ជាតិ
បទយកការណ៍ / បទសម្ភាសន៍
យីហោហាងកាត់សក់បែបកំប្លែង ទាក់ម៉ូយបានច្រើន ![](https://image.thmeythmey.com/pictures/2015/07/26/hair-cut-front.jpg)
×![]()
ភ្នំពេញ៖ ក្រៅពីមានថ្វីដៃហើយនោះ ហាងកាត់សក់នៅក្នុងរាជធានីភ្នំពេញដែលអាចស្រូបយកអតិថិជនបានច្រើន ក៏ត្រូវពឹងផ្អែកលើស្លាកយីហោដែលមានភាពទាក់ទាញផងដែរ។ ពិតណាស់ នៅក្នុងពេលបច្ចុន្បន្ននេះ ហាងកាត់សក់ដែលមានស្លាកយីហោបែបកំប្លែង ពិតជាបានទាក់ទាញចំណាប់អារម្មណ៍អតិថិជន ឲ្យចង់សាកល្បង។ លោក សឿង សាវុន ម្ចាស់ហាង«កាត់សក់ដើម្បីនាង»បានលើកឡើងថា អតិថិជនដែលបានចូលមកកាត់សក់នៅហាងរបស់លោកមួយចំនួន គឺដោយសារតែពួកគេចាប់អារម្មណ៍នឹងឈ្មោះហាងរបស់លោក ហើយក៏ជាប់ចិត្តតែម្តង។ ចំណែកឯហាង«កាត់សក់ដើម្បីអូន» និងហាង«កាត់សក់លើករាសី» ឯណោះវិញ ក៏ទទួលបានការគាំទ្រច្រើនពីសំណាក់អតិថិជនគ្រប់ស្រទាប់វ័យផងដែរ។ លោ អ៊ឹម សំនៀង ជាម្ចាស់ហាងកាត់សក់ទាំងពីនេះឲ្យដឹងថា អតិថិជនជាអ្នកធ្វើការ និងជាអ្នករកស៊ីមួយចំនួនសរសើរថា ក្រោយពីកាត់សក់នៅហាង«កាត់សក់លើករាសី»របស់លោកហើយនោះ ពួកគេមានអារម្មណ៍ស្រស់ស្រាយ និងជួយលើករាសីពិតប្រាកដមែន។ ដោយឡែកអតិថិជនជាយុវវ័យមួយចំនួនវិញ ពួកគេចូលចិត្តកាត់សក់នៅហាង«កាត់សក់ដើម្បីអូន» ដើម្បីផ្គាប់ចិត្តគូរស្នេហ៍របស់ពួកគេ ឲ្យត្រូវតាមអត្ថន័យនៃឈ្មោះហាងមួយនេះផងដែរ៕
ដើម្បីជ្រាបច្បាស់សូមអញ្ជើញទស្សនាវីដេអូដូចតទៅ៖
© រក្សាសិទ្ធិដោយ thmeythmey.com