តា១០៣ឆ្នាំ និងយាយ៩១ឆ្នាំសម្រេចចិត្តរៀបការ ក្រោយនៅជាមួយគ្នា២៧ ឆ្នាំ

អន្តរជាតិ

តា១០៣ឆ្នាំ និងយាយ៩១ឆ្នាំសម្រេចចិត្តរៀបការ ក្រោយនៅជាមួយគ្នា២៧ ឆ្នាំ

14, Jun 2015 , 7:59 pm

រូបភាព

ដោយ: ធីតា

ពួកគាត់ក្លាយទៅជាតាទួត និងយាយទួតអស់ទៅហើយ ប៉ុន្តែGeorge Kirby អាយុ១០៣ឆ្នាំ និងDoreen Luckie អាយុ៩១ឆ្នាំ មិនបានទុកឲ្យអាយុរបស់ពួកគាត់មករារាំងបំណងក្នុងការរៀបអាពាហ៍ពិពាហ៍ជាមួយគ្នាឡើយ។

ពិធីរៀបការត្រូវបានធ្វើឡើងដោយស្ងាត់ៗ នៅក្នុងសណ្ឋាគាររបស់កូនប្រុសកូនកម្លោះនៅក្រុងEastbourneដោយមានការចូលរួមពីក្រុមគ្រួសាររបស់គូស្វាមីភិរិយា និងមិត្តស្និទ្ធស្នាល។ ពួកគាត់ទាំងពីរក្លាយជាកូនកម្លោះកូនក្រមុំដែលចាស់ជាងគេបំផុតក្នុងពិភពលោក ដោយមានអាយុរួមគ្នារហូតដល់ ១៩៤ ឆ្នាំ។ តួលេខនេះបានបំបែកឯតទគ្គកម្មចាស់ក្នុងឆ្នាំ២០០២ដែលកូនកម្លោះកូនក្រមុំមានអាយុបូកចូលគ្នាគឺ ១៩១ ឆ្នាំ នេះបើតាមសៀវភៅកំណត់ត្រាពិភពលោក Guinness ។

ប្តីប្រពន្ធជនជាតិអង់គ្លេសមួយគូនេះបានរួមរស់ជាមួយគ្នារយៈពេល ២៧ ឆ្នាំមកហើយ។George បាននិយាយថា កាលពីមុនពួកគាត់មិនចង់គិតគូរពីរឿងរៀបការទេ តែនៅទីបំផុត ពួកគាត់ទាំងពីរបានសម្រេចចិត្តរៀបចំពិធីនេះ។

គួរបញ្ជាក់ថា កូនកម្លោះធ្លាប់ជាអតីតកីឡាករប្រដាល់ដែលបានឆ្លងកាត់ការប្រកួតប្រមាណ ៦០ ដង ហើយគាត់មិនដែលចាញ់គូប្រកួតឡើយ។ ពេលនេះ គូស្វាមីភរិយាថ្មីនេះមិនទាន់ដឹងនៅឡើយទេថាត្រូវទៅក្រេបទឹកឃ្មុំនៅកន្លែងណា៕

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

5 ថ្ងៃ

តើពាក្យ«ពិសោធ» និង«ពិសោធន៍» មានលក្ខខណ្ឌប្រើប្រាស់ខុសគ្នាដូចម្ដេច?

2 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

4 ថ្ងៃ

តើពាក្យ «សូម, សុំ» មានន័យខុសគ្នាយ៉ាងដូចម្តេច?

3 ថ្ងៃ

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

6 ថ្ងៃ

អត្ថបទពេញនិយមបន្ថែម