អន្តរជាតិ
ដើរ ៤៨ គីឡូម៉ែត្រ បើមិនបង់ថ្លៃតាក់ស៊ី ![](https://image.thmeythmey.com/pictures/2015/06/13/abc_30_miles_1_tl_150602_4x3_992.jpg)
×![]()
ក្មេងស្រីម្នាក់ត្រូវបានចៅក្រមដាក់ទោសឲ្យដើរចម្ងាយ ៤៨ គីឡូម៉ែត្រ ក្នុងរយៈពេលពីរថ្ងៃ ស្មើនឹងចម្ងាយដែលនាងបានជិះតាក់ស៊ី ដោយសារនាងមិនព្រមបង់ប្រាក់ឲ្យម្ចាស់រថយន្ត។
Victoria Bascom អាយុ១៨ឆ្នាំបានហៅរថយន្តតាក់ស៊ីជិះពីCleveland ទៅ Painesville (សហរដ្ឋអាមេរិក)។ ពេលទៅដល់គោលដៅ នាងបានចុះពីរថយន្តដោយមិនបង់ប្រាក់។
នៅចំពោះមុខតុលាការ នាងបានទទួលស្គាល់កំហុសរបស់ខ្លួន។ ចៅក្រមបានផ្តល់ជម្រើសពីរឲ្យនាង គឺចូលគុករយៈពេល ៦០ ថ្ងៃ ឬដើរចម្ងាយ ៤៨ គីឡូម៉ែត្រក្នុងរយៈពេល ៤៨ ម៉ោង។ នាងបានរើសយកជម្រើសទីពីរដោយមិនស្ទាក់ស្ទើរ។ ដោយមានភ្ជាប់ឧបករណ៍ GPS នៅនឹងកជើងដើម្បីកំណត់រយៈចម្ងាយឲ្យច្បាស់លាស់នាងបានអនុវត្តទោសដើរជុំវិញពហុកីឡដ្ឋានPainesville។
ប៉ុណ្ណឹងនៅមិនទាន់អស់ទេ នាងត្រូវស្ថិតនៅក្រោមការឃ្លាំមើលរបស់អាជ្ញាធររយៈពេល ៤ ខែ និងតម្រូវឲ្យបង់ប្រាក់ ១០០ ដុល្លារជាថ្លៃសងជំងឺចិត្តដល់ក្រុមហ៊ុនរថយន្តតាក់ស៊ី៕
© រក្សាសិទ្ធិដោយ thmeythmey.com