អន្តរជាតិ
បច្ចេកវិទ្យា
Iphoneអាចនឹងប្តូរទៅផលិតនៅប្រទេសឥណ្ឌា ដើម្បីកាត់បន្ថយការចំណាយ ![](https://image.thmeythmey.com/pictures/2015/06/15/1562015173245iphone.jpg)
×![]()
បើតាមReuters ក្រុមហ៊ុនFoxconnដែលជាអ្នកចែកចាយផលិតផលម៉ាកApple បន្តពីក្រុមហ៊ុនយក្សអាមេរិកបាននិងកំពុងពិភាក្សាជាមួយរដ្ឋាភិបាលឥណ្ឌាដើម្បីបើករោងចក្រដំឡើងផលិតម៉ាកiPhone និង iPadពី១០ ទៅ ១២ រោងចក្រក្នុងប្រទេសនេះក្នុងគោលដៅកាត់បន្ថយខ្ទង់ចំណាយ។
នេះជាមធ្យោបាយមួយដើម្បីឲ្យផលិតផលម៉ាក Apple រឹតតែមានភាពប្រកួតប្រជែងថែមទៀតនៅលើទីផ្សារដែលខ្លួនបាននាំមុខម៉ាកSamsung និងផលិតផលក្នុងស្រុកផ្សេងៗទៀត។នៅពេលនេះ ក្រុមហ៊ុនយក្សអាមេរិកមិនទាន់ធ្វើការបញ្ជាក់ចំពោះដំណឹងនេះនៅឡើយទេ។
Foxconnដែលបច្ចុប្បន្ននេះមានទីស្នាក់ការនៅប្រទេសចិនបានប្រើប្រាស់បុគ្គលិកលើសពីមួយលាននាក់ដើម្បីដំឡើងជាពិសេសទូរស័ព្ទម៉ាក iPhoneនិងiPadព្រមទាំងផលិតផលម៉ាក BlackBerry Amazonនិង Microsoft។
នៅឥណ្ឌាដែលទីផ្សារទូរស័ព្ទកើនឡើងយ៉ាងខ្លាំងទូរស័ព្ទiPhoneថ្លៃជាងSamsung Galaxy S6 តែ១០%ប៉ុណ្ណោះ។
© រក្សាសិទ្ធិដោយ thmeythmey.com