អន្តរជាតិ
នយោបាយអន្តរជាតិ
លី សៀនឡុង៖ ខ្ញុំមិនជំពាក់កម្មករបរទេសទេ តែខ្ញុំជំពាក់ការទទួលខុសត្រូវចំពោះប្រជាជនសិង្ហបុរី
×![]()
ខណៈសេដ្ឋកិច្ចសិង្ហបុរីកាន់តែរីកលូតលាស់ទៅមុខ លំហូរកម្មករបរទេសក៏កាន់តែកើនឡើងជា បន្តបន្ទាប់។ ការកើនឡើងនៃកម្មករបរទេសដែលមានជំនាញ និង ទេពកោសល្យ បានជួយជំរុញសេដ្ឋកិច្ច សិង្ហបុរី ឲ្យកាន់តែល្អប្រសើរ។ ស្របជាមួយគ្នានេះ ការគំរាមកំហែង ក៏ត្រូវកើតមានឡើងស្របផងដែរ។ លោកនាយករដ្ឋមន្ត្រីសិង្ហបុរី លីសៀនឡុង បានបញ្ជាក់ថា បញ្ហានេះគឺជាបញ្ហាដ៏ពិបាកដើម្បីដោះស្រាយ ក៏ប៉ុន្តែ លោកនឹងខិតខំឲ្យអស់ពីសមត្ថភាពដើម្បីប្រជាជនសិង្ហបុរី និង អនាគតក្មេងជំនាន់ ។
យោងតាមកិច្ចសម្ភាសរបស់នាយករដ្ឋមន្ត្រីសិង្ហបុរី លី សៀនឡុង ជាមួយទូរទស្សន៍ក្នុងស្រុក បញ្ហាប្រឈមធំរបស់សិង្ហបុរី បច្ចុប្បន្នគឺ ការកើនឡើងនៃចំនួនកម្មករបរទេស(PMETs)នៅក្នុងប្រទេស ដែលរួមមាន អ្នកឯកទេស អ្នកគ្រប់គ្រង នាយកប្រតិបត្ត និង អ្នកបច្ចេកទេស។ ចំនួននៃកម្មករជំនាញបរទេសនេះហើយ ដែលអាចឲ្យសិង្ហបុរីត្រូវកត្តាប្រឈមនូវការបាត់បង់អត្តសញ្ញាណនៅក្នុងរយៈពេល៥០ឆ្នាំក្រោយ។ ការកើនឡើងនេះត្រូវបានលោក លី សៀនឡុង ចាត់ទុកថាជាបញ្ហាដែលពិបាកដោះស្រាយ ដ្បិតការចាត់វិធានតឹងរឹងអាចនឹងធ្វើឲ្យប៉ះពាល់ដល់សេដ្ឋកិច្ចជាតិ។
លោក លី សៀនឡុង បានទទួលស្គាល់ប្រសិនបើមិនមានកម្មករបរទេសនោះទេ សេដ្ឋកិច្ចជាតិ នឹងត្រូវ ជួបវិបត្តិ ហើយការរស់នៅរបស់ប្រជាជននឹងត្រូវប៉ះពាល់ផងដែរ។ ក៏ប៉ុន្តែប្រសិនយើងបណ្តែត បណ្តោយលំហូរនៃកម្មករឲ្យកាន់តែកើនឡើងៗនោះ យើងត្រូវមានសម្ពាធ និង បញ្ហានៅក្នុងសង្គម។
ដើម្បីជាការទទួលខុសត្រូវក្នុងនាមជានាយករដ្ឋមន្ត្រី លោកសៀនឡុង បានអះអាងថាយើងត្រូវតែ ស្វែងរកដំណោះស្រាយណា ដែលអាចធានាបាននូវតុល្យភាពសម្រាប់ អ្វីដែលយើងត្រូវការអត្តសញ្ញណ និង តម្រូវការសេដ្ឋកិច្ចរបស់យើង។ ជាពិសេសនោះ លោកសង្កត់ធ្ងន់ថា ក្នុងនាមលោក ជាតំណាងប្រជាជនសិង្ហបុរី លោកនឹងខិតខំឲ្យពីសមត្ថភាពដើម្បីប្រជាជនសិង្ហបុរី និង អនាគតក្មេង ជំនាន់ក្រោយ។ លោកបន្ថែមទៀតថា លោកមិនបានជំពាក់កម្មករបរទេសនោះទេ តែលោក ជំពាក់ កាតព្វកិច្ចសម្រាប់ប្រជាជនសិង្ហបុរី។
គួរបញ្ជាក់ផងដែរ សិង្ហបុរី គឺរដ្ឋដ៏តូចជាងគេ ក្នុងចំណោមរដ្ឋអាស៊ានទាំងដប់។ ក៏ប៉ុន្តែប្រទេសនេះ មានសេដ្ឋកិច្ចលូតលាស់លឿន និង ខ្ពស់ជាងក្នុងចំណោមរដ្ឋអាស៊ាន។ ជាពិសេស រដ្ឋាភិបាលសិង្ហបុរី ប្រឆាំងជាដាច់ខាតរាល់អំពើពុករលួយ និង ឲ្យតម្លៃបំផុតសម្រាប់អ្នកមានទេពកោសល្យ និងសមត្ថភាព ពិតប្រាកដ។ កត្តានេះហើយ ដែលជំរុញឲ្យកម្មករបរទេស ចង់ទៅបម្រើការ និងចង់រស់នៅទីនោះផងដែរ៕
យោងតាមកិច្ចសម្ភាសរបស់នាយករដ្ឋមន្ត្រីសិង្ហបុរី លី សៀនឡុង ជាមួយទូរទស្សន៍ក្នុងស្រុក បញ្ហាប្រឈមធំរបស់សិង្ហបុរី បច្ចុប្បន្នគឺ ការកើនឡើងនៃចំនួនកម្មករបរទេស(PMETs)នៅក្នុងប្រទេស ដែលរួមមាន អ្នកឯកទេស អ្នកគ្រប់គ្រង នាយកប្រតិបត្ត និង អ្នកបច្ចេកទេស។ ចំនួននៃកម្មករជំនាញបរទេសនេះហើយ ដែលអាចឲ្យសិង្ហបុរីត្រូវកត្តាប្រឈមនូវការបាត់បង់អត្តសញ្ញាណនៅក្នុងរយៈពេល៥០ឆ្នាំក្រោយ។ ការកើនឡើងនេះត្រូវបានលោក លី សៀនឡុង ចាត់ទុកថាជាបញ្ហាដែលពិបាកដោះស្រាយ ដ្បិតការចាត់វិធានតឹងរឹងអាចនឹងធ្វើឲ្យប៉ះពាល់ដល់សេដ្ឋកិច្ចជាតិ។
លោក លី សៀនឡុង បានទទួលស្គាល់ប្រសិនបើមិនមានកម្មករបរទេសនោះទេ សេដ្ឋកិច្ចជាតិ នឹងត្រូវ ជួបវិបត្តិ ហើយការរស់នៅរបស់ប្រជាជននឹងត្រូវប៉ះពាល់ផងដែរ។ ក៏ប៉ុន្តែប្រសិនយើងបណ្តែត បណ្តោយលំហូរនៃកម្មករឲ្យកាន់តែកើនឡើងៗនោះ យើងត្រូវមានសម្ពាធ និង បញ្ហានៅក្នុងសង្គម។
ដើម្បីជាការទទួលខុសត្រូវក្នុងនាមជានាយករដ្ឋមន្ត្រី លោកសៀនឡុង បានអះអាងថាយើងត្រូវតែ ស្វែងរកដំណោះស្រាយណា ដែលអាចធានាបាននូវតុល្យភាពសម្រាប់ អ្វីដែលយើងត្រូវការអត្តសញ្ញណ និង តម្រូវការសេដ្ឋកិច្ចរបស់យើង។ ជាពិសេសនោះ លោកសង្កត់ធ្ងន់ថា ក្នុងនាមលោក ជាតំណាងប្រជាជនសិង្ហបុរី លោកនឹងខិតខំឲ្យពីសមត្ថភាពដើម្បីប្រជាជនសិង្ហបុរី និង អនាគតក្មេង ជំនាន់ក្រោយ។ លោកបន្ថែមទៀតថា លោកមិនបានជំពាក់កម្មករបរទេសនោះទេ តែលោក ជំពាក់ កាតព្វកិច្ចសម្រាប់ប្រជាជនសិង្ហបុរី។
គួរបញ្ជាក់ផងដែរ សិង្ហបុរី គឺរដ្ឋដ៏តូចជាងគេ ក្នុងចំណោមរដ្ឋអាស៊ានទាំងដប់។ ក៏ប៉ុន្តែប្រទេសនេះ មានសេដ្ឋកិច្ចលូតលាស់លឿន និង ខ្ពស់ជាងក្នុងចំណោមរដ្ឋអាស៊ាន។ ជាពិសេស រដ្ឋាភិបាលសិង្ហបុរី ប្រឆាំងជាដាច់ខាតរាល់អំពើពុករលួយ និង ឲ្យតម្លៃបំផុតសម្រាប់អ្នកមានទេពកោសល្យ និងសមត្ថភាព ពិតប្រាកដ។ កត្តានេះហើយ ដែលជំរុញឲ្យកម្មករបរទេស ចង់ទៅបម្រើការ និងចង់រស់នៅទីនោះផងដែរ៕
© រក្សាសិទ្ធិដោយ thmeythmey.com
