿងធម្មតា ក្នុងនាមលោកជាភ្ញៀវសណ្ឋាគារ។ ក្នុងសំណុំរឿងនេះដែរ តុលាការបានលើកលេែងការចោទប្រ្កាន់លើអ្នកពាក់ព័ន្ធជាង១០នាក់ ទៀតផងដែរ។ ដោយឡែក តុលាការសម្រេចអោយបុគ្គលិកសណ្ឋាគារដែលនាំស្រីពេស្យាមកបំរើ ភ្ញៀវរូបនោះ អោយជាប់ទោសក្រៅឃុំបណ្តោះអាសន្ន។ រីឯមិត្តភក្តិជាម្ចាស់Bar នៅប៊ែលហ្ស៊ិកវិញ មិនបានជាប់ទោសអ្វីទេ ព្រោះគ្មានភស្តុតាងចោទប្រកាន់គ្រប់គ្រាន់។
ដោយឡែក មិត្តភក្តិទាំង២នាក់របស់លោកStrauss-Kahn វិញបានជាប់ទោសពីបទល្មើសផ្សេងទៀត គឺរឿងយកលុយក្រុមហ៊ុនរបស់ពួកគេ មកចាយវាយផ្គាប់ចិត្តលោកStrauss-Kahn នៅសណ្ឋាគារCarlton៕
ដោយសារ តែរឿងអាស្រូវផ្លូវភេទជាច្រើន ពិសេសរឿងពេស្យាចារនៅសណ្ឋាគារCarlton លោកDominique Strauss-Kahn ជាអតីតប្រធានIMF និងជាសកម្មជនយោបាយសំខាន់ក្នុងបក្សកាន់អំណាចបារាំងបច្ចុប្បន្ន បានបាត់មុខមាត់និងកេរ្តិ៍ឈ្មោះក្នុងឆាកនយោបាយបារាំង៤ឆ្នាំមកហើយ។ រឿងរ៉ាវពេស្យាចារនៅសណ្ឋាគារCarlton បានបែកធ្លាយឡើង កាលពីឆ្នាំ២០១១ ក្នុងពេលលោកStrauss-Kahn នៅជាប្រធានIMF នៅឡើយ។
កាលនោះ មិត្តភក្តិរបស់លោកStrauss-Kahn ពីរនាក់ បានរៀបចំកម្មវិធីពេលរាត្រី នៅសណ្ឋាគារនេះ ដើម្បីយកចិត្តយកថ្លើមរូបលោក។ ក្នុងកម្មវិធីនេះ មិត្តរបស់លោកStrauss-Kahn បានជ្រើសរើសស្រីពេស្យាច្រើននាក់ នៅប៊ែលហ្ស៊ិក អោយពួកគេធ្វើដំណើរមកបំរើផ្លូវភេទអតីតប្រធានIMFដល់សណ្ឋាគារCarlton។ ការជ្រើសរើសដូច្នេះ ក៏ដោយសារតែមានការស្នើពីបុគ្គលិកបំរើការម្នាក់នៅសណ្ឋាគារនេះ។ បុរសនោះមានមិត្តភក្តិជាម្ចាស់Barមួយកន្លែងនៅបែលហ្ស៊ិក។ ដើម្បីអោយមានភ្ញៀវច្រើនស្នាក់នៅសណ្ឋាគារ គាត់បានសុំស្រីៗពីBarរបស់មិត្តភក្តិនៅបែលហ្ស៊ិកនោះ អោយមកបំរើភ្ញៀវសណ្ឋាគារ។
លោក Dominique Strauss-Kahn ទទួលស្គាល់ថា លោកពិតជាបានរួមភេទជាមួយស្រីៗទាំងនោះ ប៉ុន្តែ លោកពុំបានដឹងថា ស្រីៗទាំងនោះមានអាជីពជាស្រីពេស្យាឡើយ។ ក្រោយការស៊ើបអង្កេត៤ឆ្នាំមក តុលាការវាយតម្លៃថា ការដែលអតីតប្រធានIMF បានរួមភេទជាមួយស្រីៗនៅសណ្ឋាគារនេះ គឺជារឿងធម្មតា ក្នុងនាមលោកជាភ្ញៀវសណ្ឋាគារ។ ក្នុងសំណុំរឿងនេះដែរ តុលាការបានលើកលេែងការចោទប្រ្កាន់លើអ្នកពាក់ព័ន្ធជាង១០នាក់ ទៀតផងដែរ។ ដោយឡែក តុលាការសម្រេចអោយបុគ្គលិកសណ្ឋាគារដែលនាំស្រីពេស្យាមកបំរើ ភ្ញៀវរូបនោះ អោយជាប់ទោសក្រៅឃុំបណ្តោះអាសន្ន។ រីឯមិត្តភក្តិជាម្ចាស់Bar នៅប៊ែលហ្ស៊ិកវិញ មិនបានជាប់ទោសអ្វីទេ ព្រោះគ្មានភស្តុតាងចោទប្រកាន់គ្រប់គ្រាន់។
ដោយឡែក មិត្តភក្តិទាំង២នាក់របស់លោកStrauss-Kahn វិញបានជាប់ទោសពីបទល្មើសផ្សេងទៀត គឺរឿងយកលុយក្រុមហ៊ុនរបស់ពួកគេ មកចាយវាយផ្គាប់ចិត្តលោកStrauss-Kahn នៅសណ្ឋាគារCarlton៕
© រក្សាសិទ្ធិដោយ thmeythmey.com
